Nutaarsiassat

Tuluit nunaanni Ilinniartitsisut Kattuffiat sinnerlugu, Matt Wrack General Secretary-tut inissisimsup allagaqaataata

    Asasara Elna, Nammaqataalluni tapersersuinermik nalunaarut NASUWT – Tuluit Nunaanni Ilinniartitsisut kattuffiat – sinnerlugu allappugut uppernarsarumallugu IMAK Kalaallit Nunaannilu ilinniartitsisut maanna imaannaanngitsorsiornermi peqatigilluinnaratsigit.Naqisimaneqarneq unamminartullu aqqusaakkasi eqqumaffigilluinnarpagut, taakkununnga ilanngullugit qunusaarinerit piviusut annertusiartortullu maanna aqqusaakkasi, Amerikamiut naalakkersuisoqarfiannit Kalaallit Nunaat pillugu oqaaserineqartartut, taamatullu pinngitsaaliiniarnikkut politikkikkut ingasaassisumik naqisimanninniarnerit sakkutuulersuussiniarnerit eqqunngitsunillu paasissutissiinerit. Ilissitut suliaqartutut aamma Education International-imit kiisalu ETUC-mut ilaasortatut miserratiginngilarput pissutsit taamaattut takorluugaannaanngimmata imaluunniit ungasissorsuarmi pisuullutik, ullulli tamaasa ilinniartitsisunit Kalaallit… Read More »Tuluit nunaanni Ilinniartitsisut Kattuffiat sinnerlugu, Matt Wrack General Secretary-tut inissisimsup allagaqaataata

    IMAK-ip siulittaasua Elna Thomsen Heilmann qinigaaqqittoq

      Ilinniartitsisut Meeqqat Atuarfianneersut Kattuffiata, IMAK-ip, Sinniisoqarfianut ilaasortat, Nuummi sapaatit akunnerisa naaneranni ataatsimeersuarput.   Ataatsimeersuartut oqaluuserisaannut siulittaasumik qinersineq ilaavoq. IMAK-ip 2021-imit siulittaasua, Elna Thomsen Heilmann, siulittaasutut ingerlaqqikkusulluni qinigassatut sassarpoq. Siulittaasoq unammillerneqanngilaq. Taamaattumik Elna Thomsen Heilmannip IMAK-imi siulittaasutut ukiuni sisamani atuuteqqinnissani qulakkeerpaa.   Ilinniartitsisut Meeqqat Atuarfianneersut Kattuffianni siulittaasutut qinigaaqqittoq ima oqarpoq: IMAK-ip Sinniisoqarfianut ilaasortanit, qinersisinnaasunit tamanit, 28-init, siulittaasutut qinerneqarnera assut Tamanna Sinniisoqarfiup ataatsimoorneranik ersersitsivoq. Sinniisoqarfimmut ilaasortanit uannut… Read More »IMAK-ip siulittaasua Elna Thomsen Heilmann qinigaaqqittoq

      Allakkat ammasut “Pisortani sulisitsisunut politikkerinullu”

        Uunga: Pisortani sulisitsisunut politikkerinullu Nuuk 4. nov. 2025 Allakkat ammasut Nunatta siunissai meerartagut, siunissami nunatsinni qanoq naatsorsuuteqarfiniar- pagut? Taamak aperipput Atuarfinni pisortat IMAK-imi ilaasortat. Atuarfinni aqutsisutut nunatsinni sulineq imaannaanngingaarmat pisortat tullersortillu taar- seraannerat ersarilluarpoq. Tamanna atuarfinni pisortat tullersortillu oktobari naalersoq a- taatsimoortinneqarneranni takuneqarsinnaavoq. Taassuma takutippaa atuarfinni pisortatut tullersortitullu ataavartumik sulinissaq kajungerineqarpallaanngitsoq; qularutissaanngitsu- mik sullivimmi atukkat aallaaviupput aammalu nunatsinni atuarfinni atuartuutigisagut anner- tuumik inuttut atugaat inorsarfiuleqqammata.… Read More »Allakkat ammasut “Pisortani sulisitsisunut politikkerinullu”

        Kikkut kivitsisuussappat?

