Ilaasortaaneq

Kinaluunniit kattuffiup isumaqatigiinniarfigisinnaasaanut ilaasoq imaluunniit kattuffiup isumaqatigiinniussinnaasamisut isigisaa IMAK-imut nalinginnaasumik ilaasortanngorsinnaatitaavoq.

Nalinginnaasumik ilaasortaasut pensionisiaqalerlutik, soraarnerussutisiaqalerlutik il.il. tunngaveqarlutik suliunnaartut ilaasortaajuarsinnaatitaapput.

Inuit, isumaqatigiissut atorfiulluunniit ilusaa naapertorlugu kattuffimmut allamut attuumassuteqartut, nalinginnaasumik ilaasortanngorsinnaangillat.

Inuit nalinginnaasumik ilaasortanngornissamut piumasaqaatinik piviusunngortitsinngitsut, immikkut ilaasortatut kattuffimmut ilanngussinnaapput.

Pissutsit immikkut ittut tamanna ilalernartippassuk, tamakkiisumik ilaannakortumilluunniit ilaasortaanermut akiliisannginnissaq siulersuisut aalajangiussinnaavaat.

Ilaasortat 75-inik ukioqalersimasut ilaasortaanermut akiliuteqartanngillat.

 

Ilaasortaanermut akiliutit:

Nalinginnaasumik ilaasortat

kr. 425,00 qaammammut

 

Pensionisiallit

kr. 110,00 qaammammut

 

Immikkut ilaasortat

kr. 155,00 qaammammut

 

Lærerstuderende/decentral studerende

kr.. 237,50 qaammammut

 

Ilaasortanngornermut  nalunaafissaq