IMAK-imit isumaqarpugut nunatsinni tjenestemanditut atorfeqarsimasut ataqqineqanngitsut, taakkuami soraarnerussutisiaasa iliuuseqarfigineqarnissaat Naalagaaffimmit Nunatsinnilu politikkerinit isiginngitsuusaarneqarput.
Qallunaat nunaanni Aningaasaqarnermut Ministeri Nicolai Wammen Folketingip Grønlandsudvalgiata soraarnerussutisiat qaffasissusaannut atatillugu apeqquteqaataanut siorna 7. marts 2023 ilaatigut ima akissuteqarpoq:
“Tjenestemandit pensioniisa annertussusiisa naatsorsornissaannut tunngaviupput, tjenestemandip pensionernermini atorfimmini akissarsiai pensionisiaqaataasinnaasut. Tamanna atuuppoq Kalaallit Nunaanni tjenestemandinut pensionit pillugit inatsit aamma Danmarkimi tjenestemandinut pensioninut inatsit naapertorlugit pensionit annertussusissaannik naatsorsuinermut tunngatillugu. Aammattaaq tjenestemand-inut pensionit pillugit inatsisini tamani aalajangersarneqarpoq, tjenestemandinut pensionit Kalaallit Nunaanni Danmarkimilu tjenestemandit akissarsiaannik nalinginnaasumik naleqqussaanerit malitaris sagaat.”
IMAK-imiit paaserusupparput kikkut qaffaanaveersaartitsisuunersut aamma sooq qaffaanaveersaarnersut? Tjenestemandit soraarnerit oqartussaasunit kiinnerfigalugit oqaluttuunneqartariaqalerput sooq taakkorpi-aat qaffaaffiginaveersaarneqarnersut. Allaannginnami tjenestemandit soraarninngortut Nunatsinni asasamik akornanni kinguaaqarfigisaminnilu angerlarsimaffeqarniarlutik toqqaasut pillarniarneqartut. Nunatsinni inuunitsinni kulturerput ileqqugullu tunngavittut pingaaruteqarluinnartut susupaginninnikkut innarlerneqarput.
Inatsisit, isumaqatigiissutit, maleruagassallu nunatsinni atuuttut ilaasortatta atugaannut naapertuuttumik malitsinneqarnissaat IMAK-imit qulakkeerniartuassavarput, isumaqatigiissutimmi inatsisillu aamma naalakkersuikikkut suliallit malittussaavaat.
Nunatsinni naalakkersuisut aammalu Danskit naalakkersuisuisa naalagaaffeqatigiinnermi suleqatigiissute-qarnermi akisussaaffitsik inatsisinik isumaqatigiissutinillu tunngavilik atorlugu aaqqiissuteqarnissaq naam-massisariaqalerpaat kingumoortumillu soraarnernut iluarsiissuteqarlutik.
IMAK-imi siulittaasoq
Elna Heilmann
