Malittarisassatut suleqatigiinnermut ataatsimiititaliamut

Siunnersuut malittarisassatut suleqatigiinnermut ataatsimiititaliamut … .-mi

Siunertaa

§ 1. Suleqatigiinnermut ataatsimiititaliaq sulissaaq sulinermi suliaqarnermilu pissutsit ajunngitsut eqqissisimanartullu piuinnartinniarlugit suleqataassallunilu suleqataasut tamarmik peqataatinneqarnissaannut ullormut suleqatigiinnermi.

Ataatsimiititaliamik pilersitsineq

§2. Suleqatigiinnermut ataatsimiititaliaq pilersinneqassaaq tunngavigalugu ”Sinaakkutassatut isumaqatigiissut pillugu suleqatigiinneq sunniuteqaqataanerlu nunatsinni kommunini” pilersinneqartoq KANUKOKA’paamma IMAK’pulloq5.januar2001 isumaqatigiissuteqarneratigut..
Stk. 2 Ataatsimiititaliaq katiterneqassaaq ”x qassit” pisortaqarfiup sinniisuinik kiisalu ”Y qassit” suleqataasut sinniisuinik.
Stk. 3. Atuarfiup pisortaqarfiata toqqassavai pisortaqarfiup sinniisui kiisalu ajornassanngippat taakku sinniisussaat.
Stk. 3 Suleqataasut sinniisuisa ilaat tassaassaaq IMAK sinnerlugu tatigisatut sinniisoq. Ilaasortat sinniisaasa sinneri qinerneqassapput ilaasortanit ilaasortallu akornannit, Suleqataasut sinniisuisa arlaannaalluunniit pisortatut atuuffeqassanngilaq. Tamatuma saniagut qinerneqassapput sinniisussaq ataaseq suleqataasut sinniisuinut tamanut immikkut.
Stk. 6 Sinniisut qinerneqassapput ukiut marlukkaarlugit atasussatut.
Stk. 7 Atuarfiup pisortaa akisussaasoq ataatsimiititaliap siulittaasoraa.
Stk. 8 Suleqataasut sinniisuisa qinissavaat siulittaasup tullia sinniisumi akornannit.

§3. Suleqatigiinnermut ataatsimiititaliamut suleqataasut sinniisuisa qinerneqarnerata kinguninnguagut siulittaasoq ataatsimiigiaqqusissaaq.
Stk. 2. Ataatsimiititaliap ataatsimiititaliap allatsissaa qinissavaa. Allatsi ataatsimiititaliamut ilaasortaasariaqanngilaq.

Ataatsimiigiaqqusineq

§ 4. Siulittaasoq ataatsimiigiaqqusissaaq, siulittaasup imaluunniit siulittaasup tulliata taamaaliornissaq pisariaqartuutippagu, taamaattoq minnerpaamik qaammatit pingasunut ataasiarluni.
Stk. 2 Aammattaaq ataatsimiittoqassaaq, suleqataasut sinniisuisa amerlanerussuteqartut siulittaasumut imaluunniit siulittaasup tullianut tamanna qinnutigalugu saqqummiuppassuk. Qinnutigisap taassuma imarissavai apeqqutit oqaluusereqqullugit kissaatigineqartut.
Stk.3. Ataatsimiigiaqqusissut siulittaasup nassiutissavaa.

§ 5. Ataatsimiigiaqqusineq pissaaq sap. akunnerinik pingasunik sioqqutsisumik aggersaanikkut. Ataatsimiigiaqqusissummut ilanngullugu nassiunneqassaaq oqaluuserisassat allassimaffigigallagaat. Stk. 2. Sivikinnerusumik piffissaqartitsilluni ataatsimiigiaqqusineqarsinnaavoq, imaappat, tamatumani pineqartoq suliassaappat nukinginnartoq, aamma siulittaasup siulittaasup tulliatalu tamanna isumaqatigiissutigippassuk.

§ 6. Ilaasortaviit pisinnaanngippata, siulittaasup sinniisussat ataatsimiigiaqqussavai.

Oqaluuserisassat

§ 7. Oqaluuserisassat allassimaffianni allassimasussatut oqaluuserisassatut siunnersuutit siulittaasumi imaluunniit siulittaasup tullianeeriissapput kingusinnerpaamik ataatsimiinneq sap. akunnerinik marlunnik sioqqullugu. Ilaasortat siunnersuutaat ilaqartinneqassapput allaganngorlugu allaaserisamik.
Stk. 2. Oqaluuserisassat allassimaffiviat suliarineqassaaq siulittaasumit aamma siulittaasup tullianit, nassiunneqassaarlu kingusinnerpaamik ataatsimiilernissaq sap. akunnera ataatsimik sioqqullugu.
Stk. 3. Sivikinnerusumik piffissaqartitsilluni oqaluuserisassamik oqaluuserisassat allassimaffiannut ilanngussisoqarsinnaavoq, ataatsimiititaliamut ilaasortat tamarmik tamanna isumaqatigippassuk.

