Apeqqutit akissutillu

Corona-virusip Kalaallit Nunaannut anngunnerani, atorfeqarneq pillugu apeqqutit assigiinngitsut eqqarsaatiginngitsoorsinnaanngilagut. Qularnanngilaq akissutit toqqaannartumik nassuiaanerujumaartut taamaattumik ataani siunnersuutit 14-nit aallaavigineqarsinnaapput.

[Translate to Kalaallisut:]

[Translate to Kalaallisut:]

Corona-virusip Kalaallit Nunaannut anngunnerani, atorfeqarneq pillugu apeqqutit assigiinngitsut eqqarsaatiginngitsoorsinnaanngilagut. Qularnanngilaq akissutit toqqaannartumik nassuiaanerujumaartut taamaattumik ataani siunnersuutit 14-nit aallaavigineqarsinnaapput.

  1. Sulisut angerlartiinnarneqarsinnaappat?

Sulisitsisup sulisoq naalakkersinnaavaa suliartussanngitsoq – tamanna aamma nalunngilarput suliffimmik peersinneqarnermi.

Sulisup angerlartitaanermini nalinginnaasumik akissarsiani pigiinnassavai.

Ajornanngippat sulisoq naalakkerneqarsinnaavoq angerlarluni sulissasoq – taamaattoqartilluguli sulisitsisup isumagissavaa angerlarsimaffimmi suliffissaanik.

Pisortani atorfeqartunut:

Angerlartinneqaraanni imaanngilaq pisortat ingerlatsineranni suliassat suliarineqartarnerat pillugu inatsisip  iluani paasineqassasoq, taamaattumik tusarniaavigineqassanngilaq.

Sulisup angerlartinneqarnini akerliuffigisinnaanngilaa, taamaattoqarpat naalakkumannginermik taaneqassaaq – assigaalu atorfimminik paarsilluannginnermik, mianersoqqussummik kinguneqarsinnaavoq imaluunniit soraarsitaanermik peersitsinermilluunniit.

  1. Sulisoq ajornartorsiornerup nalaani sulinngiffeqaqquneqarsinnaava?

Sulisitsisup immikkut ittumik aaliangiisinnaanini atorlugu aaliangersinnaavaa qaqugu sulisoq sulinngiffeqarsinnaanersoq.

Sulinngiffeqarniaraannili nalinginnaasumik feriarnermut inatsip iluani piumasaqaatit malinneqassapput

(feriassat atorneqanngitsut pillugit qaammat ataaseq sioqqullugu qaammatilli pingasut sioqqullugit feriavinnermi), taamaattumik piffissaq sivikitsoq atorlugu taamaaliortoqarsinnaanngilaq.

Suliffeqarfiulli ingerlanneqarneranut ajoqutaassappat kalerriinerit atorunnaarsinneqarsinnaapput. Kalerriinerit allanngortinneqassappata corona pillugu tunillatsinnerit peqqutigalugu naammanngilaq, allamik peqquteqartariaqarpoq. Aamma naammanngilaq suliat pillugit sulisoq ataaseq peqqutigalugu annikillisinneqarpata. Sulinngiffeqarsinnaanermut kalerriinerit atuutissapput maanna corona pillugu ajornartoornermi nalaanneqarnermi.

  1. Sulisup sulinngiffeqarnissamut pilersaarutaareersut nammineerluni allanngortissinnaavai?

Naamik, sulinngiffeqarnissaq aaliangereersimappat sulisup nammineerluni allanngortissinnaangilaa pisortaq isumaqatigissuteqarfigitinnagu.

  1. Sulisitsisup sulinngiffeqarnissamut pilersaarutaareersut atorunnaarsissinnaavai?

Taamaallaat suliffiup ingerlanneqarneranut ajoqutaassappata sulinngiffeqarnissamut pilersaarutaareersut unitsissinnaavai. Massakkut pissutsit taamaatsillugit sulinngiffeqarnissamut pilersaarutaareersut corona peqqutigiinnarlugu atorunnaarsissinnaanngilai.

 

  1. Sulisoq piumaffigineqarsinnaava sulinera sivikkillineqassasoq?

Sulisitsisup aaliangersinnaavaa sulisup sulinera sivikillisineqassasoq, taamaattoqassappat ataasiakkaat sulinermi isumaqatigiissutaat aallaavigalugit soraarsitaanissamut kalerriutit atorneqassapput.

  1. Sulisup nammineerluni piumasarisinnaava angerlassalluni coronamik tunillatsissinnaaneq peqqutigalugu?

Taamaallaat sulisitsisup aaliangersinnaavaa tunillatsissinnaaneq peqqutigalugu angertitsisoqassasoq.

Sulisoq napparsimaveqarfimmiit mattuteqanissaanik piumaffigineqarsimanngippat, suliartoranilu, taava nalilerneqassaaq sulinngitsoorsimasutut. Tamanna kinguneqarsinnaavoq peersinneqarnermik.

Suliffimmi sulisunik tunillatsittoqaraluarpat, sulisitsisullu tunillaannginnissaq pinaveersaarniarlugu upalungaarsimasimanngippat, taava sulisup tunillaannginnissaa, qanigisaalu ulorianartorsiortinnginnissai pillugit angerlartinneqassaaq. Suliffiup peqqinnartuunissaa isumagineqarsimanngippat imaluunniit inimi inuit amerlassusissaat sulisitsisup malissimanngippagu taava sulisup suliffini qimassinnaavaa akissarsianilu pigiinnassallugit.

