Wednesday, 5 Sep 2018 12:49 Age: 102 days
Category: Forsidenyhed, Forsidebanner

IMAKip allattoqarfiani suleqat nutaaq.

Nuannaarutigaarput septembarip aallaqqaataaniit 2018 allattoqarfitsinni suleqatitaarput Christian Jensen tikilluaqqusinnaagatsigu.

Amerlasuut Christian ilisarisimavaat, taamaanngippat ataani imminut ilisaritinnera atuarsinnaavat.


 

Christiap sulilerneraniit Kareni Ilisimatusarfimmi inatsisilerituutut ilinniarluni aallartippoq.  Qujanartumik Karenip IMAKimi atorfeqarnini ingerlatiinnassavaa tamakkiisuunngikkaluamik. Allattoqarfiup ammanerata nalaani Kareni naapinneqarsinnaanngilaq. Taamaattumik Karenimut mailit ingerlatinnagu uunga allassaatit imak@imak.gl -mut. Karenip ilinniagaqaqqinneranit ingerlalluarnissaanik kissaapparput.

 

Ilisaritinneq

Christian Jensenimik ateqarpunga. Ilulissaninngaanneerpunga Qaasuitsup Komuuniani kiisalu Avannaata Komuuniani Atuarfeqarfinnut MISI Avannaanullu fagchefiunikuuvunga.

Ilinniartitsisutut 2005-mi naammassinikuuvunga kingornalu ilinniaqqinnikuuvunga inuiaqatigiilerinermilu bacheloritut naammassinikuuvunga.

 

Nuliaqarpunga Malene Jensenimik atilimmik meeqqanullu sisamaasunut angajoqqaajuvugut. Angajulleq, Keisha, Aasiaanni GU-rpoq, Aviâja ASK-mi atuartuuvoq meeqqat atuarfianilu naggataarpoq, Viktor Kangillinnguit Atuarfiani 4. Kl.-poq, taavalu nukarlersaq Nicklas 3-nik ukioqarluni, bussernerlu taanna nuannarivaa.

 

Ilaqutariinneq assut pingaartitaraara umiatsiamillu angalaarneq pinialunnerlu nuannaralugu.

 

IMAKimi unammilligassat nutaat qilanaarivakka aallutissallugit qularinngilaralu nuannersumik ingerlajumaartoq.


Uani annertunerusumik atuaruk:
ny_medarbejder_2018.pdf99 K