Ilinniartitsisoq

IMAK - ILINNIARTITSISUT MEEQQAT ATUARFIANNEERSUT KATTUFFIAT

Ilinniartitsisoq

Asseq tooruk atuarlugulu

Ukiuni 36-ini klasselæriusoq: Inuttut pissarsinaqaaq.

Sisimiuni Nalunnguarfiup Atuarfiani ukiuni qulikkaani sisamanngoriartortuni klasselæreqarpoq ukiuni taakkunani taama ingerlaannavittumik. Klasselæritut suliarisartakkat uani paasisaqarfigikkit.

Asseq tooruk atuarlugulu

Aqutsisut: Aqutsisuuneq unammillernartoqarami ineriartornarpoq

Ilinniartitsisup aqutsisut atuarfinnit assigiinngitsunit pingasuunersut apersorpai.
Taakkua aqutsisuunerat uani atuarlutit paasisaqarfigiuk.

Asseq tooruk atuarlugulu

Immikkut atuartinneqartunut atuartitsiviit, nipilersortarfik, atuarfimmi atuakkanik

atorniartarfik, pikkorissarsimannginnerillu Qeqertarsuarmi ilaatigut amigaataapput.

Qeqertarsuup Atuarfia 20-it missaannik amerlatigisunik ilinniartitsisoqarpoq.

Taakkua atuartut 110-it missaanniittut ulluinnarni avatangiiseralugit atuartillugit sulisarput.

Asseq tooruk atuarlugulu

IMAK ilinniartitsisunut:

Meeqqat atuarnerini nakorsaasertassanngikkisi innersuupparput Ilinniartitsisup meeraq atuartoq atuarnerata nalaani nakorsaasersinnaavaa?

Asseq tooruk atuarlugulu

Atuagassiap meeqqat atuarfianni ilinniartitsisutut ilinniarsimasut pingasut apersorpai.
Taakkua assigiissuteqarput; Meeqqat atuarfiini ilinniartitsisutut atorfeqanngillat.
Akissaatit, ulapinnerujussuaq, fagiginngisanillu atuartitsineq nuannarineqanngillat.

Asseq tooruk atuarlugulu

IMAK-imit ukiortaami 2025 2025-mi oqaaseqaat
IMAK IMAK-imit sineriassuatsinni ilaasortatsinnut innuttaaqatitsinnullu tamanut qujalluta uki ukiortaami pilluaqqungaarpassi.

Ukioq 2025 IMAK IMAK-imut pissanganartumik ulapaarfiusumillu ingerlaarfiussaaq. Siullermik ilaasortatsinnut akissaatit atugassarititaasullu pillugit isumaqatigiinniar isumaqatigiinniarneq ingerlattussaavarput.

Ukiaru novemberimi IMAK IMAK-ip sinniisoqarfia nalinginnaa nalinginnaasumik ataatsimeersuartussaavoq, ukioq mannalu siulittaasumik aamma qinersi qinersiviussaaq.

Asseq tooruk atuarlugulu

Ullumikkut Nunatsinni meeqqat atuarfiini aqutsineq kommunini tallimaasuni tamaginni assigiinngitsutigut naammaginanngitsumik aqunneqarput.

IMAK-imit isumaqarpugut takusinnaallugulu meeqqat atuarfiat aqunneqarnermigut ingerlanneqarnermigullu pitsaanerpaajunngitsumik ingerlanneqartoq.

Maluginiartakkattalu ilagivaat sulinermut isumaqatigiissutinut inatsisinillu ilisimasakinneq, ilaatigullu nukissaaleqineq sipaarniarnerlu peqqutigalugit amerlasuuni aqutsineq pitsaanngitsumik inissisimasoq, tamannalu aamma perorsaanikkut ilikkartitsiniarnermillu suliniarnermut pitsaanngitsumik sunniuteqartartoq.

Asseq tooruk atuarlugulu

Ilinniartitsisoq november 2021

Sinaakkutit pitsaasuussapput.

Ilinniartitsisoq juni 2021

IMAK-imi ilaasortat akissarsiaat qaffaavigineqartut.

Ilinniartitsisoq marts 2021

Sulilluarpugut.

Ilinniartitsisoq januar 2021

Nunaqarfinni atuarfiit pitsaaqutaat ajoqutaallu

Kalaallit Nunaanni immikkuullarissumik peqarpugut, tassa nunaqarfiit atuarfii. Nunaqarfiit inoqarfiillu meerartallit 70-it missaanniipput, meeqqallu atuartuupput imaluunniit atualissamaarlutik. Aamma savaatillit meerartaat angerlarsimaffimminni atuartinneqartarput – tamatumanilu eqeersimaarnissaq nutaaliorlunilu eqqarsarnissaq pisariaqarpoq! Nunaqarfiulli atuarfiani atuarneq ilinniartitsisunut meeqqanullu nuannersuuvoq, uangalu misilittakkakka tunngavigalugit isumaqarpunga periarfissat atorluaraanni nunaqarfinni atuarfiit iluaqutaaqisut. Taamaakkaluartoq nunaqarfimmi atuarfik ”tulluanngitsumik ilinniartitsisoqaleruni” kajuminnarunnaapallassinnaavoq. Nunaqarfimmimi ilinniartitsoq pinnguaaqqatut kinderæg-ip iluaniittutut ippoq, tassa ”allamik sussaqanngimmat” taannaasariaqassaaq.

Ilinniartitsisoq juni 2020

Mattusimaneq inuuneralugu – Uani annerusumik atuarfeqarfik ilinniartitsisullu atuartunut toqqissisimanissamik pisariaqartitsisut ornittuagaannut tunngavoq.

Inuuneq atugarput nammineq aqunniarsaraarput, kisiannili aamma nunarsuarmioqataanitsinni atukkat aamma avaqqussinnaanagit.
Nualluussuaq covid 19 inuunitsinnut aqutsilersimavoq.
Killilersuineq annertuvoq, immitsinnut qanillisinnaanngilagut tunillatsinnissaq tunillaanissarlu pinngitsoorumallugu.
Ataatsimoorneq nuannarilluinnagarput atoqqusaanngikkallarpoq, aamma tunillatsinnissaq tunillaanissarlu pinngitsoorniarlugu.
Angerlarsimanissaq piumasaqaataavoq, aamma tunillatsinnissaq tunillaanissarlu pinngitsoorumallugu.
Angerlarsimaffik kikkunnut tamanut toqqissisimanartuuvoq, meeraqarporli angerlarsimaffeqartunik toqqissisimaffiginngisaannik.
Taakkununnga atuarfik tulaaviuvoq, ikinngutiminnik ullut tamaasa naapitsiffigisartagaat, ilinniartitsisuisalu qanoq innerat
soqutigalugu apeqqutigisartagaat. Atuarfik taakkununnga maqaasinarsimassaqaaq.
Atuartut ilinniartitsisortik toqqissimaffigisarpaat, taassumalu ajunnginnersut ajornersulluunniit ilisimaarisarpai. Angerlarsimaffimminni
pisinnaanngisatik atuarfimmi pisarpaat.

