Siunnersuut ileqqoreqqusassanut sunniuteqaqataanermut aamma aalajangeeqataanermut

Siunnersuut ileqqoreqqusassanut sunniuteqaqataanermut aamma aalajangeeqataanermut atuarfinni suleqatigiinnermut ataatsimiititalianik pilersitsiviunngitsuni

Siunnersuut ileqqoreqqusassanut sunniuteqaqataanermut aamma aalajangeeqataanermut Atuarfik:
-mi

Siunertaa

§ 1. Ileqqoreqqusat atorneqassapput tunngavigalugu ”Sinaakkutassatut isumaqatigiissut pillugu suleqatigiinneq sunniuteqaqataanerlu nunatsinni kommunini”, pilersinneqartoq KANUKOKA’p aamma IMAK’p ulloq 5. januar 2001 isumaqatigiissuteqarneratigut, piuinnartinniarlugit sulinermi suliaqarnermilu pissutsit ajunngitsut eqqissisimanartullu atorneqassallutillu suleqataasut tamarmik peqataatinneqarnissaannut ullormut suleqatigiinnermi.

Iluseq aaqqissugaaneralu

§ 2. Pisortaqarfiup suleqataasullu oqaluuserinninnerata kingornagut Atuarfik X’imi aalajangerneqarpoq pilersinneqassanngitsoq suleqatigiinnermut ataatsimiititaliaq.
Stk. 2 Taarsiullugu sulisut ataatsimiittassapput minnerpaamik kvartalimut (qaammatit pingasut) ataasiarlutik, tamatumani atuarfimmi sulisut tamarmik peqataatinneqartassallutik.
Stk. 3. Atuarfiup pisortaata aamma IMAK’p tatigisatut sinniisuata/atassuteqaatip ataatsimiinnissat piareersartassavaat ataatsimiinnerillu akornanni ulluinnarni aqutsisutut atuutissallutik.
Stk. 4. Ulluinnarni aqutsisut atuarfimmi atorfeqartitat akornannit qinissavaat ataatsimiititamut allattaasussatut.

Ataatsimiigiaqqusineq

§ 3. Ulluinnarni aqutsisut ataatsimiigiaqqusisassapput, tamanna atuarfiup pisortaata imaluunniit tatigisatut sinniisut pisariaqartikkaangassuk, minnerpaamilli kvartalimut ataasiarluni
Stk. 2. Aammattaaq ataatsimiinneq pisassaaq atuarfimmi suleqataasut pingajorarterutaasa allallutik tamanna pisariaqartippassuk oqaatigalugu qulequttat suut oqaluuserineqartussatut kissaatigineqartut.
Stk. 3. Ataatsimiigiaqqusissut atuarfiup pisortaanit nassiunneqassaaq.

§ 4.Ataatsimiinnissamut ataatsimiigiaqqusineq pissaaq sap. akunnerinik pingasunik piffissaqartitsilluni. Oqaluuserisassanut ilanngullugu nassiunneqassaaq oqaluuserisassat allassimaffigigallagaat.
Stk. 2.Ataatsimiigiaqqusineq sivikinnerusumik piffissaqartitsilluni pisinnaavoq, tamatumani pineqarpata suliassat nukinginnartut aamma atuarfiup pisortaa TR’ilu tamanna pillugu isumaqatigiippata.

Oqaluuserisassat

§ 5. Oqaluuserisassat allassimaffianni allassimasussatut oqaluuserisassatut siunnersuutit siulittaasumi imaluunniit TR’imeeriissapput kingusinnerpaamik ataatsimiinneq sap. akunnerinik marlunnik sioqqullugu. Ilaasortat siunnersuutaat ilaqartinneqassapput allaganngorlugu allaaserisamik.
Stk. 2. Oqaluuserisassat allassimaffiviat suliarineqassaaq siulittaasumit imaluunniit TR’imit, nassiunneqassaarlu kingusinnerpaamik ataatsimiilernissaq sap. akunnera ataatsimik sioqqullugu. Stk. 3. Sivikinnerusumik piffissaqartitsilluni oqaluuserisassamik oqaluuserisassat allassimaffiannut ilanngussisoqarsinnaavoq, ataatsimiititaliamut ilaasortat tamarmik tamanna isumaqatigippassuk.

Ataatsimiinnerit ataatsimiinnernillu siulersuineq

§ 6. Sulisut ataatsimiinneri matoqqasuupput.
Stk. 2. Aggersarsinnaavai inuit immikkut ilisimasallit tusarniaavigissallugit oqaluuserisassat ilaata ataatsip oqaluuserinissaanut.

§ 7. Ataatsimiinnerit siulersorneqassapput atuarfiup pisortaanit taassumalu pisinnaannginnerani TR’imit

§ 8. Ataatsimiinnerit pisassapput piffissami suliffiunerusumi.

Aalajangiinerit oqaaseqaateqarnerillu

§ 9. Illuatungeriit anguniassavaat isumaqatigiinnissaq. KANUKOKA’p aamma IMAK’p akunnerminni sinaakkutassatut isumaqatigiissutaannik unioqqutitsinerussaaq,iluaqutaasussamik isumaqatigiinniarnissamut piumassuseqarnermik ersersitsineqanngippat.
Stk. 2. Isumaqatigiissinnaanissaq anguniarlugu illuatungeriit ilitsersuutinik piniarsinnaapput KANUKOKA’miit aamma IMAK’miit kiisalu suleqataasut pineqartut kattuffiiniit.

