IMAK pillugu

IMAK kattuffiuvoq 1300-t missaanik ilaasortalik.

Ilaasortat amerlanersaat nunatta atuarfeqarfiani atorfeqarput. Ilaasortat ilaat Namminersorlutik Oqartussat Allaffeqarfiani, Ilinniartitaanermut Aqutsisoqarfimmi, kommunet ingerlatsiviini, Majoriami allaniluunniit pisortat suliffeqarfiini atuartitsinermik suliaqartuupput. Ilaasortat ilaat privatit tunngaviusumik atuarfiini efterskolenilu atorfeqarput. 

Taakku saniatigut IMAK-ip ilaasortarpaalui soraarnerupput kiisalu ilaasortat ilaqarput atuartitsinermik suliaqarunnaaraluarlutik IMAK-imut ilaasortaanerminnik attasserusuttunik.  

IMAK kattuffiuvoq partiilersorluni naalakkersuinermut attaviitsoq, siunertaraluguli ilaasortat pamersaanermik suliaqarnerinik, aningaasatigut aqunneqarnerinik atorfimminnilu soqutigisaanik sullisissallugit, ataqatigiinneq nukittorsassallugu meeqqallu atuarfiata ineriartornissaa ilaasortallu sumiluunniit allani suliffillit sullisissallugit. Tassalu kattuffiup ilaasortami akissarsiamikkut suliffimminnilu atugaat kisiisa isumagisarinngilai, pamersaanikkulli naalakkersuinikkullu atuarfimmut tunngasunik soqutigisaat aamma isumagisarivai.   

IMAK ilaasortami saniatigut sinniisoqarfeqarluni, siulersuisoqarluni, ataatsimoorussamik tatigisaallutik sinniisoqarluni (fællestillidsrepræsentanter) tatigisaallutillu sinniisoqarluni pilersinneqarpoq. 

IMAK Danmarkimi ilinniartitsisut kattuffia (DLF) suleqatigiinnissamik isumaqatigiissuteqarfigaa.

DLF pillugu paasissutissat uani atuarneqarsinnaapput: Danmarks Lærerforening

IMAK DLF-ip kongresiani marlunnik taasisinnaasunik ilaasortaqarpoq. Ilaasortaq ataaseq tassaajuaannarpoq IMAK-ip siulittaasua, ilaasortallu aappaa ukiut marlukkaarlugit IMAK-ip sinniisoqarfianit qinerneqartarpoq.  

DLF-imik suleqateqarnerup iluaqutigaa IMAK suliani aalajangersimasuni DLF-ip allaffeqarfianut ikiortissarsiorsinnaamat ilaasortallu kikkulluunniit ilaasortaanerminni iluaqutissaminnik pisinnaallutik.    

DLF-imi ilaasortat nunatsinnut suliartorlutik nuuttut IMAK-imit IMAK-imut nuunneqartarput, taamattaaq IMAK-ip ilaasortai Danmarkimut  DLF-ip iluani suliartorlutik nuuttut DLF-imut nuunneqartarlutik.

IMAK nunani avannarlerni ilinniartitsisut kattuffiisa isumasioqatigiiffiannut Nordiske Lærerorganisationers Samrådimut (NLS) ilaasortaavoq.

NLS pillugu paasissutissat uani atuarneqarsinnaapput: Nordiske Lærerorganisationers Samråd

IMAK ICC’mut ilaasussamik ataatsimik qinersisarpoq. 

IMAK, NPK Peqqissaasullu Kattuffiat (PK) peqatigalugit sinniisussamik ataatsimik Nunatsinni Suliffimmi Isumannaallisaanikkut Pissutsit pillugit isumalioqatigiissitaliamut ilaasussamik toqqaasarpoq. Massakkut NPK-mi atorfilik kattuffiit taaakku pingasut sinnerlugit toqqagaavoq. Nunatsinni Suliffimmi Isumannaallisaanikkut.

Pissutsit pillugit paasissutissat uani atuarsinnaavatit: Det Grønlandske Arbejdsmiljøråd

IMAK, Akademikernes Sammenslutning i Grønland ( ASG),  Atorfillit Kattuffiat (AK),  Sundhedskartellet (PPK), Perorsaasut katuffiat (NPK) qaammammut amerlanertigut ataasiarlutik ataatsimeeqqatigiittarput.  Ataatsimiinnermi tassani kattullutik soqutigisatik oqallisigisarpaat, soorlu kattuffiit soqutigisaqaqatigiit  saaaffiginnissutinik ataatsimoorlutik assersuutigalugu Naalakkersuisunut tassani suliaqartarput.