Ilinniartitsisoq maj 2019

Ilaasortat annertuumik tapersersuipput

Ilaasortat siulersuisunut oqariartuutaat ersarippoq: Akissarsiat pillugit isumaqatigiissut 2018 akueraat.

Meeqqat atuarfiini pisortat suleqatigiiffiat sammillugu

Suliffinni avatangiisit pillugit suliat malunnartumik annertusiartorput, malunnarporlu meeqqat atuarfiini ilinniartitsisut pisortallu unammisassarpassuaqartut. Tapersersorneqarnissamik amigaateqarput, uangalu suna tamaat tikillugu pisortat suleqatigiit ikiorserneqarnissaannik aammalu pisariaqartitaminnik ilinniagaqaqqinnissaat pillugit sulissutigerusupakka.

Hans Peter Brobergip aggustimi Ilinniartitsisumi ilinniartitsisunngorlaat ukioq manna meeqqat atuarfiini pisortatut atorfinitsinneqarneri ernumanartoqartillugu uparuarpaa. Qujanartumik. Tassami pisortanngortut amerlanerit tassaapput ilinniartitsisunngorlaat inuusuttut aqutsinermik misilittagaqanngitsut.

Tassami taakku pisortanngorlaat inuusuttut suliassamik annertuumik akisussaaffeqalerput, ullumikkummi meeqqat atuarfiat unamminartorpassuaqarmat. Inuiaqatigiit kissaatigingaarpaat meeqqat atuarfianni kinguaariit tullinnguuttut pitsaa sumik angusaqarnissaat, pisortanngorlaalli misilittagakitsut artukkinnginnissaat pingaaruteqarpoq.

Meeqqat atuarfii 25-it ukioq manna nutaamik pisortartaarput, kisitsillu annertoorujussuuvoq. Aamma Inatsisartuni ilaasortap Sofia Geislerip (IA) oqallisissatut saqqummiuppaa meeqqat atuarfiini pisortat pisortatut ilinniartinneqartariaqartut. Kisianni siunnersuutaa ataatsimiititalianut ingerlaqqinngilaq. Pissanganarpoq qanoq politikerit tamanna malersorniarneraat, kisianni ilanngutinngitsoorusunngilara uparuassallugu:

Tassami atuarfiup pisortaa kisiat aammattaarli pisortat tamaasa ilanngullugit ikiortariaqarput tapersersortariaqarlutillu. Pisortaq, pisortap tullersortaa alloriarfinnilu pisortat tamarmiullutik pikkorissarnernut ilinniagaqaqqinnernullu peqataatinneqarnissaat pingaaruteqartorujussuuvoq. Taamaattumik inatsimmi ilanngunneqarpat qulakkeerneqassaaq maannakkut siunissamilu qanoq isumannaarneqassanersoq.

Taamaaliunngikkutta meeqqat atuarfianni unamminartorpassuit alliartuaassapput qanoq iliuuseqarfigineqarsinnaajunnaarlutik. Piukkunnartumik atuarfiit ataasiakkat pisortaqanngippata, ilinniartitsisut akornanni pisariaqanngitsumik pissaanerunniullutik pilersinnaapput, tunoqqutaarillutik ingutsinerit tamakkua tamarmik ilinniartitsisunut stressimik napaateqalersit sisinnaasut, taamaattoqarnissaalu kissaatiginngilluinnarparput.

Taamaalinikkut najukkami nukiit pigineqartut atorluarnissaat pisariaqarpoq. Meeqqat atuarfii kommunimilu atuarfeqarfinnut qullersaqarfiit atuarfiit pillugit suliaminnik tapersersoqatigiittariaqarput. Kommuneqarfik Sermersuumi atuarfeqarfinnut qullersaqarfimmi sulisut amerlalaartukasiupput, kommuninut allanut naleqqiullugit. Taamaattumik pingaaruteqarpoq kommunimut attaveqartuaannarnissaq, tamannalu siulima Sivso Dorphip pingaartillugu sulissutigisimavaa. Maani Kommuneqarfik Sermersuumi borgmesteri sulisuilu ataatsimeeqatigisimavagut immitsinnut paasissutissanik avitseqatigiinniarluta. Isumaqatigiippugullu tamanna ingerlatiinnassallugu siulersuisunilu taassuma piviusunngortinneqarnissaa suna tamaat tikillugu isumagissavarput. IMAK-imi suleqatigiiffeqarusuppoq sulissutigerusullugulu meeqqat atuarfiini sullivinnut avatangiisiat siumut isigisumik pitsanngorsaaviginissaat isumagissallugu.

Birthe Therkildsenimi

Ilinniartitsisoq august 2018

Uani allaaserisani ilaatigut sammineqartoq tassaavoq meeqqat atuarﬁanni vikarinik atuinerup annikillisarneqarnissaa

Meeqqat atualernissamut allatsikkaangamik pingaartorsiutigineqartaqaat, atualeraangatalu angerlarsimaﬃmmi ullorsiutigineqartarput erfalasulerlutik kaﬃllerlutik, erinarsorﬁgineqartarlutillu. Qularutissaanngilaq meeqqap atualernera isumalluarﬁgineqartaqisoq. Atualerlaat ilinniartarpaat ullut tamaasa piﬃssaq eqqorlugu atuariartorneq pingaaruteqaqisoq, aamma lu kikkut ilinniartitsisorissanerlugit fagillu atuartitsissutissat suunersut.

Kisianni piﬃssaq sivisunngitsoq atuartut atuariartornissamut kajumissuseeruttarput ilinniartitsisumik peqanngikulaneri peqqutaatillugit. Ilinniartitsisui pikkorissanngikkunik napparsimasarput. Atuaqatigiit vikareqartillugit klassini toqqis sisimannginneq pilersarpoq. Atuartorpassuit misigisimasar put piﬃssartik atornerlullugu atuartinneqarnissaraluat vikar inik taarserneqartarmat.

Angajoqqaat aamma eqqumiigisarpaat meeqqamik pilersaarutaasumik atuartinneqarnissaraluat ingerlanneqartanngimmat. Akulikitsunik meeqqamik ilinniartitsisuat ullormut meeqqaminnik atuartitsisussaagaluartoq illoqarﬁmmi naammattoortarpaat. Taanna ilinniartitsisoq illoqarﬁmmi niuerniartoq imaluunniit arsaqataasoq umiatsimilluunniit angalaartoq naapittarpaat. Isumaqalernarluni ilinniartitsisoq ullumikkut naapparsimava imaluunniit?

