Nutaarsiassat

Asasakka ataqqinartut ilaasortagut sinerissatsinni sumiiffinni assigiinngitsuni sulisuususi. Asasakka IMAK-imi siulittaasuusarsimasut, siulersuisut siulersuisuusarsimasullu; minnerunngitsumik IMAK-ip ingerlalluarnissaanik tunngaviliisut sinniisoqarfimmi ilaasortaasarsimasut mannakkullu ilaasortat, aammalu sineriassuatsinni piffinni IMAK sinnerlugu sinniisuusarsimasusi sinniisuususilu. Ullumikkut IMAK pilersinneqarnerminit ukiunik 25-nngortorsiornerani tamassi pilluaqqungaarpassi, qujangaarpugullu sullissinissinni tunniusimallusi kattuffitta nukittuujunissaanik sulissuteqartuarsimagassi.   Tulluusimaarpunga maniguullungalu ullumikkut IMAK-imi siulersuisut sinnerlugit siulittaasutut pilluaqqusillunga oqaaseqarsinnaagama.   Pilluaqqusillunga oqaaseqannginninni kissaatigivara nunatsinni IMAK-imi ilaasortarisimasagut sulisorisimasagullu toqukkut qimagussimasut eqqaaniarlugit minutsip affaanik nipaallisimalaassaagut……  … Read More »IMAK-ip ukiunik 25-nngortorsiorani pilluaqqussut

Ulloq 12. oktober 2023, IMAK, Ilinniartitsisut Meeqqat Atuarfianneersut Kattuffiat, ukiunik 25-nngortorsiorpoq. Tassunga atatillugu IMAK-ip oqaluttuassartaanik takussutissartalimmik atuagaarannguamik IMAK saqqummersitsissaaq, oqaluttuassartarmi allanneqarsimanngisaannarpoq. Maanna IMAK-ip oqaluttuassartaa soqutiginarluinnartoq Tupaarnaq Rosing Olsenimit allanneqartoq sisamanngornermi 12. oktober 2023 nal. 16.15-ip missaani Katuami ilinniartitsisut kaffisoqatigiinnerisa nalaani atuakkiortumit IMAK-imut tunniunneqassaaq. Sisamanngornermi 12. oktober 2023 nunarput tamaat atuarfinni tamani periafissalinni ilinniartitsisut kaffillerfigineqassapput.   Radiokkut TV-kkullu aallakaatitassat IMAK-imut tunngasut. IMAK pillugu atuagaaqqiap saqqummersinnerata saniatigut… Read More »IMAK 12. Oktober 2023 ukiunik 25-nngortorsiorluni nalliuttorsiorpoq

IMAK-imit Qeqqata Kommunianut allakkiortarlutalu oqaloqatiginnittarnikuuvugut Maniitsumi Atuarfik Kilaaseeqqami ilinniartisisut suliffimminni avatangiisaat ajorluinnartut pillugit, iliuuseqaqqusilluta aaqqiivigillaqqullugillu. Qeqqata Kommuniata akissutigisartagaanni iliuuseqartoqartoq aammalu iliuuseqarniartoqartoqartoq nalunaarutigineqartarpoq. IMAK-i Atuarfik Kilaaseeqqami ilinniartitsisoqatigiit klubiannit ikioqqusunit nalunaarfigineqarpoq maannamut Qeqqata Kommunianit iliuusaasut kinguneqanngitsut. IMAK-imit paasisinnaanngilarput sooq Qeqqata Kommuniani politikkerit atuartut, inuusuttuaqqat, ilinniartitsisut allallu Atuarfik Kilaaseeqqami sulisut pitsaanerusumik illersorusunnginneraat? Atuartut aasaanerani atuannginnerisa nalaanni ininik oquttunik iluarsartuinerugaluaq (sanering) silaannarissarfilersuinertalik iluaqutaanngilaq. Atuartut ilinniartitsisullu akornanni anerniluutit, astma, amikkut… Read More »Qeqqata Kommuniani politikkerit Maniitsumi Atuarfik Kilaaseeqqami sulisutik atuartullu attanneqarsinnaasumik illersortariaqalerpaat!

Asasagut ilinniartitsisut Ullumikkut 5. Oktober 2023 Ilinniartitsisut ulluani sinerissamiittusi pilluaritsi ❤ qujanaq meeqqat atuarfianni ilinniartitsisuugassi. IMAK-imit siulittaasoq Elna Heilmann

Som I ved markeres lærerens dag den 5. oktober hvert år, men i år bliver det anderledes. I år fejres IMAK 25-års jubilæum, og det skal fejres den dato som IMAK blev stiftet nemlig torsdag12. oktober 2023, der vil vi også markere lærerens dag.   IMAK ønsker alle TR ‘er på kystens skoler og de små skoler uden TR, at I holder kaffemik for at… Read More »Påmindelse til alle

