IMAK-ip Kangaatsiap Atuarfiani pissutsit pillugit paasissutissat saqqummiunneqartut ilungersunarluinnartutut isigivai. Atuartut toqqissisimasumik ataqqineqarlutillu atuartinneqartussaapput, aamma
persuttaanerit, innarliinerit imaluunniit ingerlanerliornerit pillugit saaffiginnissutit tamarmik soorunami sukumiisumik akisussaasusilimmillu pissuseqarfigisariaqarput.
Ilutigisaanik IMAK-ip pingaartippaa, suliat aalajangersimasut piviusorsiortumik paasiniaalluarner-millu tunngaveqartumik suliarineqartarnissaat, tamatumani atuartut sulisullu
inatsisitigut isuman-naatsuunissaat ataqqillugu. Taamaammat naapertuuttumik misissuinerit pisortatigoortumillu suliat suli naammassitinnagit inaarutaasumik inernilersuinerit
pinaveersaartariaqarput.
Suliap aamma ersersippaa meeqqat atuarfiat sumiiffinni arlalinni annertuumik tatisimaneqartoq, ilaatigut ilinniartitsisussaaleqinermut, sulinermi atugarisanut aqutsinermullu tunngasunik
ajornartor-siuteqarfiulluni. Tamanna ataatsimoorluni aaqqiissuteqarnissanik pisariaqartitsiffiuvoq aamma meeqqat ingerlalluarnissaat pingaarnertut aallaavigalugu kommune, atuarfimmi aqutsisut,
sulisut, angajoqqaat oqartussaasullu naapertuuttut qanimut suleqatigiittariaqarlutik.
Ilutigisaanik IMAK-ip tikkuarpaa meeqqat atuarfiata tatisimaneqarnera sumiiffinni arlalinni annertusiartormat, annermik illoqarfinni mikinerusuni nunaqarfinnilu, taakkunanimi nukissatigut
sillim-matit sulisussaqarniarnerlu arlalitsigut ajornartorsiutaavoq. Tamatuma suli annertunerusumik pisariaqalersippaa, kommunit ingerlaavartumik timitalimmik akisussaassulimmillu atuarfinnik
nakkutil-liisarnissaat, ajornartorsiutit piaarnerpaamik suussusilerneqarlutillu iliuuseqarfigineqarsinnaaqqul-lugit – atuartut ingerlalluarnissaat sulisullu sullivimmi
avatangiisaat pillugit.
IMAK-ip naggasiullugu erseqqissarusuppaat Nunatsinni atuarfinni pisortat, tullersortaat, ilinniartitsisut, timelærerit atuartitsisullu allat amerlanerpaartaat ullut tamaasa Nunarput
tamakkerlugu an-nertuumik suliaminnullu tunniusimallutik meeqqanik inuusuttunillu sullissimmata – arlalitsigut atugassarititaasut ajornakusoortut tatisimaneqarfiusullu ataanni. Sulisut 1.100-t
missaanniittut ullut tamaasa siunnerfeqarluartumik atuartut toqqissisimanartunik ineriartorfiulluartunillu sinaakkutissa-qarnissaat anguniartuarlugu sulipput, najukkaminni
pissusiviusunut atuuttunut naleqqussartuarlutik. Taamaammat aamma IMAK-ip neriuutigaa suliat aalajangersimasut imaluunniit oqaaseqaatit ataasi-akkaat, meeqqat atuarfiannut imaluunniit
sulisorpassuarnut ullut tamaasa inuiaqatigiinni pingaaru-teqartumik akisussaassuseqarlutik tunniusimallutillu suliaqartunut naliginnaasumik atuuttutut isiginnilersitsissanngitsut.
Inussiarnersumik inuulluaqqusillunga
Elna Heilmann
IMAK-imi siulittaasoq