Pitsaasumik meeqqat atuarﬁat ingerlanniaraanni sakkussat pingaarnerit ilagaat vikarinik atuineq annikillisassallugu. Atuartut vikarimik atuartinneqarajukkunik taava ukiumut angusassatik angunngitsoortarpaat taamaalillutik ilikkagassatik annaasarlugit. Naalakkersuisut tamanna eqqumaﬃgaat tassami Naalakkersuisooqatigiit isumaqatigiissutaanni imm. 21-mi imatut allaqqavoq:

’Atuartut tiiminik ilikkagassaminnillu annaasa qarta nerat piaartumik iliuuseqarﬁgineqartariaqarpoq, taa maammat naalakkersuisooqatigiit anguniarpaat atuartut vikaareqar tillugit faagini atuartumut pissarsiaqarﬁusumik atuartinneqartarnissaat.’

Naalakkersuisooqatigiit 2018

Vikarinik atuineq pisariaqartuaannassaaq, ilinniartitsisoq napparsimatillugu imaluunniit meeqqaminnik napparsimasoortillugit. Taamaakkaluartoq vikarinik atuisarneq annikilli sarneqarsinnaavoq. Maji qaammat atuarﬁit pisortaasa ilisimalereertarpaat kikkut ilinniartitsisut ukiup tullissaani pik ko rissariassanersut aammalu qaqugukkut ilinniartitsisut klassini allani sammisaqarlutik peqataassanersut. Eqaatsumik pilersaarusiornermi qularnaarneqarsinnaavoq vikarinik atuineq taamaallaat pisassasoq pilersaarutaanngitsumik sulin ngit soortoqartillugu. Ajornartorsiutip iluarsineqarnissaanut aqqutissaq aajunaralaarsuuvoq. Uani atuagassiami vikarinik atuisarnerup annikillisarneqarsinnaanera atuarsinnaavat.

Allattoq: Birthe Therkildsen, IMAK-ip siulittaasua

Ilinniartitsisoq december 2017

Ukiunut marlunnut pitsannut qujanaq

Ukiut marluk IMAK’imi siulittaasuuffigisakka assut pissanganarsimapput. Ulapinnarsimaqaat uannullu ilinniarfioqalutik. Naallu uanga nammineq IMAK’imiikkunnaarnissara toqqagarigaluarlugu, suliat allamut ingerlateqqinnissaat tussunngunalaanngitsuunngilaq.

Inuuninni massakkut killiffigisara tunngavigalugu toqqaasariaqalersimavunga, Nanortalimmeeqqilernissaralu toqqarpara. Angerlarsimaffiup atuarfiullu pitsaanerusumik suleqatigiilernissaat angorusuttorujussuuara taamalu aamma atuarfiup sumut ingerlanissaanut ilinniartitsisullu ullu innarni sulineranni ikorfartuinissamut aalajangeeqataarusullunga. Tassa uangavissuaq. Ilaquttakkalu Nanortalimmut uternissarput atuarfimmilu pisortatut sulileqqinnissara qilanaareqaara.

Aammali qularinngilara siulittaasunngortup IMAK isumannanngilluinnartumik aqussaqqaaraa. Periarfissarlu manna iluat sillugu Birthe Therkildsen pilluaqqujumavara sulinerminilu ingerlalluarnissaanik kissaallugu. IMAK paarilluariuk suliarlu pitsaasoq ingerlateqqilluariuk. Ilaasortagut 1.300-uusut pitsaanerpaamik kattuffeqarnissaminnut naleqqupput, ulluinnarni ikorfartortigisinnaasaminnik aammalu aalajangiisartut siunissami atuarfimmik eqqartuisillugit oqaluuserisassanik aalajangeeqataasinnaasumik.

Allaffeqarfimmiugut Lisbeth, Sigrid aamma Karen qutsavigerujussuassavakka. Tassaqa ilissitulli pikkoritsigisoqarpa. Qanimut suleqatiginersi nuannersimaqaaq.

Naggataatigullu ilaasortagut ukiumilu qaangiutilersumi sule qatigisimasagut qutsavigiumavakka, qanortoq tamassi eqqissisimanartumik juullisiorniarisi ukiortaassarsilu pitsaalluinnartuugili.

Karl Frederik Danielsen

Ilinniartitsisoq maj 2017

Ilinniartitsisumi kingullermi allaaserisaq una Simon Lennertip naqqiutai ilaatinnagit ilannguttoorsimavarput. Taamaattumik kukkuneqanngitsoq maani saqqummiupparput.

Nutaaliorneq tunaartallu ersarissut

Simon Lennertip nalunngilaa atuarfiit piorsarsinnaanagit kommunit atuarfiillu qanimut suleqatigineqanngippata.

Aqutsisoqarfiup ingerlatsinermut suliassat amerlasuut ingerlatarivai. Atuakkanik atukkiisarput, pikkorissaanernik inerisaasarput, atuartitsinermut atortussanik sanaartortarput kommunillu meeqqat atuarfiannut inatsimmik ingerlatsinerat nakkutigisussaallugu. Kisianni aamma politikikkut kiffartuussinerup ingerlannissaa pisariaqarpoq, taamaammat pissusissamisoorpoq Ilinniartitaanermut aqutsisoqarfiup qitiusumik allaffissornerup ataaneeqqilersimanera. Aqutsinermut pisortaq Simon Lennert oqarpoq.

Ilinniartitaanermut aqutsisoqarfiup Ilinniartitsinermut ilisimatusarfik (Ilinniarfissuaq) peqatigalugu ilinniartitsisut piginnaasaannik inerisaanerup allanngortiternera aallarnersimavaat. Simon Lennert oqaluttuarpoq: – Siornatigut pikkorissarnissamut nalunaarsuiffimmik annertoorujussuarmik sanasarpugut. Assersuutigalugu ilinniartitsisup ilisimasani annertusarniarlugit pikkorissarnissaminut kissaateqartarpoq, ilinniartitsisorlu taanna taava pikkorissariartarpoq. Atuarfiulli ataatsimut isigalugu pisariaqartitsinera aallaavigalugu pilersaarutaanut tamanna ilaanngilaq. Pikkorissarnerit neqeroorutigineqartartut sivikitsut killeqartumik malunniutaasartut uppernarsineqarnikuuvoq, ilisimatitsissusiinernik imaluunniit fagini ataasiakkaani iliniartitsisunut ilisarititsinernik imaqanngikkaangata.