Ataatsimiinnerit ataatsimiinnernillu siulersuineq

§ 8. Ataatsimiititaliap ataatsimiinneri matoqqasuupput.
Stk. 2Ataatsimiititaliap aggersarsinnaavai inuit immikkut ilisimasallit tusarniaavigissallugit oqaluuserisassat ilaata ataatsip oqaluuserinissaanut.

§ 9. Ataatsimiinnerit siulersorneqassapput siulittaasumit imaluunniit taassuma pisinnaannginnerani siulittaasup tullianit.

§ 10. Ataatsimiinnerit pisassapput piffissami suliffiunerusumi.

Aalajangiinerit oqaaseqaateqarnerillu

§ 11. Illuatungeriit anguniassavaat isumaqatigiinnissaq. KANUKOKA’p aamma IMAK’p akunnerminni sinaakkutassatut isumaqatigiissutaannik unioqqutitsinerussaaq,iluaqutaasussamik isumaqatigiinniarnissamut piumassuseqarnermik ersersitsineqanngippat.
Stk. 2. Isumaqatigiissinnaanissaq anguniarlugu illuatungeriit ilitsersuutinik piniarsinnaapput KANUKOKA’miit aamma IMAK’miit kiisalu suleqataasut pineqartut kattuffiiniit.

Imaqarniliaq

§ 12 .Ataatsimiititaliami allatsip ataatsimiititaliap ataatsimiinneri imaqarniliussavai.
Stk. 2. Imaqarniliaq ilaasortanut nassiunneqassaaq siulittaasumit siulittaasullu tullianit akuerineqareerniariarpat kingusinnerpaamillu ataatsimiinnerup kingornagut sap. akunnera ataatsip qaangiunneragut.
Stk. 3. Imaqarniliaq saqqummiunneqassaaq tullianik ataatsimiinnermi inaarutaasumik akuerisassatut.

Nipangiussisussaatitaaneq

§ 13. Ataatsimiititaliamut ilaasortat akornuserneqaratik ataatsimiititaliami qanoq oqaluuserinnissimaneq eqqartorsinnaavaat, taamaattorli ilaat pinnagit, takuuk imm. 2. Stk. 2. Ilaasortat taamaattoq nipangiussisussaatitaapput pissutsinut ima issuseqartunut, isertuunneqarnissamik pisariaqartitsiffiusunut imaluunniit peqqusiffiusunut.
Stk. 3. Nipangiussisussaatitaaneq taamaatissanngilat ataatsimiititaliamit tunuarnermi.

Ataatsimiititaliap suliassai

Paasissutissiineq oqaluuserinninnerlu

§ 14. Suleqatigiinnermut ataatsimiititaliap suliassaraa paasissutissiissutinik tigusissalluni aamma oqaluuserissallugit pissutsit tamaasa pingaaruteqartut atuarfiup sulineranut aamma atorfeqartitanut tunngasut pissutsit.
Stk. 2 Atuarfiup pisortaqarfiata paasissutissiissutigissavai pissutsit pingaaruteqartut tamaasa atuarfiup sulineranut pissutsinullu atorfeqartitanut tunngasut, tamatuma iluaniillutik pingaartumik makkununnga tunngasut
??  Siunnersuutit aningaasatigut missingersuutinut naatsorsuutinullu atuarfimmut tunngasunut tamanut kiisalu piuartumik paasissutissiineq allannguutinut anneruunut naatsorsuutinut aningaasaqarnermullu tunngasutigut.
??  Annerusumik suliat allanngortiterneqarnerannut imaluunniit pisariillisaaniutinut.
??  Teknologimik, atortorissaaruteqarnikkut nutaamik atulersitsinernut.
Stk. 3 Suleqataasut sinniisuisa paasissutissiissutigissavaat iusmmat pissutsillu suleqataasut pigisaat, suleqatigiinnermut pingaaruteqartut.
Stk. 4 Paasissutissiissutit, ataatsimiititaliamut tunniunneqartut tamarmik, ataatsimiititaliami oqaluuserinnissutigineqassapput.
Stk. 5 Paasissutissiissutit tamarmik ima piaartigisumik pissapput, suleqataasut sinniisuisa isumaat siunnersuutaallu tunngaviusinnaassallutik pisortaqarfiup inaarutaasumik isummerfiginninneranut.

