Nutaarsiassat

Isumaqatiginninniarneq Knud Rasmussenip Højskoliani pisortanut ilinniartitsinermillu sulialinnut atugarisatigut, akissarsianut pisinnaatitaaffinnullu isumaqatigiissuteqarfiuvoq. Isumaqatigiissut Knud Rasmussenip Højskoliani suliassanut sulisunullu naleqquttoq maannamut sulisut akissarsiaannik atugassarisaannillu ajornerulersitsinngitsoq isumaqatigiissutaavoq. Isumaqatigiissuteqarnikkut ilanngullugu qulakkeerneqarpoq sulisut atugarisatik akissarsiatillu pillugit saaffiginniffissaqalernissaat. Knud Ramussenip Højskoliata siulersuisuini siulittaasup Rasmus Frederiksenip isumaqatiginninniarnermi angusaasut nuannaarutigai: “Isumaqatigiissuteqarneq Knud Rasmussenip Højskoliani inerisaanitsinnut siunissamilu suliassaalerumaartussanut naleqqussaanissatsinnut pingaaruteqarpoq. Knud Rasmussenip Højskoliani sulisussanik pikkorissunik pissarsiniarnitsinni akissarsiat atugassarititaasullu pillugit isumaqatigiissut ilinniarsimasunik allatigullu piginnaaneqarluartunik atorfinitsitsiniarnitsinnut… Read More »IMAK aamma Knud Rasmussenip Højskolia pisortanut ilinniartitsinermillu sulialinnut isumaqatigiissuteqarput

Kalaallit Nunaanni kattuffinnit siullersaalluni IMAK-ip kissaatigaa, tjenestemanditut pensionisiallit Nunatsinni Danmarkimilu atugarisaasa sukumiisumik misissorneqarnissaat. IMAK-ip ilaasortai amerlaqisut pensionernerminnut atatillugu ukiut ingerlanerini Danmarkimut nuuttarput, Nunatsinni tjenestemanditut pensionisiat ukiuni arlalinni aaqqiivigineqarsimannginnerat, minnerunngitsumillu Danmarkimi tjenestemanditut pensioneqartunut atugassarititaasut pitsaanerunerat pissutigalugit – pensionisiatut tiguneqartartut annertunerunerat, folkepensioneqarsinnaaneq, peqqinnissaqarfeqarnikkut isumaginninnikkullu pitsaanerusumik  sullinneqarsinnaaneq ataatsimullu isigalugu pensionisiat aannertusaarinerusinnaaneq pissutigalugit. Taamaalilluni Kalaallit Nunaanni innuttaasut utoqqaanerusut Nunatsinniiginnarsinnaagaluartut ukiut ingerlanerini ikiliartuaarusaarput, innuttaasut ukiopassuarni inuiaqatigiinni kalaallini sulereerlutik allatut ajornartumik… Read More »Kalaallit Nunaanni Danmarkimilu tjenestemandit pensionernerminni atugarisaannik misissuinissaq

Ukioq 2022 qaangiutilersoq IMAK-imit assigiinngitsutigut aqqusaagaqarfigaarput. Ukiup ingerlanerani sulinitsinni ilaasortanillu sullissineq aqqutigalugit nuannersorpassuarnik misigisaqartarluta. Sulinitsinni unammillernartut aamma aqqusaartuartarpagut. Taakkua sullissinitsinni ilinniarfigalugit qanorlu pitsaanerusumik suliarisinnaanerlugit nalilersortuartarlugit. Isumaqarpunga IMAK-imit politikkikkut sunniuteqaqataaffigerusutagut siunnerfiillu anguniakkagut sulissutigalugit aallartilluarlugit. IMAK-i ukioq manna ukiunik 25-nngortorsiorluni nalliuttorsiortussaavoq. Nalliuttorsiornissamut atatillugu atuagaaqqamik saqqummersitsissaagut aammalu ukioq manna nalliuttorsiornermut atatillugu assigiinngitsunik suliniuteqarluta. Ilaasortatta sulinerminni atugassarititaat Ilinniartitsisut sulinerminni meeqqallu peqatiginerini naapittagaat suliarisartagaallu nuannersorpassuullutillu nunatsinnut siuariartuutaapput. Taakkuali aamma saniatigut… Read More »IMAK-ip ukiortaami inuulluaqqussutaa

