Eqqartuussissuserisumit ikiorserneqarneq

Suliani tunngaviusumik isummerfigisassani, atorfimmut atatillugu killisiuinerni, soraarsitsiniarluni suliani il.il. suliat ataasiakkaat pillugit erseqqissumik naliliisoqareernerata kingorna IMAK-ip ilaasortaq eqqartuussissuserisumit akeqanngitsumik ikiorsertissinnaavaa.

 

Taama pisoqannginnerani – IMAK-ip ileqqoreqqusai naapertorlugit – siulersuisut eqqartuussissuserisumit ikiorserneqarnissaq isummerfigeqqaassavaat.

 

Eqqartuussissuserisumit ikiorserneqarnissaq akuersissutigineqarpat, suliani ataasiakkaani aalajangiunneqartassaaq, ilaasortap eqqartuussissuserisullu akornanni attaveqarneq IMAK aqqutigalugu imaluunniit ilaasortap eqqartuussissuserisullu akornanni toqqaannartumik pisassanersoq.