Sinniisoqarfiup ataatsimiinnissaanut 2023 ataatsimiigiaqqusissut Ilinniartitsisut Meeqqat Atuarfianneersut Kattuffiat ileqquusumik sinniisoqarfiata ataatsimiinnera 2023 ingerlanneqassaaq Ilulissani ulluni 15., 16. aamma 17. november 2023. Oqaluuserisassat ileqqoreqqusat malillugit: Aqutsisussamik qinersineq Siulittaasup nalunaarutaa Naatsorsuutit Siunnersuutit tunniunneqartut Aningaasatigut missingersuutit ilaasortallu akiliutissaasa ukiunut tulliuttunut marlunnut aalajangersarnera Danmarks Lærerforeningip kongressianut aallartitassamik ataatsimik qinersineq Kukkunersiuisunik apeqqusiisinnaasunik sinniisussaannillu qinersineq Oqaatigineqarsinnaasut allat Siunnersuutit, oqaluuserisassanut ilannguteqqullugit kissaatigineqartut, siulittaasumut tunniunneqareersimassapput kingusinnerpaamik marlunngorneq 19. september 2023.   Ikinngutinnersumik/Med venlig… Read More »Sinniisoqarfiup ataatsimiinnissaanut 2023 ataatsimiigiaqqusissut

Manutuuna malunaarutigineqassaaq, IMAK-ip allaffia aasaanerani sulinngiffeqarnerup nalaani juli qaammat tamaat matoqqassammat. Saaffiginnissutit pisarnertut emailikkut imak@imak.gl -imut allalluni saaffiginnissutigineqartassapput. Saaffiginnissutit pinartut utaqqinneqarsinnaanngitsullu 52 83 25-mut siarngutigineqarsinnaapput. Tamassi aasarsiorluarnissassinnik kissaappatsigit.

Asasakka IMAK-imi ilaasortat Nunarput tamaat siammarlusi meeqqat atuarfianni ilinniartitsisuususi pisortatullu atorfeqartusi allallu ilinniartoqarfinni allattoqarfinnilu sulisuusut ilaasortarisagut. Maanna aasaanerani sulinngiffeqarneq aallartiinnaleqaaq. IMAK-imit tamanut qujarusuppugut 2022/23-mi suleqatigiissimanitsinnut. IMAK-imit nersorumavassi qujaffigalusilu nunatsinni siammaseqisumi meerartatta siunissaat angusarissaarnissaallu pillugit ilungersorlusi kivitseqataaniarassi. Aqqusaakkat suliasilu imaannaanngitsut ilungersunartullu aqqusaartaraluarlusigit tunniusimallusi sulinersi takutittuarparsi. Nalornissuteqaraangassi unneqqarillusi tunuarsimaarasi iliuuseqarfigerusuttarpasi, sulinissinnilu atukkassinni nalornissuteqaraangassi paasiniaasarnersi aaqqiiniaqataasarnersilu aamma nersugassaapput. Sullivimmi avatangiisit pitsaasuunissaat suliffimmi tunniusimanissamut pingaaruteqarluinnarput. 2022-23-mi piffinni amerlasuuni suliffimmi… Read More »Ukioq atuarfiusoq 2022-23 qaangiutilerpoq

Suliamut tunngasunut klubbi atuarfissinni pilersissiuk! Assersuutigalugu qanoq iliortoqassava, meeqqat atuarfianni ilinniartitsisutut arlaleriaqaluni qullersarisanut kommunimilu oqartussaasunut uparuaasarsimagaanni, atuarfimmi meeqqanut naammattunik piginnaaneqarluartunillu sullissisoqanngitsoq? Kommunilu ilinniartitsisoq imaluunniit atuarfik qanillattorniarlugit iliuuseqanngippat? Soorunami nipangiinnartoqassanngilaq, nipangiinnaraluaruttami nikeriarnavianngilagut. Ilaasortatta ilaat allannguisoqarnissaanik neriuuteqarlutik oqaaseqaateqarnissamut aqqutissaasut periarfissaasullu tamaasa atortarnikuuaat kinguneqartanngitsumilli. Taamaattumik ilinniartitsisut kaammattorumavagut sumiiffissinni klubbiliornissassinnik taamaalillusi sulianut tunngasunik politikkikkullu oqalliffissassinnik oqaaseqaateqarfiginnissinnaanissassinnulluunniit periarfissaaqalissaasi. IMAK-ip maleruagassaani § 3 aamma § 10 tunngavigalugit IMAK-ip iluani suliamut tunngasumik… Read More »Kajumissaarut

Ullumikkut Nunatsinni meeqqat atuarfiini aqutsineq kommunini tallimaasuni tamaginni assigiinngitsutigut naammaginanngitsumik aqunneqarput. IMAK-imit isumaqarpugut takusinnaallugulu meeqqat atuarfiat aqunneqarnermigut ingerlanneqarnermigullu pitsaanerpaajunngitsumik ingerlanneqartoq. Maluginiartakkattalu ilagivaat sulinermut isumaqatigiissutinut inatsisinillu ilisimasakinneq, ilaatigullu nukissaaleqineq sipaarniarnerlu peqqutigalugit amerlasuuni aqutsineq pitsaanngitsumik inissisimasoq, tamannalu aamma perorsaanikkut ilikkartitsiniarnermillu suliniarnermut pitsaanngitsumik sunniuteqartartoq. Namminersornerullutik Oqartussat meeqqat inuusuttuaqqallu siunissami ingerlalluarnerulernissaannik ilinniagaqartullu amerlanerulernissaannik anguniagaqarnermik oqariartuuteqarnerat IMAK-imit isumaqatiginartinneqaraluartoq, taamaattoq IMAK-imi isumaqarpugut iliuutsit suliniutigineqalersullu anguniakkanut naleqqutinngitsumik ineriartortinneqalersut. Tamannalu IMAK-imit sakkortuumik uparuarniarparput.… Read More »Inatsisartut Naalakkersuisoqarfiillu kommuninut unammillertutut pissusilersoraluttuinnartut kommunillu meeqqat atuarfianik ingerlatseriaasiat