Nutaarsiassat

IMAK-ip Kangaatsiap Atuarfiani pissutsit pillugit paasissutissat saqqummiunneqartut ilungersunarluinnartutut isigivai. Atuartut toqqissisimasumik ataqqineqarlutillu atuartinneqartussaapput, aamma persuttaanerit, innarliinerit imaluunniit ingerlanerliornerit pillugit saaffiginnissutit tamarmik soorunami sukumiisumik akisussaasusilimmillu pissuseqarfigisariaqarput. Ilutigisaanik IMAK-ip pingaartippaa, suliat aalajangersimasut piviusorsiortumik paasiniaalluarner-millu tunngaveqartumik suliarineqartarnissaat, tamatumani atuartut sulisullu inatsisitigut isuman-naatsuunissaat ataqqillugu. Taamaammat naapertuuttumik misissuinerit pisortatigoortumillu suliat suli naammassitinnagit inaarutaasumik inernilersuinerit pinaveersaartariaqarput. Suliap aamma ersersippaa meeqqat atuarfiat sumiiffinni arlalinni annertuumik tatisimaneqartoq, ilaatigut ilinniartitsisussaaleqinermut, sulinermi atugarisanut aqutsinermullu tunngasunik… Read More »Kangaatsiap Atuarfiani pissutsit pillugit KNR-ip saqqummiussaanut atatillugu IMAK-imiit qisuariaat

Elna Thomsen Heilmann nunani avannarlerni ilinniartitsisut ataatsimoorullugu suliniaqatigiiffiata Norgemi ataatsimeersuarneranut peqataavoq. — Nunani avannarlerni ilinniartitsisut ataatsimoorullugu suliniaqatigiiffiat, NLS, ilaasortaminik Norgemi illoqarfimmi Tromsø-mi marsip qiteqqutilaareernerani ulluni marlunni ataatsimeersuartitsivoq. Ilinniartitsisut Meeqqat Atuarfianneersut Kattuffianni, IMAK-imi, siulittaasoq, Elna Thomsen Heilmann, peqataavoq. – Nunani avannarlerni nunat inoqqaavi ilinniartitaanikkut inissisimanerat saqqummiunneqarpoq. Tassani erserpoq nunat inoqqaavi sutigut tamatigut kingulliunneqartarpallaartut, IMAK-ip siulittaasua oqarpoq. Ataatsimeersuarnermut nunat inoqqaavinik Finlandimeersunik, Sverigemeersunik Norgemeersunillu, soorlu aamma saaminik peqataasoqarpoq.… Read More »IMAK nunap inoqqaavi pillugit ataatsimeersuarnermut peqataasoq

Inatsisartunut ilaasortat isumaqatigiittut tuluit oqaasiisa allamiut oqaasiini sallersatut atuutsinneqariartornissaat aalajangerpaat. Tamanna IMAK-imit aarlerinartutut nalilerneqarpoq. – Kalaallit oqaasii nukittorsarneqarnerusariaqaraluarput, siulittaasoq uparuaavoq. — Oqaatsit kinaassuserlu. Sammisat taakkua pillugit oqallittoqartaqaaq. Oqallittoqartuarnissaalumi aamma naatsorsuutigiinnarneqarsinnaavoq. Nunatsinni inatsisiliortut, tassa Inatsisartunut ilaasortat, oqaatsit pillugit apriilip 16-anni aamma aalajangiipput. Tassani tuluit oqaasiisa, allamiut oqaasiinit allanit, qanoq pingaarnerutigissanerat aalajangiiffigaat. Tassalu Inatsisartunut ilaasortat isumaqatigiittut, tuluit oqaasii nunatsinni allamiut oqaasiini sallersatut siullertut atuutsinneqariartornissaannut Naalakkersuisut pilersaarusiorlutik suliakkerneqarnissaat… Read More »IMAK-ip Inatsisartut oqaatsit pillugit aalajangernerat ernummatigaa

IMAK-imi siulittaasup meeqqat atuarfianni nukarlerni atuartut fagiisa tallimaannanngortinneqarusunnerat, atuartitsinerullu kalaallisut oqaatsigut aallaavigalugit ingerlanneqartalernissaa tapersersorpaa. — Naalakkersuisut meeqqat atuarfianni alloriarfinni minnerni fagit atuartitsissutit 13-it tallimaannanngornissaat kissaatigigamikku inatsisissatut siunnersuutertik tusarniutigeqqammerpaat. Isuma tamanna, tassa fagit atuartitsissutaasut ikilinissaat, Ilinniartitsisut Meeqqat Atuarfianneersut Kattuffianni, IMAK-imi, siulittaasup isumatsialattut nalilerpaa. Siunnersuut maanna isikkumitut isikkoqarluni inatsisiliortunit akuerineqassappat nukarlerni atuartut oqaasilerinermi kalaallit oqaasiinnaanik atuartinneqartalissapput, tassa danskisut tuluttulluunniit alloriarfiit aappaannut ikaarsaareerunik aatsaat atuartinneqartalissallutik. – Nunatsinni kalaallisut… Read More »Siulittaasoq: Oqaatsigut pitsaassusilimmik pigiinnassagutsigit maanna iliuuseqartariaqarpugut