– Maannakkut allatut eqqarsarpugut. Pikkorissarnerit qitiusumit aaqqissukkat ikittut neqeroorutigaagut, assersuutigalugu aaliangersimasumik censorit pikkorisartarlugit, kattunnikuuagulli imaalillugit censorit fagini ataasiakkaani ataatsimoorussamik pikkorissartittarlugit. Pikkorissarnerilli amerlanerit allat tunaartaqarnerusunik sammivilinnik taarserneqassapput. Maannakkut kommunit, atuarfiit ataasiakkaat peqatigalugit, pisariaqartitatik / ajornartorsiutitik allaaserissavaat, taava ilinniartitsisui poortukkamik sanaatissavagut piginnaasaannik qaffassaataasinnaasumik, oqaluttuarpoq Simon Lennert. Nangipporlu: – Akisoorujussuuvormi inuit pikkorissarfissaannut siumut utimullu assartoqattaartarneri. Nuna tamakkerlugu pisortanik pikkorissaaneq aningaasat atugassaritinneqartut affaat taakununnga pikkorissaanermut akeqaannariaasarpoq.

Piginnaasanik inerisaariaatsip nutaap, pisariaqartitanik aallaaveqartup, pikkorissarnermut aningaasat atugassarititaasut annikeqisut atorluarneqarnerusinnaanissaat periarfissippaa. Tunaartalimmik suliniutaassaaq, suleqatigiillu ataatsimoorussamik suliniuteqarlutik atuartitsineq pitsaanerulersissavaat.

Simon Lennertip qularutiginngilaa ilorraap tungaanut ingerlanertik. Oqarpoq – Suliagut ilinniariaatsinik nutaanik teoriinik tunngaveqanngillat. Isumatusaarnermik, nutaaliornermik, siunissamilu pisussanik pakkersimaarinninnermik aallaaveqarpoq, soorunami inatsit malitassarput aallaavigalugu. Suleqatigiinneq kivitseqatigiinnerlu siumut aqqutaassaaq. Taamaammat iliuuseqanngilagut kommunit, IMAK Ilinniarfissuarlu oqaloqatigeqqaartinnagit. Kommunit ajornartorsiut sumiinnersoq nalunngilaat, uagullu ilinniartitaanerup iluani suliaqartut peqatigiilluta inerisartariaqarpugut.

Qarasaasiaqarneq

– Ipadit internetikkullu attaveqarnerup arriippallaarnera ukiorpassuarni isiginiarneqarpallaarsimavoq, oqaluttuarpoq Simon Lennert. Qitiusumiillu oqarsinnaavugut kommunit ilaannit suliniutinik aallartitsereersimasunit kingoqqiussimasugut. Upernaaq manna, qarasaasiaqarnermut aqutsisoqarfik peqatigalugu misissuisimavugut, sunik IT-p iluani suliniuteqartoqarnersoq, qarasaasiakkullu atortussanik sanaartornermi suleriusissamik, qarasaasialerinermi ileqqorissaarneq, attaveqarneq / allaffissornerlu pilersitsiniarluta suliaqarluta. IT imminut nammineq tunaartaanngilaq sakkuullunili, atuartitsinerlu ilikkartarnerlu salliutinneqassapput. IT atuartitsinermi akuussaaq, atuartumik ikorfertuisutut ilikkagaanillu annertusaasutut.

Ilinniartitaanermut aqutsisoqarfimmi atuakkat atuartitsinermut atortut qarasaasiamut immiussuunneqarneri ingerlalluartorujussuupput, taakkulu internettimut ilineqassapput PDF-itut suliassartaqarlutik, ilinniartitsisumut ilitsersuutitaqarlutik kiisalu innersuussutitaqarlutik qulequttamut paasissutissanik annertunerusunik tunngasunik.

Simon Lennert oqaluttuarpoq, oqaloqatiginninneq pikkoriffiginerulerniarlugu: – Aqutsisoqarfiup iluani attaveqaqatigiinneq pitsanngorsarneqassaaq, suliffeqarfiugattami assigiinngitsorparujussuarnik suliaqartoq. Kiisalu meeqqat atuarfianni ilinniartitsisut oqaloqatigineri pikkoriffiginerusariaqavissorparput. Taamaammat aaliangersimavugut attaveqaqatigiinnermut suleqatissatsinnik atorfinitsitsiniarluta, suliniutinik nutaanik suliatsinnillu ersarissakkanik ilisimatitsisartussamik.

Ajuusaarneq

Ilinniartitsisumi kingullermi allaaserisaq una Simon Lennertip naqqiutai ilaatinnagit ilannguttoorsimavarput. Taamaattumik kukkuneqanngitsoq maani saqqummiupparput. Tamanna ajuusaarutigaara.

Ivalo Egede-mit

Ilinniartitsisoq marts 2017

Isumaqatigiissutit nutarsalerput, isumaqatigiinniarnissanullu aggersunut piareersaleruttorpugut.

Ileqqoq malillugu isumaqatigiinniarnissaq piareersarlugu ilaasortat tamarmik 2017-ip ingerlanerani ataatsimiigi aqquneqassapput. Sisimiuni Nuummilu ilaasortanut ataatsi miititsereerpugut.

Uanga ilaasortanik ataatsimiititsinerit Nuummi, Qaqortumi, Aasianni, Uummannami, Upernavimmi, Qaanaami nunaqarfimmiullu oqarasuaatikkut ataatsimeeqatiginissai isumagissavakka. Siulersuisuni suleqatima illoqarfinni allani ataatsimiinnerit isumagissavaat.

Isumaqatigiissutit ukiuni sisamani ingerlasarput, maannakkullu atuuttoq piffissami 2014 – 18 atuuppoq.

Kingullermik akissarsiat tapisiartaat ilanngunnagit 5 %-imik qaffaaneq anguarput, angusallu ataatsimut 4,63 %-ullutik, pisortanullu malunnaatilimmik akissarsianik qaffaasoqarluni.

Ataatsimiinnerni kattuffiit allat isumaqatigiinniarnerminni angusarisima saat misissuataarumaarpavut. Ilimagisat nalimmassartariaqassavagut, piumasat piviusunngor sinnaasorisagut ersarissarlugit aappaatigulli illua tungiliuttu gut unammilligassittuarlugit.

Siulersuisut sinnerlugit kajumissaarusuppassi sunniuteqarnissamut periarfissaq atorluaqqullugu, qilanaarpungalu naapinnissassinnut, qanoq eqqarsaatersorsimanersusi tusarusullugulu.

Ilinniartitsisoq november 2016

Arlaatigut pisoqalerpoq.

Ukiorpaaluit ingerlanerini meeqqat atuarfiat pillugu inatsimmi allannguisoqarnissaa IMAK-ip pisariaqarluinnartutut uparuartarsimavaa.