Imaqarniliaq

§ 10 .Allatsip ataatsimiinnerit imaqarniliussavai.
Stk. 2. Imaqarniliaq atorfeqartitanut tamanut nassiunneqassaaq atuarfiup pisortaanit TR’imillu akuerineqareerniariarpat kingusinnerpaamillu ataatsimiinnerup kingornagut sap. akunnera ataatsip qaangiunneragut.
Stk. 3. Imaqarniliaq saqqummiunneqassaaq tullianik ataatsimiinnermi inaarutaasumik akuerisassatut.

Nipangiussisussaatitaaneq

§ 11. Nipangiussisussaatitaanermi atuupput malittarisat aturfiup allatigut sulinerani atuuttut.

Suliassat

Paasissutissiineq oqaluuserinninnerlu

§ 14. Pisortaqarfiup suleqataasullu suliassaraat paasissutissiissutinik tigusissallutik aamma oqaluuserissallugit pissutsit tamaasa pingaaruteqartut atuarfiup sulineranut aamma atorfeqartitanut tunngasut pissutsit.
Stk. 2 Atuarfiup pisortaqarfiata paasissutissiissutigissavai pissutsit pingaaruteqartut tamaasa atuarfiup sulineranut pissutsinullu atorfeqartitanut tunngasut, tamatuma iluaniillutik pingaartumik makkununnga tunngasut
? ? Siunnersuutit aningaasatigut missingersuutinut naatsorsuutinullu atuarfimmut tunngasunut tamanut kiisalu piuartumik paasissutissiineq allannguutinut anneruunut naatsorsuutinut aningaasaqarnermullu tunngasutigut.
? ? Annerusumik suliat allanngortiterneqarnerannut imaluunniit pisariillisaaniutinut. ? ? Teknologimik, atortorissaaruteqarnikkut nutaamik atulersitsinernut.
Stk. 3 Suleqataasut sinniisuisa paasissutissiissutigissavaat iusmmat pissutsillu suleqataasut pigisaat, suleqatigiinnermut pingaaruteqartut.
Stk. 4 Paasissutissiissutit tamarmik, sulisut ataatsimiinneranni oqaluuserinnissutigineqassapput. Stk. 5 Paasissutissiissutit tamarmik ima piaartigisumik pissapput, suleqataasut isumaat siunnersuutaallu tunngaviusinnaassallutik pisortaqarfiup inaarutaasumik isummerfiginninneranut.

Aalajangeeqataaneq

§ 15. Suleqataasut suliassaraat aalajangeeqataassallutik aalajangersaanermut najoqqutassanut atuarfiup sulineranut atorfeqartitanullu tunngasut pissutsit aaqqissuunneqarnerannut, tamatuma iluaniillutik
Sulinermi pissutsit:
??  Ullormut piffissap suliffiusup pausillu, unikaallaffiit, inissinneqarnerat
??  Ilorrisaarutissatut suliniutit kiisalu taakku atortinneqarnerat
??  Pissutsit suleqataasut isumannaatsuunissaanut tunngasut
??  Malittarisassat suliarineqarnerat
??  Sulinerup aaqqissuunneqarnera
??  Sulinermi periaasissat aalajangersarneqarnerat
??  Init suliffiusut naleqquttut inissitsiteriffigineqarnerat
??  Suliaqarfiit timip eqqortumik inissisimanissaanik naatsorsuutiginnittut inissitsiternerat
??  Atortorissaarutinik, maskiinanik atortussianillu tunaartarisamut naapertuuttumik atuineq/iluaqutiginninneq Atorfeqartitanut tunngasut
??  Atorfinitsitsinerit
??  Soraarsitsinerit
??  Qaffatsitsinerit
??  Suleqatit akornanni ilinniagaqartitsinerit
??  Suleqatinik allamut nuutsitsinerit, atuartitseqqinneq ilinniagaqartitseqqinnerlu
??  Suleqatinngorlaat pulajartuaartinnissaannik ilusilersuineq ingerlatsinerlu
??  Atorfiit allaaserineqarnerat
??  Suleqatinik naliliineq
??  Angutit arnallu naligiissitaanerat
Stk. 2. Najoqqutassanik aalajangersaanermi pisariaqartinneqarpoq illuatungeriit isumaqatigiinnissaat.Oqaluuserinninnermut atatillugu ersersinneqassaaq iluaqutaasussamik isumaqatigiinniarnissamut piumassuseqarneq.
Stk. 3. Najoqqutassiat aalajangersakkat ataatsimiinnerani imaqarniliami imaluunniit immikkut allaaserisami atuarfiup pisortaanit TR’imillu atsiukkami allassimasunngorlugit ilusilersorneqarsimassapput.
Stk. 4. Najoqqutassiat pituttuissutaapput pisortaqarfimmut suleqataasunullu, pisussaasunut illersussallugit atussallugillu najoqqutassiat aalajangersagaasut oqaluuserinninnerni ataasiakkaani.
Stk. 5. Iluatungeriit tamarmik najoqqutassiatut aalajangersakkat atorunnaarsissinnaavaat qaammatit marlunnik piffissaqartitsillutik. Atorunnaarsitsineq pitinnagu, suleqataasut ataatsimiinneranni nalinginnaasumik oqaluuserinninnikkut najoqquttanut atuutereersunut allannguutissat naammassiniarneqassapput, illuatungeriinnut naammaginartumik.

Aningaasaqarneq

§ 17.Sulinermut tunngasumik aningaasartuutit atuarfimmit akilerneqassapput atuarfiullu aningaasatigut missingersuusiaanut tamarmiusumi ilaassallutik

Atuutilersitsineq

§ 18. Ileqqoreqqusat atuutilissapput illuatungeriit atsiorneratigut.

Atuarfik , ulloq

_____________________________ 

Siulittaasoq

____________________________________

TR/atassuteqaat

____________________________________

Malittarisassatut siunnersuut PDF-itut

Una toorlugu malittarisassatut siunnersuut PDF-nngorlugu ammaruk.