Ulloq 12. oktober 2023, IMAK, Ilinniartitsisut Meeqqat Atuarfianneersut Kattuffiat, ukiunik 25-nngortorsiorpoq. Tassunga atatillugu IMAK-ip oqaluttuassartaanik takussutissartalimmik atuagaarannguamik IMAK saqqummersitsissaaq, oqaluttuassartarmi allanneqarsimanngisaannarpoq. Maanna IMAK-ip oqaluttuassartaa soqutiginarluinnartoq Tupaarnaq Rosing Olsenimit allanneqartoq sisamanngornermi 12. oktober 2023 nal. 16.15-ip missaani Katuami ilinniartitsisut kaffisoqatigiinnerisa nalaani atuakkiortumit IMAK-imut tunniunneqassaaq.
Sisamanngornermi 12. oktober 2023 nunarput tamaat atuarfinni tamani periafissalinni ilinniartitsisut kaffillerfigineqassapput.
Radiokkut TV-kkullu aallakaatitassat IMAK-imut tunngasut.
IMAK pillugu atuagaaqqiap saqqummersinnerata saniatigut IMAK pillugu radiokkut TV-kkullu aallakaatitassiat aallakaatinneqartussaapput.
- Sisamanngorneq 12. oktober 2023 nal. 14.00 radiokkut ”Ilinniartitsisut Meeqqat Atuarfianneersut Kattuffiat, IMAK ukiuni 25-ni” immikkoortoq siulleq aallakaatinneqassaaq.
- Sisamanngorneq 12. oktober 2023 nal. 20.30 KNR-TV-kkut”IMAK ukiuni 25-ni” aallakaatinneqassaaq.
- Tallimanngorneq 13. oktober 2023 nal. 14.00 radiokkut ”Ilinniartitsisut Meeqqat Atuarfianneersut Kattuffiat, IMAK ukiuni 25-ni” immikkoortut aappaat aallakaatinneqassaaq.
Katuami kaffillerneq
Ulloq taanna sisamanngorneq 12. oktober 2023 nal. 15.30-miit 17.30-mut IMAK nalliuttorsiorneq malunnartillugu ilinniartitsisunut nuummi Katuami kaffillissaaq.
Kaffillernermi pisussat:
15.30 Isaaneq – kaffillerneq – nipilersorpalaarneq
16.00 IMAK-imit tikilluaqqusineq erinarsoqatigiinnerlu, streaming #
16.05 IMAK-mi siulittaasup pilluaqqussuteqarnera, streaming #
16.15 IMAK-ip atuakkiaanik saqqummersitseqqaarneq erinarsoqatigiinnerlu, streaming #
16.25 Atuartut sinerissami allataannik atuaaneq, streaming #
16.30 Pilluaqquserusuttut oqaaseqarsinnaapput, streaming #
# = streaming, sinerissamit malinnaavigineqarsinnaasut.
