Asasakka IMAK-imi ilaasortat Nunarput tamaat siammarlusi meeqqat atuarfianni ilinniartitsisuususi pisortatullu atorfeqartusi allallu ilinniartoqarfinni allattoqarfinnilu sulisuusut ilaasortarisagut.
Maanna aasaanerani sulinngiffeqarneq aallartiinnaleqaaq. IMAK-imit tamanut qujarusuppugut 2022/23-mi suleqatigiissimanitsinnut.
IMAK-imit nersorumavassi qujaffigalusilu nunatsinni siammaseqisumi meerartatta siunissaat angusarissaarnissaallu pillugit ilungersorlusi kivitseqataaniarassi. Aqqusaakkat suliasilu imaannaanngitsut ilungersunartullu aqqusaartaraluarlusigit tunniusimallusi sulinersi takutittuarparsi. Nalornissuteqaraangassi unneqqarillusi tunuarsimaarasi iliuuseqarfigerusuttarpasi, sulinissinnilu atukkassinni nalornissuteqaraangassi paasiniaasarnersi aaqqiiniaqataasarnersilu aamma nersugassaapput.
Sullivimmi avatangiisit pitsaasuunissaat suliffimmi tunniusimanissamut pingaaruteqarluinnarput. 2022-23-mi piffinni amerlasuuni suliffimmi avatangiisit annertuumik unamminartumik inissisimasut ilaasortatsinnit ilinniartitsisunit pisortallu allattoqarfiini ilaasortatsinnit oqariartuutigineqaqattaarpoq. Neriuppunga sulileqqikkussi pissutsit iluarsiivigineqarnissaannut sulisitsisusi isaassiumaartut, taamaanngippat ilaasortat tamassi sulisutut sunneeqataasinnaanersi atorluarlugu pitsanngorsaaqataagitsi tapersersussavatsigit.
Tamassi aasarsiorluarnissassinnik kissaappassi, qanortorlu sulileqqinnissassinnut nukissanilluarsimallusi suliartoqqikkisi.
