Suliffimmi avatangiisit

Suliffimmi avatangiisit ataasiakkaat toqqissisimanerannut, taamaalillunilu atorfillit ataasiakkaat suliaasa pitsaassusiannut pingaaruteqarluinnarput. Taamaammat suliffimmi avatangiisit isiginiarneqartuarnissaat sulisunut ataasiakkaanuinnaq pingaaruteqarani, suliffimmut tamarmut pingaarluinnarpoq. Taamaammattaaq atuarfinni suliffimmi avatangiisit ilinniartitsinermut, tassuunakkullu aamma atuartut atuartinneqarnerminnik pissarsiaannut pingaarluinnartuupput.

 

www.godarbejdslyst.dk  tassaavoq Suliffigissaaneq pillugu Siunnersuisoqatigiit paasititsiniaanerata ilaa, tassami Siunnersuisoqatigiit tarnikkut suliffinni avatangiisit suliniutiminni pingaarnertut inissippaat. Paasititsiniaanermut ilaapput ussassaarutit, mappersagaaqqat, postkortit, e-card-it aamma qulequtaq oqallisigitinniarlugu suliffinni aaqqissuussinerit.

  • Qulequttat – uani tarnikkut suliffinni avatangiisit iluanni qulequttat ajornartorsiutillu assigiinngitsorpassuit saqqummiunneqarput, soorlu nukissaarututtutut misigineq, stress, uumisaarisarneq aamma kusanaatsuliorfigineqarneq, ingerlalluarneq toqqissisimanerlu.
  • Illit suliaqarfiit (branche) – tassani tarnikkut suliffinni avatangiisit pillugit atortussat katersugaapput sulianut assigiiaanut immikkoortitikkat. Illit nammineq suliaqarfiit – assigiinngitsut 49-t akornanni - nassaariuk.
  • Sakkussat – tassani tarnikkut suliffimmi avatangiisitigut ajornartorsiutit qanoq ulluinnarni qaangerniarneqarsinnaaneri pillugit pingaarutilinnik paasissutissiisoqarpoq. Sakkussat assigiinngitsut ilisaritinneqarput, soorlu oqaloqatigiinnissamut pinnguaat, nalunaarsuiffissiat aamma aqutsinermi sakkussiat.
  • Inatsisit malittarisassallu – tassaniipput inatsisit aamma suliaqarfiit assigiinngitsut iluanni isumaqatigiissutit pillugit paasissutissat ataatsimut katersukkat