Soorlu siornatigut Ilinniartitsisoq- mi allaatigineqareersimasoq november 2015-imi IMAK isumasioqatigiinnermi Inatsisartut ataatsimiitsitaliaani Ilinniartittaanermut, Kultureqarnermut Misissueqqissaarnermut Ilageeqarnermullu aaqqissuisoralugu peqataavoq. Taamatut isumasioqatigiinnermi peqataasut ilaagaat taamanikkut Naalakkersuisuusoq kiisalu KANUKOKA aamma peqataatitaqarluni.

Ilinniartitsisoq september 2016

Suummita IMAK-imi siulittaasunngornerup kingorna misigivakka

Tassa ukiup affaa qaangiutereerpoq, februarip 18.-niani IMAK-p Siulitaasuatut qinigaanerma kingorna.

IMAK-imi siulittaasunngornerma kingorna Nanortalimmiik Nuummut nuuttussanngorpunga.

Timmisartumik kujataaniik avannamut nuukkiartorninni suliassat uannut nutaarluinnaat suliarisussanngorlugit taamanikkut eqqarsaaterpassuit eqqarsaatersuutigaakka.

Ilinniartitsisoq marts 2016

Sinniisoqarfiup immikkut ittumik ataatsimiinnera

Inimi issiasut tamarmik nalunngilaat! IMAK’ip siulittaasuata Sivso Dorph’ip taarsernissaa ajornakusuussaqisoq. Aammattaaq unammilluni qinersisoqassaaq. Tamanna kattuffiup oqaluttuarisaanerani siullermeerluni pissaaq.

IMAK’ip Sinniisui aallartitat Nuummi februaarip 18.ani immikkut ittumik ataatsimiinngitsiarnerminni tupinnanngitsumik persuarsiorpasilaarput – killisimaarpasingajallutik allaat – .

Erniinnannguaq sinniisut aallartitat Sivso Dorp’ip – inoqatiminut sunniisinnaalluartup ilisimaneqarluartullu ukiuni 14’ini siulittaasorisimasamik – taartissaanik qinersissapput. Malugineqarsinnaangajapporluunniit ullumikkut ullup immikkut ittuunera. Aammami qineqqusaartut taakku sisamat arlaat erniinnannguaq qinerneqaruni suliassamik immikkut ittumik tigusisussaavoq.

Qineqqusaartut sisamat. Tamannami nammineq aamma immikkut ittuuvoq. Siornatigut IMAK’ip siulittaasussaanik unammilluni qinersisoqarnikuunngisaannarpoq. Immaqami aamma tamanna peqqutaalluni ulloq immikkut ittutut misinnarpoq. Imaluunniit inuit issiasut tamarmik una nalunngimmassuk, IMAK’imi siulittaasuuneq imaaginnanngimmat ilinniartitsisut kattuffiani siuttuuneq. Amerlanernullu suliassaq nutaalluinnartoq aamma taassuma malitsigisussaammagu, tassalu inuiaqatigiinni tamanit tusaamasanngorluni ilisimaneqalernissaq. Akisussaaffimmik politikkikkut unammissutaasaqisumi assortuussutaasaqisumilu, akiuunnerillu tamatigut naapertuilluartuliornikkut inerneqarneq ajortumi tigusinissaq: Tassalu nunatsinni meeqqat atuarfianik.Unammilligassat siulittaasunngortussamut ikinngeqaat.

Ataatsimiinnermi aqutsisussamik qinersereeramik siulittaasullu oqalugiareernerani (oqalugiaataa uani takusinnaavat IMAK.gl), qinersineq pisussanngorpoq. Qineqqusaartut piffissami sivisulaartumi qineqqusaarutitik saqqumisereerlugit massakkut sinniisut aallartitat qularunnaarsinniarlugit periarfissartik kingullerpaaq atorluarnialerpaat. Qineqqusaartut tamarmik 5 min. atorlugit imminnut ilisaritsipput. Kingornalu sinniisunit aallartitanit tamarmik apersorneqartinnatik, tusagassiortumit Naja Paulsen’imit apeqqarissaarfigineqarput.

Apersuerusuttoqarluarpoq qineqqusaartullu sorpassuit pillugit akisarput: Nunaqarfiit avinngarusimasullu pillugit, isumaqatigiinniutissat pillugit, sulisorisanik najugaqarnermut atugarisat pillugit, atuartut pissusilersuutaat angajoqqaallu ilaatigut tapersersuinngippallaartarnerat pillugit.

Sorpassuarnik ilaqaraluarput.

Apersuineq naammassimmat taasinissaq tullinnguuppoq. Pappiaqqat taasinermi allaffissat agguaaneqarput taasereernerullu kingorna natsap iluanut katersorneqarlutik. Siullermik taasinerit naatsorsorneqarmata qinigassanngortittut arlaannaalluunniit pisariaqartinneqartunit 50 % tikillugit taaneqarsimanngillat. Sinniisut aallartitat taaseqqittariaqalerput. Aappassaani taasinermi ataatsimit taakku tikinneqaqqalaarput. IMAK’ip siulittaasussaa nutaaq qinerneqarpoq inimiittullu tamarmik – unammillertut ilanngullutik sanileriiaarlutik nikuipput. Karl Frederik Danielsen’ip qinigaaneranik siulittaasunngorneranillu pilluaqqusiniarlutik.

Ilinniartitsisoq december 2015

Ukioq 2015 qaangiutilerpoq. Ukioq nuannersunik nuanniitsunillu misigiffigisimasarput. Ukioq 2015 uatsinnut pissanganartuusimavoq, nalunikuunnginnatsigu atuarfik pillugu naliliinermik nalunaarusiaq saqqummertussaasoq.

Nalunaarusiaq atuarfimmik ingerlatsisunut tamanut isatsisutut ippoq, taamaallaat Naalakkersuisoqarfik minillugu, tassami naliliisup arlaleriarluni eqqaasinneqartaraluarluni Naalakkersuisoqarfik nalilerumasimanngimmagu

Ilinniartitsisoq august 2015

Atuarfiup siunissaa pillugu eqqarsaatersuutit

Marsip naalernerani Danmarks Evalueringsinstitutip nunatsinni meeqqat atuarfiat pillugu naliliinermini nalunaarusiani saqqummiuppaa. Tamassi matumuuna ilungersorlunga qinnuigaassi nalunaarusiaq taanna atuaqqullugu. Meeqqat atuarfiat tamatta akisussaaffigaarput. Uagut atuarfiit pisortaattut ilinniartitsisutullu atuarfik ullut tamaasa inuuffigivarput. Taakkuuvugullu meeqqat atuarfiata pitsaanerpaanik aallaaveqarluni ingerlanneqarnissaanut akisussaasuusut. Uagut atuarfiit pisortaatut atuarfimmut inatsisip ajunnginnerpaamik malinneqarnissaanut najoqqutassiuivugut. Atuarfimmi sulisunut pamersaanermilu najoqqutassanik aqutsinitsigut. Atuarfiup ingerlavissaa tikkuussiffigaarput.

