IMAK’i pillugu

Quppernerni tullerni atuarsinnaavatit IMAK’ip malittarisassai, politikkia, tatigisaallutik sinniisui, siulersuisui, allaffeqarfia, il.il.

 

IMAK ’i tassaavoq suliat pillugit kattuffik 1300-t missaanik ilaasortalik (2013-imi).

 

Ilaasortat amerlanersaat nunatta atuarfeqarfiani atorfeqarput. Ilaasortat ilaat Namminersorlutik Oqartussat Allaffeqarfiani, Inerisaavimmi, kommunet ingerlatsiviini, Piareersarfinni allaniluunniit pisortat suliffeqarfiini atuartitsinermik suliaqartuupput. Ilaasortat ilaat privatit tunngaviusumik atuarfiini efterskolenilu atorfeqarput. 

 

Taakku saniatigut IMAK’ip ilaasortarpaalui soraarnerupput kiisalu ilaasortat ilaqarput atuartitsinermik suliaqarunnaaraluarlutik IMAK’imut ilaasortaanerminnik attasserusuttunik.  

 

IMAK’i  kattuffiuvoq partiilersorluni naalakkersuinermut attaviitsoq, siunertaraluguli ilaasortat pamersaanermik suliaqarnerinik, aningaasatigut aqunneqarnerinik atorfimminnilu soqutigisaanik sullisissallugit, ataqatigiinneq nukittorsassallugu meeqqallu atuarfiata ineriartornissaa ilaasortallu sumiluunniit allani suliffillit sullisissallugit. Tassalu kattuffiup ilaasortami akissarsiamikkut suliffimminnilu atugaat kisiisa isumagisarinngilai, pamersaanikkulli naalakkersuinikkullu atuarfimmut tunngasunik soqutigisaat aamma isumagisarivai.   

 

IMAK’i ilaasortami saniatigut sinniisoqarfeqarluni, siulersuisoqarluni, ataatsimoorussamik tatigisaallutik sinniisoqarluni (fællestillidsrepræsentanter) tatigisaallutillu sinniisoqarluni pilersinneqarpoq. 

 

IMAK’i Danmarkimi ilinniartitsisut kattuffia (DLF) suleqatigiinnissamik isumaqatigiissuteqarfigaa.

DLF’i pillugu uani aamma atuarsinnaavutit:

Danmarks Lærerforening

 

IMAK’i DLF’ip kongresiani marlunnik taasisinnaasunik ilaasortaqarpoq. Ilaasortaq ataaseq tassaajuaannarpoq IMAK’ip siulittaasua, ilaasortallu aappaa ukiut marlukkaarlugit IMAK’ip sinniisoqarfianit qinerneqartarpoq.  

 

DLF’imik suleqateqarnerup iluaqutigaa IMAK’i suliani aalajangersimasuni DLF’ip allaffeqarfianut ikiortissarsiorsinnaamat ilaasortallu kikkulluunniit ilaasortaanerminni iluaqutissaminnik pisinnaallutik.    

 

DLF’imi ilaasortat nunatsinnut suliartorlutik nuuttut IMAK’imit IMAK’imut nuunneqartarput, taamattaaq IMAK’ip ilaasortai Danmarkimut  DLF’ip iluani suliartorlutik nuuttut DLF’imut nuunneqartarlutik.

 

IMAK’i  nunani avannarlerni ilinniartitsisut kattuffiisa isumasioqatigiiffiannut Nordiske Lærerorganisationers Samrådimut (NLS) ilaasortaavoq.

NLS’i pillugu uani aamma atuarsinnaavutit:

Nordiske Lærerorganisationers Samråd

 

IMAK’i ICC’mut ilaasussamik ataatsimik qinersisarpoq. 

 

IMAK’i, NPK Peqqissaasullu Kattuffiat (PK) peqatigalugit sinniisussamik ataatsimik Nunatsinni Suliffimmi Isumannaallisaanikkut Pissutsit pillugit isumalioqatigiissitaliamut ilaasussamik toqqaasarpoq. Massakkut Lisbeth Frederiksen IMAK’imi atorfilik kattuffiit taaakku pingasut sinnerlugit toqqagaavoq. Nunatsinni Suliffimmi Isumannaallisaanikkut.

Pissutsit pillugit uani aamma atuagaqarsinnaavutit:

Det Grønlandske Arbejdsmiljøråd

 

IMAK’ip nunatsinni ilinniagartuut kattuffiat Akademikernes Sammenslutning i Grønland ( ASG),  Atorfillit Kattuffiat (AK),  Sundhedskartellet (PPK), perorsaasut katuffiat Pædagogisk fagforening (NPK), tusagassiortut  teknikerillu kattuffiat Journalisterne og teknikerne (TP) qaammammut amerlanertigut ataaseriarluni ataatsimeeqqatigisarpai.  Ataatsimiinnermi tassani kattullutik soqutigisatik oqallisigisarpaat, soorlu kattuffiit soqutigisaqaqatigiit  saaaffiginnissutinik ataatsimoorlutik assersuutigalugu Naalakkersuisunut tassani suliaqartarput.