          Inatsisartunut partiit qineqqusaartitsisut meeqqat atuarfiat pillugu isummersornerat IMAK-imiit nuannaarutigaarput aammalu partiit tamarmik meeqqat atuarfiannik pitsanngorsaanissamik siu- nertaqarnerat IMAK-imiit aamma isumalluarfigaarput.   Ukiuni kingullerni qulini qinikkanit aningaasaliissutinik annikillisaajuarneq ingerlaannassap- pat kikkut meeqqat atuarfiannik kivitsisuussappat?   Meeqqat atuarfianni ilinniartitsisut ilinniarsimasut ukiuni tulliuttuni tallimani 143-it soraarninngor- sinnaasut kisitsisit takutippaat. Taakkualu ukioqatigiiaat kisitsisit qaavaniipput ilinniartitsisutut ilinniarsimanngitsut atorfeqartinneqartut 39-t.     Ukiuni kingullerni tallimani ukiumut ilinniartitsisutut ilinniakkaminnik naammassinnittartut amerlassusaat agguaqatigiisillugu… Read More »Kikkut kivitsisuussappat?

          IMAK-imit ukiortaami 2025-mi oqaaseqaat

            IMAK-imit sineriassuatsinni ilaasortatsinnut innuttaaqatitsinnullu tamanut qujalluta ukiortaami pilluaqqungaarpassi. Ukioq 2025 IMAK-imut pissanganartumik ulapaarfiusumillu ingerlaarfiussaaq. Siullermik ilaasortatsinnut akissaatit atugassarititaasullu pillugit isumaqatigiinninniarneq ingerlattussaavarput. Ukiaru novemberimi IMAK-ip sinniisoqarfia nalinginnaasumik ataatsimeersuartussaavoq, ukioq mannalu siulittaasumik aamma qinersiffiussaaq. Ukioq 2024 kingumut qivialaarfigalugu ilaasortatta oqariartuutigisartagaat eqqartulaassavakka. Tassanilu inatsisit, isumaqatigiissutit malittarisassallu aallaavigalugit aaqqiivigerusutat naggasiissutigiumaarlugit.   Ilaasortatta sullivimmi atukkatik pillugit oqariartuutaat! Isumaqatiginninniarnissamut atatillugu sineriatsinni ilaasortatsinnut tusarniaanitsinni piffinni tamani assigiikannersunik oqariartuuteqarput iliuuseqaqqusillutillu. Takusinnaavagut oqaluttuarivaallu ilaasortatta… Read More »IMAK-imit ukiortaami 2025-mi oqaaseqaat

            Qineqqusaartut meeqqat atuarfiata iluanut milorujussuivallaalinnginnerini

              Marlunngorneq 4. februar 2025 KNR-imi Illeq immikkut aallakaatinneqarmat partiit siulittaasui apersorneqarput. Qineqqusaarneq aallartiinnartoq meeqqat atuarfiat suliassinneqarpallareerpoq. Qinersisinnaasut ikippallaartut qinersiartortarnerannut atatillugu partiit siulittaasuisa ilaasa suliassaq Meeqqat atuarfiannut miloriuteriikatappaat. Tamanna nalinginnaavallaaqaaq. Meeqqat atuarfianni inuiqatigiilerinermi inuiaqatigiinnut tamat oqartussaaqataanerat tunngavigalugu ingerlasunut ineriartornerannullu tunngasut ilinniartitsisut ingerlaavartumik suliassaannut ilaareerput aammalu atuarfiit tamat oqartussaanerannut ulloqartitsinikkut immikkut sammisareerpaat sammiuarlugillu, pineqartummi ilikkagassatut anguniagassaneereerput. Inuiaqatigiit qinersiartortarnerannut atatillugu inuiaqatigiit peqataasutut misigalutik akisussaaqataassappata atuarfillu aallaaviussappat aallarniutissat ilagisinnaavaat… Read More »Qineqqusaartut meeqqat atuarfiata iluanut milorujussuivallaalinnginnerini

              Qaqugu tusaaneqassaagut naapigiarneqarlutalu?