Aalajangeeqataaneq

§ 15. Suleqatigiinnermut ataatsimiititaliap suliassaraa aalajangeeqataassalluni aalajangersaanermut najoqqutassanut atuarfiup sulineranut atorfeqartitanullu tunngasut pissutsit aaqqissuunneqarnerannut, tamatuma iluaniillutik
Sulinermi pissutsit:
??  Ullormut piffissap suliffiusup pausillu, unikaallaffiit, inissinneqarnerat
??  Ilorrisaarutissatut suliniutit kiisalu taakku atortinneqarnerat
??  Pissutsit suleqataasut isumannaatsuunissaanut tunngasut
??  Malittarisassat suliarineqarnerat
??  Sulinerup aaqqissuunneqarnera
??  Sulinermi periaasissat aalajangersarneqarnerat
??  Init suliffiusut naleqquttut inissitsiteriffigineqarnerat
??  Suliaqarfiit timip eqqortumik inissisimanissaanik naatsorsuutiginnittut inissitsiternerat
??  Atortorissaarutinik, maskiinanik atortussianillu tunaartarisamut naapertuuttunik atuineq/iluaqutiginninneq Atorfeqartitanut tunngasut
??  Atorfinitsitsinerit
??  Soraarsitsinerit
??  Qaffatsitsinerit
??  Suleqatit akornanni ilinniagaqartitsinerit
??  Suleqatinik allamut nuutsitsinerit, atuartitseqqinneq ilinniagaqartitseqqinnerlu
??  Suleqatinngorlaat pulajartuaartinnissaannik ilusilersuineq ingerlatsinerlu
??  Atorfiit allaaserineqarnerat
??  Suleqatinik naliliineq
??  Angutit arnallu naligiissitaanerat
Stk. 2. Suleqatigiinnermut ataatsimiititaliami najoqqutassanik aalajangersaanermi pisariaqartinneqarpoq illuatungeriit isumaqatigiinnissaat.Oqaluuserinninnermut atatillugu ersersinneqassaaq iluaqutaasussamik isumaqatigiinniarnissamut piumassuseqarneq.
Stk. 3. Najoqqutassiat aalajangersakkat suleqatigiinnermut ataatsimiititaliap ataatsimiinnerani imaqarniliami imaluunniit immikkut allaaserisami illuatungeriinnit atsiukkami allassimasunngorlugit ilusilersorneqarsimassapput.
Stk. 4. Najoqqutassiat pituttuissutaapput pisortaqarfimmut suleqataasullu sinniisuinut pisussaasunut illersussallugit atussallugillu najoqqutassiat aalajangersagaasut oqaluuserinninnerni ataasiakkaani.
Stk. 5. Iluatungeriit tamarmik najoqqutassiatut aalajangersakkat atorunnaarsissinnaavaat qaammatit marlunnik piffissaqartitsillutik. Atorunnaarsitsineq pitinnagu, suleqatigiinnermut ataatsimiititaliami nalinginnaasumik oqaluuserinninnikkut najoqquttanut atuutereersunut allannguutissat naammassiniarneqassapput, illuatungeriinnut naammaginartumik.

§ 16. Suleqatigiinnermut ataatsimiititaliaq pisussaavoq isumagissallugu, suleqataasut tamarmik – allaganngorlugu imaluunniit oqaatigalugu –piuartumik ilisimatinneqartarnissaannut ataatsimiititaliap sulinera pillugu.

Aningaasaqarneq

§ 17. Aningaasartuutit ataatsimiititaliamut tunngasut atuarfimmit akilerneqassapput.
Stk. 2 Ataatsimiititaliap suliarissavaa, atuarfiup aningaasatigut missingersuusiorneranut tunngatillugu, ataatsimiititaliap sulineranut aningaasatigut missingersuut, taassuma iluaniissallutik ataatsimiititaliap ilaasortaasa ilinniartitaanerannut aningaasartuutissat.

Atuutilersitsineq

§ 18. Ataatsimiinnerni najoqqutassiaq atuutilissaaq illuatungeriit atsiorneratigut.

Atuarfik , ulloq

_____________________________ 

Siulittaasoq

____________________________________

Siulittaasup tullia

____________________________________

Malittarisassatut siunnersuut PDF-itut

Una toorlugu malittarisassatut siunnersuut PDF-nngorlugu ammaruk.