Kommunini ilinniartitsisut angalasartut pillugit isumaqatigiissut

NALUNAARUTIT – Grønlandsk Lovsamling Serie C-1

Kommunini ilinniartitsisut angalasartut pillugit isumaqatigiissut

Kalaallit Nunaanni Namminersornerullutik Oqartussani kommuninilu tjenestemandit pillugit Inatsisartut inatsisissaanni nr. 21-mi, 18. december 2003-meersumi § 47, imm. 1 naapertorlugu Naalakkersuisut aamma Ilinniartitsisut Meeqqat Atuarfianneersut Kattuffiat, IMAK, kiisalu Kalaallit Nunaanni Meeqqat Atuarfianni ilinniartitsisut il.il. isumaqatigiissut tunngavigalugu atorfeqartut pillugit isumaqatigiissut ataaniittoq isumaqatigiissutigineqarpoq.

§1 Atuuffia

Isumaqatigiissut una kommunini atuarfinnik ingerlatsinermi ilinniartitsisunut angalasartunut atuuppoq.

§2 Atorfinitsitaanermi atugassarititaasut

Atuuffimmi nalunaaquttap akunneri suliffiusut ukiumut 2080-iupput.

§3 Suliffiup sivisussusia

Suliffiup sivisussusia il.il. Kalaallit Nunaanni meeqqat atuarfianniilinniartitsisut il.il. piffissaq suliffissaat pillugu isumaqatigiissummi § 6-imi aamma § 7-imi 27. august 2014-imeersumi allaqqasoq atuuppoq, ilinniartitsisoq angalasartoq ilinniartitsissummi ataatsimi arlalinniluunniit kommunimi atuarfimmi ataatsimi imaluunniit atuarfinni arlalinni ilinniartitsisarpat.

Imm. 2. Timelærerinik siunnersuinermut atatillugu nalunaaquttap akunnerataaffaani siunnersuineq tapeqartinneqartarpoq. Tassani tiimit atukkat naatsorsukkat faktor 2 tunngavigalugu naatsorsoqqinneqassapput.

Imm. 3. Allaffissornikkut suliassat faktor 1 tunngavigalugu akissarsissutigineqassapput.

Imm. 4. § 2-mi nalunaaquttap akunnerisa amerlassusissaat aalajangersarneqarsimasut sinnerlugit sulisoq sulissappat, malittarisassatilinniartitsisunut sukkulluunniit atuuttut atuutissapput.

§4 Ilassut

Ilinniartitsisutut angalasartutut atuunnermi ukiumut tunngaviusumik tapiimmikkut ittoq kr. 7.260-iuvoq (1. april 1991- imi akit tunngavigalugit).

Imm. 2. Atorfiup avataani nalunaaquttap akunnerani ataatsimi sulinermi ukiumut tunngaviusumik tapi kr. 14,70-iuvoq.

Imm. 3. Taassuma saniatigut ilinniartitsisut angalasartut timelærerinik aamma / imaluunniit atuarfiup suliap tungaatigut ineriartornissaa siunertaralugu iliuusissatut pilersaarutinik suliaqarnermut peqataasut ukiumut tunngaviusumiktapiat kr. 14.52- iuvoq (1. april 1999-imi akit tunngavigalugit).

§5 Sulinermut atatillugu angalanerit

Kalaallit Nunaanni tjenestemandinut malittarisassat atuuttut naapertorlugit ullormusiaqartitsisoqassaaq il.il.

§6 Atugassarititaasut allat

Aningaasarsianutatorfinitsitaanermullu attuumassuteqartunut allanut tunngatillugu tjenestemandinut Namminersorlutik Oqartussani aamma kommunini malittarisassat sukkulluunniit atuuttut aamma Kalaallit Nunaanni meeqqat atuarfianni isumaqatigiissuteqarlutik atorfilinnut malittarisassat sukkulluunniit atuuttut malinneqassapput.

§7 Atuutilersitsineq il.il.

Isumaqatigiissut ulloq 1. august 2011 atuutilerpoq. Isumaqatigiissutip atuukkunnaarfissaa qaammatinik pingasunik sioqqullugu kalerriinikkutisumaqatigiissut illuatungeriinnit atorunnaarsinneqarsinnaavoq.

Nuuk, ulloq 27. marts 2015

 

Ilinniartitsisut Meeqqat Atuarfianneersut Kattuffiat (IMAK)     Sivso Dorph

Naalakkersuisut     Michael Würtz