Naalakkersuisut atuarfik pillugu Inatsisartut inatsisaata allanngortinnissaa siunertaralugu siunnersuummik tusarniaaqqammerput. — Inatsisartut Naalakkersuisut atuarfik pillugu Inatsisartut inatsisaannik allannguerusullutik siunnersuutaat akuerissappassuk, kukarlerni atuartunut fagit atuartitsissutigineqartartut malunnaatilimmik ikilissapput. Inatsimmi maanna atuuttumi nukarlernut fagit atuartitsissutitut atuutsinneqartut 13-it missaannik amerlatigisinnaapput. Allannguutissatut maanna siunnersuutaasoq akuerineqassappat, fagit nukarlernut atuartitsissutit inuup assaata ataatsip inuattaanik kisinneqarsinnaalissapput. Tamanna Ilinniartitsisut Meeqqat Atuarfianneersut Kattuffiata, IMAK-ip, anguniagaanut naapertuuttuusoq, kattuffik Naalakkersuisut tusarniutaannut akivoq. – IMAK-ip Sinniisoqarfiata ataatsimeersuarneranut atatillugu novemberimi… Read More »IMAK: Nukarlerni fagit ikilillik ullulli atuarfiusut ikilisinnissaat eqqarsarnarpoq

Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Nivi Olsen (D), IMAK-ip Sinniisoqarfiata ataatsimeersuarnerani meeqqat atuartitaanerisa iluanni allannguutissanik suliaqarnerminik saqqummiussaqarpoq. Angusakkanik suliaqartarneq aamma atorunnaarsikkusuppaa. — Ilinniartitaanermut Naalakkersuisoq, Nivi Olsen (D), Ilinniartitsisut Meeqqat Atuarfianneersut Kattuffiata, IMAK-ip, Sinniisoqarfianut ilaasortat ataatsimeersuarneranni ullormi siullermi oqalugiaateqarpoq. Oqalugiaat IMAK-ip ukiuni kingullerni nipituuliuutigalugu anguniagaasa ilaannut malinnaasunut tusarluarnartunik arlalinnik imaqassasoq qularnanngilaq. Naalakkersuisup ilinniartitaanermut akisussaasuusup, meeqqat atuarfianni alloriarfinni minnerni atuartut, assersuutigalugu atualeqqaat, 14-it ilaatigut angullugit fageqartinneqartarnerat atorunnaarsinniarlugu,… Read More »Naalakkersuisoq: Nukarlerni fagit atuartitsissutaasut tallimaannanngortariaqarput

IMAK-ip allaffia aggerluni saaffiginninniartunut ullumikkumiit matugallarpoq. Matusinermut pissutaavoq allaffeqarfiup peqqumaasiviinit isugutak iliuuseqarfiginiarneqarmat toqqortallu oqullit isugutammillu milluaasinnaasut allat piaarneqassammat. Taakkua saniatigut allaffeqarfiup qaliarpaavani suliassartaaluit salitassallu aamma pissutaapput. Nalinginnaasumik oqarasuaatikkut emailikkullu saaffiginnittarnerit pisarnertut ingerlaannassapput. Ornigulluni allaffimmut saaffiginnittoqaqqissinnaalerpat nalunaarutigissavarput.

Asasara Elna, Nammaqataalluni tapersersuinermik nalunaarut NASUWT – Tuluit Nunaanni Ilinniartitsisut kattuffiat – sinnerlugu allappugut uppernarsarumallugu IMAK Kalaallit Nunaannilu ilinniartitsisut maanna imaannaanngitsorsiornermi peqatigilluinnaratsigit.Naqisimaneqarneq unamminartullu aqqusaakkasi eqqumaffigilluinnarpagut, taakkununnga ilanngullugit qunusaarinerit piviusut annertusiartortullu maanna aqqusaakkasi, Amerikamiut naalakkersuisoqarfiannit Kalaallit Nunaat pillugu oqaaserineqartartut, taamatullu pinngitsaaliiniarnikkut politikkikkut ingasaassisumik naqisimanninniarnerit sakkutuulersuussiniarnerit eqqunngitsunillu paasissutissiinerit. Ilissitut suliaqartutut aamma Education International-imit kiisalu ETUC-mut ilaasortatut miserratiginngilarput pissutsit taamaattut takorluugaannaanngimmata imaluunniit ungasissorsuarmi pisuullutik, ullulli tamaasa ilinniartitsisunit Kalaallit… Read More »Tuluit nunaanni Ilinniartitsisut Kattuffiat sinnerlugu, Matt Wrack General Secretary-tut inissisimsup allagaqaataata

Uunga: Pisortani sulisitsisunut politikkerinullu Nuuk 4. nov. 2025 Allakkat ammasut Nunatta siunissai meerartagut, siunissami nunatsinni qanoq naatsorsuuteqarfiniar- pagut? Taamak aperipput Atuarfinni pisortat IMAK-imi ilaasortat. Atuarfinni aqutsisutut nunatsinni sulineq imaannaanngingaarmat pisortat tullersortillu taar- seraannerat ersarilluarpoq. Tamanna atuarfinni pisortat tullersortillu oktobari naalersoq a- taatsimoortinneqarneranni takuneqarsinnaavoq. Taassuma takutippaa atuarfinni pisortatut tullersortitullu ataavartumik sulinissaq kajungerineqarpallaanngitsoq; qularutissaanngitsu- mik sullivimmi atukkat aallaaviupput aammalu nunatsinni atuarfinni atuartuutigisagut anner- tuumik inuttut atugaat inorsarfiuleqqammata.… Read More »Allakkat ammasut “Pisortani sulisitsisunut politikkerinullu”