Wednesday, 1 May 2019 10:06 Age: 80 days
Category: Forsidenyhed, Forsidebanner, Pressemeddelelser

Asasakka ilaasortat, sulisartut allat suleqatigisallu. nere.

Maajip aallaqqaataani pilluaritsi qujanarlu SIK-mut ullumikkut maani oqalugiarnissamut periarfissiineranut.


 

Qallunaat nunaanni ukiut 130-t matuma siornatigut siullerpaamik pisortatigoortumik sulisartut ulluat
nalliussineqaqqaarmalli oqaatsit ataatsimut akisussaaffeqaqatigiinneq, suleqatigiinneq aammalu ataatsimooqatigiinneq suli ullumikkut pingaaruteqartuarput.


Kingorna pingaarnernik isumaqatigiisuteqalersimavugut aammalu sulinermut isumaqatigiissuteqalersimalluta taamaakkaluartoq atorfeqartut suliffimminni atugaasa ilaat  isumaqatigiissummut ilanngunneqarsinnaanngillat.  


Uani eqqarsaatigivakka pisortani atorfeqartut suliffiisa avatangiisaat – timitalimmik tarnikkullu atukkat eqqarsaatigalugit.


Pisortani suliffeqartut suliffik peqqutigalugu napparsimalersimasut amerliartuinnartut takussaagaluttuinnarput soorlu:

  • Suliffiup silaannaa peqqutigalugu,
  • Suliaqarpallaarneq, piffissaq suliamut atugassaq naleqqutinngimmat,
  • Pisortat suliffeqarfii sulisoqarnikkut amigaateqartillugit innuttaasut pitsaasumik

sullinneqarnissaminnik ilimasuutaat piviusunngorsinnaanngitsoq pissutigalugu.


Takusarpagut pisortani sulisut periarfissaqalerneq siulleq atorlugu soraarninngorusullutik aaliangersimasut.
Peqqutigisarpaat sulerulunnertik imaluunniit suliap pitsaasumik suliarinissaannut periarfissaqannginnertik
peqqutigalugu aammalu suliartik nalilimmik suliarisinnaannginnera peqqutigalugit.


Takusarpagut ilinniartitsisut inuusuttut ilinniartitsisuujunnaarlutik allamik suliffittaartartut.


Suliamik ilinniarsimasuunngitsugut aammalu ilinniagallit kattuffiit akimorlugit pisortat suliffeqarfii ataatsimoorluta pitsaanerusumik avatangiiseqarnissaat sulissutigisigit.


Ilaasortatta suliffik peqqutigalugu napparsimalinnginnissaat aammalu nuannaarlutik suliartortarnissaat
kissaatigaarput. Ilaasortatta suliffitsik pitsaasumik suliarinissaannut sinaakkuteqartariaqarput.
Maannakkutut sumiffippassuarni taamaannera ingerlaannarsinnaanngilaq.

Ataatsimut akisussaaffeqaqatigiinneq, suleqatigiinneq ataatsimoornerlu tassaapput siumut ingerlaffissat – aamma 2019-mi.


Uani annertunerusumik atuaruk:
1_maj_tale_dk.pdf65 K