Uagut ilinniartitsisutut ullut tamaasa akisussaaffigaarput atuartitsinitta atuartuutivut pisariaqartitaannik piginnaasaqalersissimassagaat, ilisimasassanik, piginnaasanik isummersinnaanermillu, imaalersillugu atuartuutivut atuarfimmik qimatsigunik nammineq inuunerminnik ingerlatsinissamut akisussaaffimmik tigusisinnaalersimassallutik. Ilinnialerlutik inuunermilluunniit allatut misiliillutik. Suleqatigisavut qaninnerpaat tassaapput angajoqqaat.

Ilinniartitsisoq april 2015

Atuarfik pillugu naliliineq

Atuarfik pillugu naliliineq maanna saqqummersimalerpoq.

Sinniisoqarfiup 2013imi ataatsimiinnerani Sinniisoqarfimmit kissaatigineqarpoq atuarfik pillugu naliliisoqassasoq, tassalu ukiut marlungajaat qaangiuttullu kissaatigisaq tamanna piviusunngorpoq.

Atuarfik pillugu naliliineq maanna saqqummersimalerpoq. Sinniisoqarfiup 2013imi ataatsimiinnerani Sinniisoqarfimmit kissaatigineqarpoq atuarfik pillugu naliliisoqassasoq, tassalu ukiut marlungajaat qaangiuttullu kissaatigisaq tamanna piviusunngorpoq.

Naliliinermi makku qulequttat sammineqarput: Atuartitsineq, Siunertat naliliisarnerlu, Atuartut, ilinniartitsisut,

Angajoqqaat, Atuarfinni pisortat, Atuarfinnik aqutsisoqarfiit, Sammisat allat kiisalu Atuartunik tiguseqqittartut. Qulequttani taagorneqartuni misissuigaanni nalunaarusiatut naliliineq tamarmi qulequttanut sammineqartunut tamanut isornartorsiuvivoq. Nalunaarusiap naatsumik oqariartuutigaa atuarfimmut inatsit siunertani malillugu ingerlanneqanngitsoq, ilaatigut oqariartuutigalugu meeqqap anguniagassatut siunniussimasai tunngavigalugit atuartitsisoqanngitsoq. Nalunaarusiap aamma oqariartuutigaa ”Atuartitseriaatsit ilikkarluarfiusut” ilinniartitsisunut pikkorissaatigineqarnerani siunertatik malillugit pikkorissaatigineqarsimanngitsut.

Ilinniartitsisoq december 2014

Atuarfik piorsartigu – Nunarput pillugu

Qinersisartut maanna taasisimalerput. Naalakkersuinermik suliallit maanna akisussaassutsimik tigusissapput.

Kissaatigaarput naalakkersuinermi suleriutsit patajaatsut uuttoruminartunik anguniagallit, inuup imminut pilersorsinnaanissaanut aqqutissiuussisut. Kissaatigaarput
naalakkersuinermik ingerlatsineq tutsuiginartoq, amerlanerussuteqarluartunik peqataaffigineqartoq, isumaqatigiilluni suliniutigineqarsinnaasunik salliutitsisoq, isumaqatigiinngissutit pinnagit, taakkumi avissaartuutsitsisarmata.

Kiisalu kissaatigaarput naalakkersuinermik suliallit oqaloqatiginneriaaseq inuppalaarnerusoq ingerlatilissagaat.

Ilinniartitsisoq oktober 2014

Isumaqatigiissut inuiaqatigiinnut akisusaassuseqartoq

Siulittaasup Sivso Dorphip isertuutinngilaa isumaqatigiinniarnermi pitsaanerusumik angusaqartoqarsimanissaa kissaatigisaluaramiuk, isumaqatigiissutit 2018ip tungaanut atuupput.

Tikkuarpaa IMAKip ilaasortaasa annikitsumik akissaatitigut qaffaassuteqarnermikkut inuiaqatigiinnut akisussaaqataanerminnik tigusimmata, nunatta karsiata amigartooruteqarnissamik missangersuuteqarnerata nalaani, suliffissaarusimasut amerliartornerisa nalaani kiisalu aatsitassarsiornikkut isertitassatut takorluukkat qilaap killingusaanut aanngariartuaarnerisa nalaani.

Ukiup aallartilaarnerani oqimaatsumik isumaqatigiinniarnerit inuiaqatigiit aningaasassaaleqinerata, karsillu imaarusimasut sinaakkuserpat, IMAKillu isumaqatigiinniartuisa sukumiisumik oqimaalutaqattaarpaat saqittaalluni aallartitsinissaq akilersinnaanersoq.

Ilinniartitsisoq april 2014

Isumaqatigiinniarnerit avataaniit akuleruffigineqanngitsut

Atuarfeqarfimmi ilinniartitsisut atuartitsisullu 1150’it atugaat pillugit isumaqatigiinniarnerit aatsaat taama siusitsigisumik naammassineqarput, isumaqatigiissut suli atorunaanngitsoq.

Pisortat isumaqatigiinniartartuisa upernaaq manna isumaqatigiinniarnerat allatorluinnaq ingerlanneqarpoq. Kingullermik isumaqatigiinniarnerit ukiut arlallit ingerlanneqarput, politikerit IMAK’illu akornanni akersuunnertut. Maannakkut nipaatsumik ingerlanneqarput, ilaatigut isumaqatigiinniarnissap ingerlanissaa pillugu atsioqatigiittoqarsimammat.

– Politikkikkut akuleruttoqanngilaq, isumaqatigiinniarnerit eqqissisimasumik ingerlapput. Kingullermi tusagassiorfiit aqqutigalugit isumaqatigiinniarpugut. Massakkulli isumaqatigiinniartut piginnaatinneqarsimapput, aningaasanillu aalajangersimasunik nassarlutik. Tamatuma saniatigut politikerinut akisussaasunut allagaqarluta saaffiginnittarsimavugut, allakkatigullu akineqartarluta, Sivso Dorph oqarpoq.

Angusaq saqqummiunneqarmat aviisit ilaat allapput siulittaasoq tipaatsuttoq, taamaanngilarli.

– Tipaatsunnissamut tunngavissaqanngilaq. Akissarsiat qaffassapput, inuuniarnermulli akit sukkanerusumik qaffakkiartorput, siulittaasoq oqarpoq.