  1. Sulisup meeqqani suliffimminut nassarsinnaavai?

Amerliartuinnartut meeqqatik atuarfimmiit meeqqerivinnilluunniit anisippatsigit, paarsisussaqarniarnerlu ajornartorsiutaalerpat sulisup meeqqani suliffimmut nassarusussinnaavai. Tamannalu periarfissaq ersarinnerulissaaq oqartussat atuarfiit meeqqeriviillu matunngippatigit.

Maannakkut pissutsit taamaatsillugit sulisitsisup sulisut meeqqaminnik suliffimmut nassarniartut itigartittariaqarpai. Tassami suliffik paaqqinnittarfittut immaqa naleqqutinngilaq aammalu inuit imminnut qanilleqqusaannginnerat sulisitsisup eqqumaffigisariaqarpaa. Taamaattumik sulisup piumasarisinnaavaa angerlartinneqarnissaminik suliffiup illersorneqarsinnaanngitsumik peqqinnannginnera peqqutigalugu.

Paarsisussaqannginneq peqqutigalugu sulisitsisup sulisoq ikiorsinnaavaa neqeroorfigalugulu angerlarluni sulisinnaaneranik imaluunniit feriarsinnaaneranik, kisianni sulisitsisup sukkulluunniit sulisup paarsisussaqannginnera akisussaaffiginngilaa.

  1. Sulisitsisup sulisoq paasiniaaffigisinnaavaa Coronamik tunillatsissimanersoq

Aallaaviuvoq sulisitsisup sulisoq paasiniaaffigisinnaanngimmagu coronamik tunillatsissimanersoq (imaluunniit nappaammik allamik), kisianni sulisup pisussaaffigaa sulisitsisuni paasitissallugu nappaammik tuniluuttumik tunillatsissimalluni taamaattoqanngippammi allanut ajortorujussuarmik kinguneqarsinnaavoq.

Sulisoqarniarneq peqqutigalugu datatilsynip nalunaarutigaa, paasissutissat mianernartut pillugit COVID-19-mik tunillatsissimanermik nalunaarsorneqarneq akuerisaasoq, tassami taamaattoqartillugu suliffimmi upalungaarsimaniarnissaq aallartinneqartussaammat.

  1. Taavami suleqat nappaat pillugu mattussaappat nunamut isersinnaanermut peqqussutit peqqutigalugit.

Kalaallit nunaannut angalasut tamarmik angerlarsimasariaqarnerat peqqutigalugu suleqat angerlarsimasariaqarluni suliartorsinnaanngippat, tamanna pillugu sulinnginnera akuerisassaaq, sulisorlu atorfimminik paarsilluanngitsutut nalilerneqassanngilaq.

  1. Suleqat feriarsimalluni angerlarsinnaanngippat?

Sulisoq nammineq piumasarisaminik feriarsimaguni, nammineq akisussaafigaa piffissaagallartillugu angerlassalluni suliartorlunilu ( (takuuk qulaani nappaat pillugu mattussaaneq).

Sulisitsisup sulisoq peersissinnaavaa nunani allani corona pillugu ingerlaqqissinnaanngitsoq, nunani allani feriartilluni coronamik tunillatsissimaguni (soorlu napparsimmavimmut unilluni) taava tassani feriarnermi napparsimaleraanni nalinginnaasumik feriarnermi inatsit atuutilissaaq, tassanilu sulisup suliartunngitsoornera akuerisaassaaq.

  1.  Sulisitsisup sulisoq soorlu kissarneqarnersoq misissorsinnaavaa?

Tamanna pinngitsaaliissumik misissuineruvoq, peqqutitullu akuerisatut atorsinnaanani tassami kissarneqaraanni isumaqanngilaq coronamik tunillatsissimasoq sulisitsisullu tamanna peqqutitut atorsinnaanagu.

  1. Sulisup qaangiuttoornissaq akueriinnassavaa?

Manna pisoq sulisitsisup pilersaarusioreersinnaanngimagu taava qaangiuttooqquneqarneq naaggaarneqarsinnaanngilaq.

Suliffimmi avatangiisit pillugit inatsit  atorunnaarsinneqarallarsinnaavoq taamatut nalaataqarnermi.

  1. Suliffimmi avatangiisit.

Tunngaviusumik sulisitsisup isumagisussaavaa suliffiup ulorianaateqannginnissaanik aammalu sulisitsisup sulisut ilisimatittussaavai suliffik ulorianarsinaappat – uanilu tuniluutinnginnissaq eqqarsaatigalugu.

Taava pissusissamisoorpoq suliffimmi sillimaniarneq pillugu udvalgip suleqatiginissaa tassanilu ajornartorsiut manna nalaatarput sillimaniarneq pillugu udvalgip sulinerannut akuutillugu.

  1. Timmisartoqqusaannginneq

Sulisoq suliartorsinnaanngippat timmisartoqqusaajunnaarneq peqqutigalugu taava nalilerneqartariaqarpoq oqartussat mattussinerat peqqutigalugu taamaattoqartoq. Taamaattumik suliartunngitsoorneq akuerisaavoq suliartunngitsoornermilu akissarsiani pigiinnassavai. Sulisup naatsorsuutigissavaa angerlarluni suleqquneqarsinnaalluni sapinngisamik taamaattoqarsinnaappat.