IMAK-ip sulinngiffeqarluni aningaasaateqarfianut qinnuteqaatit tiguneqartut aallaavigalugit taperneqartussanut tapiissutaasussat missingersersorneqaleruttorput. Angalanermi akit ukiaq 2022 aallavigalugit tapiissutissanut missingersuutit suliarineqarput. Sulinngiffeqarluni angalanissamut angaasaateqarffimmi siulersuisuit 21. december 2022 atatsimiinnerminni aalajangiuppaat kingusinnerpaamik tapiissutaasussat annertussusaat qinnuteqartunut 9. januar 2023 nassiunneqassasut. Taamatut aalajangernermut tunngaviuvoq angallannermi akinik qaffaasoqaratarsinnaanera aammalu orsussamut akit qaffanneqassagaluarpata aningaasaateqarfimmut sunniutigisinnaasai mianersorfigineqarneri. Sulinngiffeqarluni angalanissamut aningaasaateqarfiup siulersuisui 4. januar 2023 ataatsimeeqqereerpata annertunerusumillu akit allannguutissaqassanngippat akuersissutit nassiussuunneqapallassapput. Akinilli allannguineq annertuneroriassagaluarpat kingusinnerpaamik 9.… Read More »Feriefond-imut qinnuteqartitsisimanermi nutaarsiassaq

Asseq toorlugu atuaruk

IMAK ilaasortaminit amerliartuinnartunit saaffigineqartarpoq, suliffimminni pissutsit pillugit FB- kut ilanngusssaqarsimanertik imaluunniit tusagassiuutinut oqaaseqaateqarsimanertik pissutigalugu sulisitsisuminnit mianersoqquneqartarnertik soraarsitaanissaminnilluunniit sioorasaarneqartarnertik pissutigalugit toqqissisimajunnaarsimasunit. IMAK-imit sulisitsisut sulisuminnit uparuarneqaqqusaanngitsutut misigineqartarnerat ernumanartoqartipparput, annermik nalunnginnatsigu sulisut sulisitsisut iluatigisinnaasaraluinik ilisimasaqarluartartut. Soorunami ilaasortavut kaammattunngilagut tunngavissaqanngitsunik isornartorsiueqqullugit, kisianni sulisitsisut tamaasa kaammattorumavagut, sulisut tunngavissaqarluartumik uparuarumasaasa soqutiginerannik takutitsisaqqullugit, immaqalu annermik suut uparuaanermut tunuliaqutaanerat soqutiginerusaqqullugu. Naqisimaneqanngitsumik oqaaseqarsinnaaneq inatsit tunngaviusoq aqqutigalugu pisinnaatitaaffittut qularnaagaavoq, Nunatsinni innuttaasunut tamanut atuuttoq, naqisimaneqanngitsumillu oqaaseqarsinnaatitaaneq… Read More »Nipangersimaannarneq kuultiunngilaq – naqisimaneqanngitsumik oqaaseqarsinnaatitaasariaqarpugut

Tjenestemanditut pensionillit ukiuni amerlasuuni pensionisiaminnik aaqqiivigineqanngillat, IMAK- imit isumaqarluinnarpugut Naalagaaffimmit Nunatsinnilu politikkerinit ataqqineqaratik isiginngit- suusaarneqartut. IMAK-imi ilaasortagut pensionisiallit ataatsimeeqatigeqqammerpagut, tassanilu eqqartorneqartut ajoraluartumik quarsaarnartorujussuupput, Nunatsinni maannakkut pensionisiaqartunut siunissamilu pensionisiaqalersussanut atugassarititat toqqissisimananngillat. IMAK isumaqarpoq ilaasortagut allallu pensionisiallit annertuumik nersortariaqartut atugaat eqqarsaatigalugit. Tjenestemandit pensionertussanngortillutik paasitinneqartarput, soraarninngorunik Danmarkimullu nuullutik Nunatsinni pensionistiunermut naleqqiullugu qanoq pitsaanerutigisumik inissisimassal- lutik. Imaappoq naalagaaffik Danmarkimut nooqqusisutut kajumissaarisutullusooq pisarpoq pensi- onisiaqalersussallu ilisimatinneqartarput Nunatsinniiginnarlutik pensionisiaqassagunik akissaatiti- gut… Read More »Tjenestemanditut pensionillit naalagaaffimmit Nunatsinnilu politikkerinit isiginngitsuusaar- neqarput.