                Qaqugumita Naalakkersuisunit kattuffittut suleqatigisatut inuiaqatigiinnilu sullisseqataasutut oqaloqatigineqarsinnaalissaagut? Tamattami maani nunatsinni pitsaanerpaamik inuiaqatigiinni ingerlanissarput anguniagaraarput kivitseqataarusuppugullu. Naalakkersuisut oqaasinnaarivaat isumaqatigiinngittaraluarluta pissuserissaartumik oqalliseqatigiissinnaanissaq pikkoriffiginerusariaqaripput aammalu siunissaq ungasinnerusoq kinguaassagullu pillugit ataatsimoorfigisinnaasarput nassaarisariaqaripput, siunnerfeqatigiinnissarlu aqqutissaasut. Maannakkut qinigaaffik una qaangiukkiartuaarpoq, sulilu Naalakkersuisunit suleqatiserinnermik annerusumik isaassisoqarnikuunngilaq. Kattuffittut nammineq tusaaqqulluta ujartuiuartariaqartarpugut, annerusumilli illuatungaanit qisuariartoqassanani. Misinnarpoq Naalakkersuisut peqataatitsinatik namminneq aqqut ingerlaffigerusutartik kisiat aallaaviginiarsarigaat. Inatsisinik allannguiniarnermi tusarniaanerit ingerlanneqartarput, pingaartumillu nunatsinnut inatsisitigut iluarsaaqqinnerit angisuut eqqarsaatigalugu, nunatsinni… Read More »Qaqugu tusaaneqassaagut naapigiarneqarlutalu?

                IMAK-imiit Tjenestemandit pillugit suliaasunik ilaasortanut paasissutissiineq

                  IMAK-imiit Tjenestemandit pillugit suliaasunik ilaasortanut paasissutissiineq. IMAK-imiit ilaasortatsinnut tjenestemandinut tunngassutillit ukua paasissutissiisutiginiarpagut: Tjenestemandit pensioniinut qaffakkiartuutissaannut nalimmassaatit Tjenestemanditut atorfeqartut ilaasa pensioninut pinngitsoorani katersisussaatitaanermut peqataatinneqarnerannut tunngasoq Tjenestemandit nunatsinniittut pensioniisa DK-imi najugaqartunut naleqqiullugit nikinganerujussui   1. Tjenestemandit pensioniinut qaffakkiartuutissaannut nalimmassaatit. IMAK-imi siulittaasoq siulersuisut peqatigalugit qinigaaffimmi sulinertik aallartikkamikku suliniutit Sinniisoqarfiup aalajangersagai suliaralugit aallartippaat. Taakkua saniatigut immikkut Tjenestemandit nunatsinniittut pensionisiaasa qaffakkiartunnginnerat ingerlannaaq aamma suliniuteqarfigilerpaat. IMAK-imiit anguniarneqarnikuuvoq, nunatsinni naalakkersuisut aammalu danskit… Read More »IMAK-imiit Tjenestemandit pillugit suliaasunik ilaasortanut paasissutissiineq

                  Ukioq atuarfiusoq 2024/25-mut tikilluaritsi!

                    IMAK-imi ilaasortat aammalu ilaasortanngortut nutaat suliffimmut ukiullu atuarfiusup nutaap aallartinnerani aallartilluaqqullusi pilluaqquassi tikilluaqqullusilu. Upernaaq aasaaneranilu atuanngiffik tikillugu 2025-mi isumaqatiginninniarnissanut sinerissami ilaasortatta piumasaqaataannik (OK-krav 25) katersilluta ataatsimiisitsisaqattaarnitsinni peqataasunut tamanut qujavugut, immersorneqarluarpugut. Angalanitsinni saaffiginnissutaasartutigullu maluginiarparput IMAK-imi ilaasortat kissaatigigaat sullivimmi atukkat pitsaanerulernissaat pillugit iliuuseqartoqartariaqartoq aammalu peqataatinneqarneq ataatsimullu siunnerfeqaqatigiinnissaq pingaaruteqarluinnartutut kissaatigineqartoq. Ukiup ingerlanerani sulinermi assigiinngitsorpassuit aqqusaartorneqartussaapput. Sulisutut aqutsisutulluunniit suliffik nuannersuussaaq; Suliffik toqqissisimaffiuppat Sullivimmi atukkat naleqquttut atuutsinneqarpata Sullivimmi nukiit agguataarluarlugit… Read More »Ukioq atuarfiusoq 2024/25-mut tikilluaritsi!

                    Sapaatip akunnera una IMAK-ip allaffeqarfiani sulisut Sulisut sinniisaannut nutaanut pikkorissaallutik Ilulissaniipput. Taamaattumik oqarasuaatikkut saaffiginnittut ilai tiguneqanngitsooratartarsinnaallutik. Uani sapaatip akunnerani IMAK-imut ilaasortatsinnit saaffiginnissutit emailikut apuussorneqarnissaat innersuussutigaarput.

                    IMAK`s sekretariatsmedarbejdere er i Ilulissat i denne uge og holder TR-kursus for nye TR`ere. Derfor kan det ske, at nogen af telefonhenvendelser ikke besvares. Vi vil opfordre medlemmerne at bruge email i deres henvendelser til IMAK i denne uge.