Uippakajaarneq pillugu misissuititsineq

    Ilaasortat sisamaagaangata ataaseq uippakajaarnermik eqqorneqarsimalluni ersiuteqartartoq:

     

    ”Ilaasortatta taama amerlatigisut suliffitsik pillugu ilungersortinneqarnerat ernumanarpoq. Tamannalu iliuuseqarfigisariaqarparput taama oqarpoq Birthe Møller Therkildsen IMAK-imi siulittaasoq.

     

    Ilaasortat sisamaagaangata ataaseq uippakajaarnermik eqqorneqarsimalluni ersiuteqartartoq:

     

    ”Ilaasortatta taama amerlatigisut suliffitsik pillugu ilungersortinneqarnerat ernumanarpoq. Tamannalu iliuuseqarfigisariaqarparput, sulisitsisut kajumissaarpakka uippakajaarneq annikillisinniarlugu sulliviup iluani avatagiisit pitsaasuunissaat anguniarlugu akisussaaffimmik tiguseqqullugit.”, taama oqarpoq Birthe Møller  Therkildsen IMAK-imi siulittaasoq.

    IMAK-imi siulittaasup Kattuffiup ilaasortaanut uippakajaarneq pillugu ukiup affaata iluani misissuisitsineq tunuliaqutaralugu taama oqaaseqarpoq. Ilaasortat 446 -t apeqqusiorluni misissuititsinermi peqataapput,  akissutit IMAK-imi ilaasortat qanoq inissisimanerannik tunuliaqutsiipput. Misissuinerup takutippaa 23 % sinnilaarlugu tassa ilaasortat sisamaagaangata ataaseq minnerusumik annerusumilluunniit, uippakajaarnermik eqqorneqarsimalluni ersiuteqartartoq.

    IMAK ilaasortaminut uippakajaarneq sullivimmi avatagiisit tarnikkullu pissutsinut tunngasut pillugit ukkatarineqarnissaat anguniarlugu misissuititsivoq.  Suleqatigiit aqutsisullu suleqatigiippata suliallu naammagisimaarneqarpata, tunniussisinnaaneruneq ingerlalluarnerlu pissasut misissuinerup takutippaa. Ullumikkut nalunngilarput uippakajaarneq peqqissutsimut ulorianarsinnaasoq, nalerisimaarnermut sulisinnaanermullu   appartitsisinnaalluni. Sulisunut pisortanullu uippakajaarneq pillugu pinaveersaartitsilluni iliuuseqaraanni suliffimmi kinguneqarluassaaq. Soorlu aamma meeqqat atuarfianni atuartunut kinguneqarluassasoq, ilinniartitsisut uippakajaarnerat annikillisinneqarpat.

    Ajoraluartumik misissuinerup takutippaa taamaallaat pingajoraarterutaa ataatilaarlugit 29 %  suliffimminnit uippakajaarnerup iliuuseqarfigineqarnera  pillugu iliuuseqartoqartarnera misigisimagaat. Tamanna naammaginanngilaq taamaallaat pingajoraarterutaat inulaarlugu uippakajaarnermik nalaataqartunit, sulisitsisuminnik uippakkajaarneq pillugu iliuuseqarfiginiarneqarsimaneri. Taama oqarpoq  Birthe Møller Therkildsen IMAK-ip siulittaasua.

    Kommunenut atuarfinnullu tamanut kaammattuutigaa sullivimmi tarnikkut pissutsinut tunngasut ukkatarineqarnerunissaat qulakkeeqqullugu, ilinniartitsisunut uippakajaarnermik eqqugaasimasunut assersuutigalu tarnip pissusaanik ilisimasalimmik ikiorserneqarsinnaanermik neqerooruteqartoqartassasoq.