Nutaarsiassat

Naalakkersuisut siulittaasuata ukiortaami oqalugiaatimini 2023-mi pisimasut pitsaasut taakkarsorpai, tamatumunngalu ilanngullugu timersornikkut angusaasut, kulturikkullu pisimasut silaannaallu pissusaata allanngoriartornera akiorniarlugu suliniutit nersualaarlugit. Taamaattoq maluginiagassaavoq taamatut pitsaasunik taakkarsuisoqaraluartoq, oqalugiaammi ilinniartitaanermut tunngasut pingaartutut isiginiarlugit eqqaaneqanngimmata. Naalakkersuisut siulittaasuata ukiortaami oqalugiaataani Ilinniartitaanermut tunngasut malunnaatilimmik isiginiarneqannginnerat, IMAK-imit ernumanaateqartutut isigineqarpoq. Naak ukioq 2023 pisoqarfiugaluaqisoq, eqqaaneqartutullu pitsaasunik misigisaqarfiugaluartoq, ilinniartitaanerup iluani unamminartut qarsupinneqarput. Pingaartumik uparuagassaavoq ilinniartitaanermut tunngasut naammattumik aningaasalersorneqannginnerat. Assersuutigalugu Naalakkersuisut siulittaasuata, meeqqat atuarfianni atuartut… Read More »Naalakkersuisut siulittaasuata ukiortaami oqalugiaataani iliuusissat amigaataapput

Nunatsinni naalakkersuisut, aktiaatileqatigiiffiit Namminersorlutik Oqartussat pigisaat kiisalu suliffeqarfiit namminersortitat pisortanit pigineqartut, nunatsinni innuttaasut inuuniarnerannut assoroortitsipput. RAL-p assartuinermi akit qaffaqqinniarlugit nalunaarutigeqqammerpaa sulilu aamma ukiuni tulliuttuni qaffaaqqilersaarnertik ilimasaarutigalugu. Tamatuma kingunerisaanik nunatsinni niuertut annerit pisiniarfinni nioqqutissanik akitsuisoqarnissaa ilimasaarutigereerpaat. Tamanna ilaasortatta nammassinnaanngilaat. Kalaallit nunatsinni ilinniartitsisut ilaasortagut aammalumi inuiaqatigiit tamatta inuuniarnitsinni ilungersoreersugut maannakkut qaavatigut akiliisussanngortinneqarpugut. Naalakkersuinikkut suliffeqarfissuillu pisortanit piginneqataaffigineqartut ataqatigiinngitsumik ingerlatsinerat innuttaasunut kingunerluttusanngoqqippoq. Taakkua ukiorpassuarni akinik qaffaasaqattaartarput, naalakkersuinikkut annerusumik akuliuffigineqassanatik.… Read More »Nunatsinni inuuniarnikkut ilungersunarluinnartumiileqqanerput IMAK-imit akuerisinnaanngilarput

Asasagut ilaasortagut suleqatillu. Ukioq 2023-mi suleqatigiilluarsimanitsinnut qujavugut. Ukioq 2023 IMAK-imut imartoqisoq naalerpoq. IMAK ukiunik 25-ngortorsiorpoq, IMAK-ip oqaluttuassartaanik imalimmik atuakkamik saqqummersitsivugut, ileqquusorlu malillugu Sinniisoqarfik imaqarluartoq anguniagassanilluni nutaanik siunnerfilik naammassineqarpoq. IMAK-imi ilaasortagut suleqatigisartakkagullu qanortoq tamassi nalliuttorsuit ilagisannguasilu nuannersumik atorluarisigit, juullillu tipaatsunnartuata eqqissinartuatalu najorluarisilitoq. Ukiumut 2023-mut qaangiutilersumut qujalluta, qanortoq ukioq 2024 tamassinnut peqqiffiulluni, iluanaarfiullunilu pilluarnartuujumaarili. IMAKip siulittaasua Elna Heilmann

Allaffiup matoqqanissaa IMAK-ip allaffia ulluni 20. december 2023 – 3.januar 2024 ilanngullugu matoqqassaaq. Saaffiginnissutit utaqqinneqarsinnaanngitsut pillugit imak@imak.gl-imut nassiussisoqarsinnaavoq. IMAK-imit tamassi juullisiorluarnissassinnik kissaappatsigit.