IMAK isumaqatigiinniarpoq, kattuffiit allat ilisimasaat aamma pigalugu, pisortat karsii imaqanngitsut. Tassami nunatsinni aningaasatigut ineriartorneq ikkarleqqavoq. Danmarkimiit tapiissutit naleerukkiartorput, sermersuup milliartorneranit sukkanerusumik.

Ilinniartitsisoq februar 2014

Atuarfimmi ilinniartitsisut

Ukiumi atuarfiusumi 2011/2012-imi atuarfiit 14-it ilinniartitsisunik ilinniarsimasunik

sulisoqanngillat. Tamassuma saniatigut meeqqat atuarfianni ilinniartitsisunik

ilinniarsimasunik amigaateqarneq matussuserniarlugu tiiminik

qaangiuttoornernik amerlaqisunik kommunit atuisarput. Pingaartumik

nunaqarfinni sulisut ilinniarsimanngitsut atorneqartarput (50 %-it sinnerlugit),

illoqarfinnilu atuartitsisut ilinniarsimanngitsut 20 %-it missaaniipput.

Immikkut atuartitsinermi atuartitsinerup taamaallaat 6,4 %-ia ilinniartitsisunit immikkut perorsaanermik ilassummik ilinniarsimasunit ullumikkut ingerlanneqartarpoq. Immikkut atuartitsinermi atuartitsisut 14 %-ii timelæreriupput.

Ilinniartitsisunik ilinniartitsineq

Ukiuni kingullerni tallimani meeqqat atuarfianni ilinniartitsisut agguaqatigiissillugu 32-t naammassisarnikuupput. Tamassuma saniatigut inuit ukiumut

90-it, ukiumut pikkorissartut 30-amerlaqataat, Inerisaaviup ilinniarteqqittarpai. 2013-ip naanerani meeqqat atuarfianni ilinniartitsisut 1.100-ngajaapput, taakkunannga ilinniartitsisutut ilinniarsimasut 860-ingajaat.

Ilinniartitsisoq december 2013

Pisortat meeqqanik ikiortarialinnik sumiginnaasarnerat

Quppernerni tulliuttuni sammissavarput, meeqqat annertuumik ikiortariallit pisortanit sumiginnarneqartartut, meeqqat ajunngitsumik inuuneqalernissaanut periusissanik amigaateqaramik. Tamanna erserpoq Meeqqat Oqaaseqartartoqarﬁ ata nalunaarusiaani, ”inatsimmiit piviusunngortitsineq”.

Allaaserisat tallimat atuarsinnaavasi, tassani erseqqarissumik, oqaatigineqarpoq, pisortat sakkussaqannginnamik meeqqat ilaatigut imminiiginnartaraat.

Ilinniartitsisoq juni 2013

Inuuneq sakkortooq – meeqqanik naleqarpoq.

Atuarﬁup avataani meeqqat ilaqutariinni inuunerat nuanninngitsoq, politikerit inuiaqatigiillu takunngitsuusaarpaat, naak misissuinerpassuit takutikkaat, ilaqutariinni inuuneqartut sakkortuumik, persuttaanerit atornerluinerillu meeqqat affaannit ulluinnarni atugarineqartut.

Ilinniartitsisoq december 2012

Inatsisartut meeqqat atuarﬁa pillugu inatsimmik nutaamik akuersipput

Taamaaliornerinut, soorlu inatsimmut oqaaseqaatigineqartutut, manna peqqutaavoq:

” Naak meeqqat atuarﬁ at annertuumik suliniuteqarﬁ gineqaraluartoq, taamaattoq nunap ilaata ineriartortinnissaa pillugu iliuusissanik qinersinermi, nalunaarsuutaagallartunik misissuinerup ilanngullugu takutippaa, 2010-mi 10.klassemi naammassisut angusaasa ersersikkaat, meeqqat inuusuttullu amerlavallaartut meeqqat atuarﬁat qimattaraat, ilinniaqqifﬁssat piumasaqaataat suli naammattunik piginnaasaqarﬁginagit.”

Ilinniartitsisoq oktober 2012

”Ilinniartitsisoq tassaavoq inukinoqamminik kivitsisoq inoqanni sumiifﬁ aniit qaffatsillugu.”

Ilinniartitsisoq april 2012

Ilinniartitsisut nipangiinnanngillat

Ilinniartitsisut akerliussutsimik takutitsipput tusagassiuutinilu oqallinnernut akuulluarlutik, politikerit sakkussatik tamaasa atorlugit innuttaasunik isumaqatigiinniarmata, ilinniartitsisut tunullugit.

Ilinniartitsisoq februar 2012

ISUMAQATIGIISITSINIARTARTUT 2009-IMI JUULLIP KINGORNA SULERIGAMIK????

Naalakkersuisut IMAK-illu isumaqatigiissutaat atorfeqartitsinermilu isumaqatigiissutaat 1.april 2010-mi atuukkunnaarput. Isumaqatigiissutit pingaarnerit naapertorlugit 2010-imi aprilip qaammataa nallertinnagu nutaamik isumaqatigiissusiortoqareersimasussaagaluarpoq.

Isumaqatigiinniarnerit pillugit nutaarsiassat kingulliit

Isumaqatigiinniarnerit kiisami aallartikkaluaannarput. Isumaqatigiinniarnerilli arreeqaat, tassa sulisitsisunut piginnaatitsisartut tassaammata naalakkersuinermik ingerlatsisut, taamaalillutillu taakku isumqatigiinniartui tuuliaquttaminnut utqattaartuartariaqartarlutik. Naalakkersuinermik ingerlatsisut tassaapput Naalakkersuisut kiisalu borgmesterit sisamat. Taamaattumik sulisitsisut isumaqatigiinniartuisa alloriarniartarnerat sivisusaqaaq, IMAKi arlaannik piumsaqaammik saqqmmiussisimagaangat. Massakkorpiaq utaqqivarput sulisitsisut aningaasatigut sinaakkusiussaata tusarnissaat.

Ilinniartitsisoq marts 2011

Akileraartarnermut atugarissaarnermullu ataatsimiitsitaliarsuup siulittaasuata Torben M. Andersenip innersuussutigaa oqaatsinik ilinniartitsinerit kisitsinermullu tunngasut aallunneqarnerusariaqalersut.

Ilinniartitsisoq oktober 2010

Isumaqatigiinniarnerit naammassereersimasussaaga-luarput apriilip aallaqqaataat nallertinnagu. Taamaalilluni isumaqatigiissutivut malillugit akissaasersorneqartut apriilip aallaqqaataat 2010 aallarnerfigalugu akissarsianut iluarsiissutinik tigusaqareersimasussaagaluarlutik.

