Skip to content

Ilaasortanngorit

IMAK Danmarks Lærerforeningip (DLF) immikkoortortaqarfiata ataaniimmat, IMAK-imi ilaasortanngornermi DLF-imut ilaasortanngoqaassaatit, taamaammat linkeq talerpiup tungaaniittoq tooriarlugu immersuiffissaq immersussavat, taanna immersoreerukku IMAK-imut immersuiffissaq ataaniittoq immersussavat.
DLF-imi ilaasortaareeruit IMAK-imi immersuiffissaq immersuinnarsinnaavat, IMAK-imut ilaasortaanermut taamaallaat akilersuisussaagavit.

IMMERSUIGIT
IMAK - ILINNIARTITSISUT MEEQQAT ATUARFIANNEERSUT KATTUFFIAT

Ilaasortanngorit

Kinaluunniit kattuffiup isumaqatigiinniarfigisinnaasaanut ilaasoq imaluunniit kattuffiup isumaqatigiinniussinnaasaa IMAK-imut nalinginnaasumik ilaasortanngorsinnaavoq.

Nalinginnaasumik ilaasortat pensionisiaqalernertik, soraarnerussutisiaqalernertik assigusumilluunniit tunngavilimmik suliunnaartut ilaasortaaginnarsinnaapput.

Inuit, isumaqatigiissut allat atuuttut atorfiulluunniit aaqqissuussaanera naapertorlugu kattuffimmut allamut attuumassuteqartut, nalinginnaasumik ilaasortanngorsinnaangillat.

Inuit nalinginnaasumik ilaasortanngornissamut piumasaqaataasut avataanni inissisimasut, immikkut ilaasortanngorsinnaapput.

Siulersuisut pissutsini immikkut ittuni, ilaasortaanermut tamakkiisumik ilaannakortumilluunniit akiliuteqannginnissamilluunniit aalajangiussinnaapput.

Ilaasortat 75-inik ukioqalereersimasut ilaasortaanermut akiliuteqartussaanngillat.

Ilaasortaanermut akiliutit

Nalinginnaasumik ilaasortat: kr. 525,00 qaammammut

Pensionisiallit: kr. 135,00 qaammammut

Immikkut ilaasortat: kr. 180,00 qaammammut

Najugarisaq qimannagu ilinniartitsisunngorniartut qaammammut: kr. 262,50

Ilinniarfissuarmi ilinniartut (central lærerstuderende): ilaasortaanermut akiliuteqarneq ajorput. 

Ilaasortanngornermut nalunaarfissaq

IMAK-imi ilaasortanngorumallutit nalunaarfissaq immersoruk. 

Ataani immersugassaq atorneratigut ilaasortanngorumallutit nalunaarfissaq immersorsinnaavat. Nalunaarfissaq PDF-itut aariarlugu, immersoriarlugu nassiunneratigut ilaasortanngorumallutit nalunaarsinnaavutit. PDF ataani tuugassap toorneratigut nassaarisinnaavat. 

Ataani ´Nassiuguk´toorneratigut uppernarsarpara ilaasortaanermut akiliutiga PBS/Nets aqqutigalugu akilertarnissaa akueralugu, IMAK-illu malittarisassai ilisimareerpakka. Malittarisassat nittartakkami IMAK´s ataani ´Malittarisassat´-ni nassaarineqarsinnaapput.

IMAK-imi ilaasortanngornerup ingerlaannartumik nassatarivaa Danmarks Lærerforeningimut (DLF) ilaasortanngorneq.
Nalunaarfissaq pdf-inngorlugu uani aajuk

Ilaasortanut suleqatigisartakkanullu

Aasaanerani sulinngiffeqarnerup nalaani IMAK-imut saaffiginninnerit emailikkut pisassapput, uunga allalluni: imak@imak.gl.

Naatsorsuutigaarput ataasinngorneq 3. august 2026 nalinginnaasumik allaffipput ammaqqissasoq.

 

Til medlemmer og samarbejdspartnere


Henvendelser under sommerferien skal ske til vores e-mail imak@imak.gl.

Vi regner med at kunne åbne sekretariatet som normalt mandag den 3. august 2026.

Sapaatip akunnera una IMAK-ip allaffeqarfiani sulisut Sulisut sinniisaannut nutaanut pikkorissaallutik Ilulissaniipput. Taamaattumik oqarasuaatikkut saaffiginnittut ilai tiguneqanngitsooratartarsinnaallutik. Uani sapaatip akunnerani IMAK-imut ilaasortatsinnit saaffiginnissutit emailikut apuussorneqarnissaat innersuussutigaarput.

IMAK`s sekretariatsmedarbejdere er i Ilulissat i denne uge og holder TR-kursus for nye TR`ere. Derfor kan det ske, at nogen af telefonhenvendelser ikke besvares. Vi vil opfordre medlemmerne at bruge email i deres henvendelser til IMAK i denne uge.