Ilinniartitsisut Meeqqat Atuarfianneersut Kattuffiata, IMAK-ip, Sinniisoqarfianut ilaasortat 33-t, Ilulissani novembarip 15-nit 17-inut 2023-mi ataatsimeersuarput. Ataatsimeersuarnermi kattuffiup ataatsimeersuaqqinnissaminnut tullermut, ukiut marluk qaangiuppata pisussamut, suliassaat arlallit aalajangersarneqarput. Suliassani anguniagassanilu tullerni meeqqat immikkut pisariaqartitsisut initupput. Taakkuami ukiuni kingullerni amerliartortut Sinniisoqarfimmi ilaasortat oqarput. Ilinniartitsisut kattuffiata immikkut atuartitsinermi, specialklassini atuartut amerlanerpaamik arfineq-pingasuunissaat piumasaraa. Immikkulli ittumik pisariaqartitsilluinnartunut namminerisamik atuarfittaarnissaq, tassa specialskoletaarnissaq aamma kissaataavoq. – Taamaaliorutta meeqqat immikkut pisariaqartitsisut ilikkagassaminnik angusamillu pitsaanerusumik… Read More »Meeqqat immikkut pisariaqartitsisut amerliartuinnavissut pitsaanerusumik iliuuseqarfigitigit

Atuarfik Kilaaseeqqami massakkut atugassarititaasut timikkut tarnikkullu peqqinnanngitsorujussuupput. Atuarfimmi ilinniartitsisuusugut atukkatsinnik naammatsilluinnarpugut. Atuarfik najorlugu peqqinnanngilluinnarpoq. Ilinniartitsisut atuartullu amerlasuut assigiinngitsutigut sunnerteqqaneri ajorsigaluttuinnarput. Atuartuni ilinniartitsisunilu napparsimasarnerit akulikilligaluttuinnarlutik. Maani atuarfimmi ulluinnarsiutaavoq atuisuni: Niaqorlunnerit, timikkut anillattoornerit, toqqusaakkut ungillerinerit, timitigut nukillaanganerit, isit sigguillu sinai panertut, anernikilliornerit, sorlukkut milittoortarnerit, qasoqqarujussuartarnerit, napparsimasutullu misigisarnerit. Peqqinnanngilluinnartutut sulisutut ulluinnarni najortuarnissaa naammatsiffigilluinnarparput. Imaanngilaq atuarfimmi atorfilittut sulerusunnginnatta, atorfeqartummi arlalissuit ilerasuutigisarpaat allatut ajornartumik sulinngittariaqarnertik. Illup iluata silaannaata ajornerani unammillernartarpoq… Read More »Atuarfik Kilaaseeqqami atukkat pillugit allagaqaat

Asasakka ataqqinartut ilaasortagut sinerissatsinni sumiiffinni assigiinngitsuni sulisuususi. Asasakka IMAK-imi siulittaasuusarsimasut, siulersuisut siulersuisuusarsimasullu; minnerunngitsumik IMAK-ip ingerlalluarnissaanik tunngaviliisut sinniisoqarfimmi ilaasortaasarsimasut mannakkullu ilaasortat, aammalu sineriassuatsinni piffinni IMAK sinnerlugu sinniisuusarsimasusi sinniisuususilu. Ullumikkut IMAK pilersinneqarnerminit ukiunik 25-nngortorsiornerani tamassi pilluaqqungaarpassi, qujangaarpugullu sullissinissinni tunniusimallusi kattuffitta nukittuujunissaanik sulissuteqartuarsimagassi.   Tulluusimaarpunga maniguullungalu ullumikkut IMAK-imi siulersuisut sinnerlugit siulittaasutut pilluaqqusillunga oqaaseqarsinnaagama.   Pilluaqqusillunga oqaaseqannginninni kissaatigivara nunatsinni IMAK-imi ilaasortarisimasagut sulisorisimasagullu toqukkut qimagussimasut eqqaaniarlugit minutsip affaanik nipaallisimalaassaagut……  … Read More »IMAK-ip ukiunik 25-nngortorsiorani pilluaqqussut

Ulloq 12. oktober 2023, IMAK, Ilinniartitsisut Meeqqat Atuarfianneersut Kattuffiat, ukiunik 25-nngortorsiorpoq. Tassunga atatillugu IMAK-ip oqaluttuassartaanik takussutissartalimmik atuagaarannguamik IMAK saqqummersitsissaaq, oqaluttuassartarmi allanneqarsimanngisaannarpoq. Maanna IMAK-ip oqaluttuassartaa soqutiginarluinnartoq Tupaarnaq Rosing Olsenimit allanneqartoq sisamanngornermi 12. oktober 2023 nal. 16.15-ip missaani Katuami ilinniartitsisut kaffisoqatigiinnerisa nalaani atuakkiortumit IMAK-imut tunniunneqassaaq. Sisamanngornermi 12. oktober 2023 nunarput tamaat atuarfinni tamani periafissalinni ilinniartitsisut kaffillerfigineqassapput.   Radiokkut TV-kkullu aallakaatitassat IMAK-imut tunngasut. IMAK pillugu atuagaaqqiap saqqummersinnerata saniatigut… Read More »IMAK 12. Oktober 2023 ukiunik 25-nngortorsiorluni nalliuttorsiorpoq