Ilinniartitsisoq maj 2010

IMAK misissueqqammerpoq, ilinniartitsisut atuartitsivinni atuartitsiffi gisaminni liniefageqarnersut qulaajarniarlugu, kiisalu atuartitsitsivinni atuartitsiffi gisaminni ineriartoqqinnissamut pisariaqartitsinerat paasiniarlugu.

Ilinniartitsisoq februar 2010

“Naami uvangaanngitsoq. Suleqatikka isumaqaannaqinapput atuarfipput ajortumik eqqartorniaannariga”, ilinniartitsisut ilaat Ilinniartisisoq-mut saqqummertussamut matumunnga Atuarfitsialak-mut pillugu misilit-takkaminnut tunngasunik allaaserisaqarsinnaanersoq aperigatsigu taamatukanneq akivoq.

Ilinniartitsisoq december 2008

Aggustip aallartilaarnerani angutaatinilu tikikkamik, atuarfiup pisortaata tullianit atuarfiullu pedelianit mittarfimmut aaneqarput. Inissiamut nuuffissaminnut isertersinnaanngillat, kukkusoqarsimammat. Tamannali ajornartorsiutaanngilaq, tassami inissiamik pitsaanerusumik ullut 14-it qaangiuppata nuuffigisinnaasaannik nassaarutereersimavaat.

Ilinniartitsisoq marts 2008

Kommunerujussuaqarfissat

Maanga killippugut; inuit qitiusumik partiinut akuullutik peqataanngitsut suli qanoq kommuneqarfiit ingerlalernissaat pissanngatigalugu, neriuuteqarnerlutik imaluunniit annilaamisaaruteqarnerlutik suli nalornipput.

Inuinnaat (politikeriunngitsut, taakkuluunniit atorfilittaat qaninnerit) akornanni peqataaneq annertunngilaq, aammalumi aaqqissuusseqqinnerup pilersikkiartornera ataqatigiinngitsutut misinnarsimavoq. Taamaammat

Kalaallit Nunaata kommuninut sisamanut agguarneqarnera politikkikkut matoqqasupilussuarmik ingerlanneqarsimavoq, inuinnaalluni oqartussaaqataanngitsutut misinnarluni, naak tusarniaanerit ataasiakkaat ingerlanneqaraluartut.

Ilinniartitsisoq februar 2008

Sinniisoqarfiup ataatsimiinnissanut 2008 ataatsimiigiaqqusissut Ilinniartitsisut Meeqqat Atuarfianneersut Kattuffiat ileqquusumik sinniisoqarfiup ataatsimiinnera 2008 ingerlanneqassaaq Hotel Arctic, Ilulissat ulluni 13. aamma 14. april 2008.

Ilinniartitsisoq januar 2008

Ukiortaami pilluaritsi

Siullermik tamassi ilaquttasilu ukiumi nutaami qamannga pisumik pilluaqquassi, neriuppunga juulli ingerlariaqqinnissamut nukissanik aallerfigilluarsimassagissi.

Ilinniartitsisoq december 2007

Juullip orpia

Juulleriartornera aallarnerlugu nunatsinni illoqarfippassuarni nunaqarfippassuarnilu nunarsuatsinnilu tamani tamaani orpiup ikinneratigut juulleriartornera assigiinngitsutigut nalliussineqartartoq malugisarparput.

Ilinniartitsisoq oktober 2007

Kangaatsiamut qanoq ungasitsigaa?

Angalaneq nuannerpa?

Ikerasaarsuup atuarfi ani atuartitsisut pikkorissarnikuupput. Suliarput pitsaanerpaamik suliarerusupparput.

Ilinniartitsisoq september 2007

Atuartitsineq aamma ilikkagassatut anguniakkat

Meeqqat Atuarfi at pillugu peqqussummi 2002-meersumi atuartitsinermi anguniakkat ersarissarneqarput…

Taamaalilluni alloriarfi up naammassinerani atuartut fagini ataasiakkaani suut pisinnaassaneraat ersarissunik innersuussuteqarluni.

Ilinniartitsisoq april 2007

Pingaarnerutitaq

Ukioq atuarfi usoq tulleq 2007/2008 piareersarlugu aallartinnialerpoq.

Piffi ssap ingerlanera manna tassaassaaq: Ukiumut atuarfi usumut tullermut piareersarneq. Piareersarnermi eqqumaffissat arlaqarput: atuartunik atuaqatigiikkaartunik aammalu klassenut assigiinngitsunut aggorneqarnissaanik suliaqarnerit.

Ilinniartitsisoq april 2007

Meeqqat atuarfi anni inaarutaasumik naliliineq pillugu nalunaarummut missingersuut

Soorlu Ulla Nielsenip Ilinniartitsisumi normumi kingullermi allattserereeraa meeqqat atuarfi anni inaarutaasumik naliliineq pillugu nalunaarutissamut missingersuut tusarniuttigineqarsimavoq

Ilinniartitsisoq februar 2007

Ukiortaami pilluaritsi

Siullermik tamassi ukiortaami nuannersunik tamanik kissaallusi pilluaqquassi.

Ukioq nutaaq aallartipparput, inuunitsinni immikkortoq nutaaq

Ilisimasanik paarlaateqatigiinneq

Soorlu Paul Raahauge allattoq, ilisimasanik paarlaateqatigiinnissamut ATTAT-mi pitsaalluinnartumik periarfi ssaqarpoq. Tassa qaqugu atorneqalernissaa apeqqutaaginnarpoq. Pauli isumaqatigaara allammat, isummanik

ilisimasanillu paarlaateqatigiinnermi arlalinnik katersuuffi nnik pilersitsinissaq pitsaasuunngitsoq. Malinnaaniarfi gisassat amerliartortillugit malinnaajunnaarnissaq qularnannginnerulertarmat – tassami internitsimi iserfigisassat arlallit, ullut tamaasa ammartarnissaat eqaannerulersitsinavianngimmat.

Suleqatigiinneq – tatigeqatigiikkaanni aatsaat

Pisortani namminersortunilu suleqatigiinneq ukiuni makkunani allanngoriartoqaaq. Suliffi it ilarpassuini sulisut sinniisaat siornatigornit annerungaatsiaqisumik sunniuteqarsinnaalerput. Taamaaliartornerli isumaminik pinngilaq, illuatungeriillu tamarmik ilungersornissaat pisariaqarpoq. Allaatigisap matuma ersersinniarpaa suleqatigiinnermut ataatsimiititaliani aamma ataatsimiititaliani MED-ini1 suleqatigiilluarnissamut suut iluaqutaasut suullu akornutaasut, aamma siunissami suleqatigiin-nermut ataatsimiititaliaajumaartuni ilaasortaasut qanoq piumaffi gineqartariaqarumaartut.

Ilinniartitsisoq