Friday, 8 Mar 2019 10:01 Age: 16 days
Category: Forsidenyhed, Forsidebanner, Pressemeddelelser

Sooq ilinniartitsisut soraararpat?

AG-mi 6. marts 2019 saqqummersumi atuarneqarsinnaavoq Qeqqata Kommuniani ilinniartitsisut taarseraanneri ajornartorsiutaasoq, ajornartorsiummik kommunip tigusinera IMAKip nersualaarusuppaa.


 

Ajoraluartumilli ajornartorsiut taanna Kalaallit Nunaat tamakkerlugu takuneqarsinnaavoq.

 

Ilaasortat atuarfimmut allamut nuunnerminnut, meeqqat atuarfiata qimanneranut imaluunniit soraarninngujaarniarlutik aaliangeraangata peqqutigisartagaat ukuusarput:

 

Sullivimmi avatangiisit – suliat siorasaarneqarnermik, nakuusernermik            aammalu uippakaajaarnernik aallaaveqartut amerliartuinnartut

Fagit piginnaasaqarfiginngisat atuartitsissutigineri

Ilinniartitsisut sulinerminni pingaartumik qullersaminnit angajoqqaanit aammalu inuiaqatigiinnit          tapersersorneqannginneq

Atorfimmut tunngatillugu inigisat pitsaanngitsut

Meerarisat piukkunnaateqartunik paarsisussaqannginnerat

 

IMAKip siulersuisuisa kommunit tamaasa sakkortuumik kajumissaarusuppaat ajornartorsiut tamanna suliniutigeqqullugu, ingerlaavartumik suliffik nalilersorlugu, taamaalinermi ajornartorsiutit allivallaartinnagit aaqqivigineqassammata.

Minnerunngitsumik ilinniartitsisoq sulinermini naleqqutinngitsumik timikkut tarnikkulluunniit ajoqusernerani iliuuseqarfigineqapallattarnissaat.

 

Naggataatigut IMAKip eqqaasitsissutigissavaa ukioq 2000-mi ilinniartitsisut atorfinitsitaasarnerat qitiusumiit kommuninut nuutsinneqarmat, soraarniarlutik nalunaaruteqartut kommunit piaartumik piumaffigisassagaat apersorlugit soraarniuteqarnerat suliffimmut attuumassuteqarnersoq taamaassimappat kommuni qanoq iliuuseqapallanniassammat.  

 

Nuuk den 7. marts 2019

Birthe Therkildsen

Formand for IMAK tlf 543339


Uani annertunerusumik atuaruk:
pressemeddelelse_-lærerudskiftning.pdf106 K