Nunatsinni susoqartoruna? Suna naatsorsuutigisinnaavarput? Namminersorlutik Oqartussani kommuninilu sulisitsisut isumaqatigiissutinik sulisullu inatsisitigut illersugaanerannik maleruaasannginnerat ilinniartitsisut kattuffiannit IMAK-imit kipiluttunartutut nalilerneqarpoq. Piffissami sivitsortumi IMAK-ip maluginiarlugulu naammaginanngitsutut uparuartarpaa Namminersorlutik Oqartussani kommuninilu sulisitsisut isumaqatigiissutinik sulisullu inatsisitigut illersugaanerannik maleruaasannginnerat, IMAK-imi ilaasortat sulisullu allat toqqissisimannginnerannik kinguneqartoq. ”Nammineq kattuffittut pissutsinut malinnaanerput aamma ilaasortatsinnit sulisunillu allanit saaffigineqartarnigut tunngavigalugit ersarissigaluttuinnarpoq sumiiffinni arlalinni aqutsisut kisermaassillutik qulaanillu naalakkiiginnartarlutik ingerlatsisut,” IMAK-ip siulittaasua Elna Heilmann oqarpoq, nangillunilu: ”Isumaqarpunga tamatumunnga… Read More »Tusagassiuutinut nalunaarut

Ilinniartitsisut tamassi ilinniartitsisut ulluani pilluaqqungaarpassi. Neriuppunga tamassi ilinniartitsisut ulluat arlaatigut nuannersumik imaqartillugu naleqartillugulu misigiffigiu- maarissi. IMAK-ip siunertarivaa: -Ilaasortat aningaasatigut, atorfeqartitaanermi atukkatigut, perorsaanermi kiisalu sullivimmi avatagiisit pillugit atugaasigut soqutigisaannik sullisissallugit. -Nunatsinni meeqqat atuarfiata, ilinniartitaanikkut aaqqissugaanerata, allatigut atuarfinnik aaqqissuussinerit atuartitseriaatsillu kiisalu kattuffiup ilaasortaasa ilinniaqqinnerisa ilinni- agaqaqqinnerisalu pitsanngorsaavigineqarnissaat sulissutigissallugu. Ullumikkut uanga ilissinnut uummammiorivara una: Sumi suliffimmi ikkaluartusi nunatsinni meeqqat siunissaat pillugu sullisseqataasusi nersualaarusukkassi qujaffi- gerusullusilu naleqangaarnersilu ersersikkusullugu: ”Suliffik… Read More »Ilinniartitsisut ulluat 2022

Isumaqatiginninniarnermi Sulisartut Højskoliani ilinniartitsinermik suliallit atugarisaannut, akissarsiaannut pisinnaatitaaffiinullu isumaqatigiissuteqarfiuvoq. Isumaqatigiissut Sulisartut Højskoliani suliassanut sulisunullu naleqquttoq maannamut sulisut akissarsiaannik atugassarisaannillu ajornerulersitsinngitsoq kiisalu sulisut atugarisatik akissarsiatillu pillugit saaffiginniffissaqalernissaannik qulakkeerinnittoq isumaqatigiissutaavoq. Isumaqatigiinniarnerit torersumik ataqqeqatigiiffiusumillu ingerlanneqartut IMAK-imi siulittaasup Elna Heilmannip nuannaarutigaa: “Akissarsiat tapillu tunngaviusut, ilinniartitsisunut sulinngiffeqarnermi angalanernut akiliunneqartalerneq kiisalu pensionit isumaqatigiissutigigatsigit IMAK-imiit nuannaarutigeqaarput. Sulisartut Højskoliannit isumaqatiginninniartitaasut piumassuseqarlutik isumaqatiginninniarnerat sulisullu isumaasa ataqqineqarnerat IMAK-imiit maluginiagarput nuannaarutigaarput.” Sulisartut Højskolianni pisortaasup Eigil Kielsen-Davidsenip… Read More »IMAK aamma Sulisartut Højskolianni siullermeerlutik ilinniartitsinermik sulialinnut isumaqatigiissuteqarput