Ilinniartitsisut Meeqqat Atuarfianneersut Kattuffiata, IMAK-ip, Sinniisoqarfianut ilaasortat, Nuummi sapaatit akunnerisa naaneranni ataatsimeersuarput.
Ataatsimeersuartut oqaluuserisaannut siulittaasumik qinersineq ilaavoq. IMAK-ip 2021-imit siulittaasua, Elna Thomsen Heilmann, siulittaasutut ingerlaqqikkusulluni qinigassatut sassarpoq. Siulittaasoq unammillerneqanngilaq. Taamaattumik Elna Thomsen Heilmannip IMAK-imi siulittaasutut ukiuni sisamani atuuteqqinnissani qulakkeerpaa.
Ilinniartitsisut Meeqqat Atuarfianneersut Kattuffianni siulittaasutut qinigaaqqittoq ima oqarpoq:
- IMAK-ip Sinniisoqarfianut ilaasortanit, qinersisinnaasunit tamanit, 28-init, siulittaasutut qinerneqarnera assut Tamanna Sinniisoqarfiup ataatsimoorneranik ersersitsivoq. Sinniisoqarfimmut ilaasortanit uannut tatiginninnerujussuarmik takutitsisoqarpoq. Tamannalu uanga sulininni nukittoqqutigissavara, Elna Thomsen Heilmann oqarpoq.
Sullivinni avatangiisit ataatsimeersuarnermi initusut
IMAK-ip Sinniisoqarfiata ataatsimeersuarnerani oqaluuserisassat aalajangiiffigineqartut immikkoortut arlallit sammineqarput. Ilinniartitsisut ulluinnarni sullivimminni avatangiisaat tassani initupput. Assersuutigalugu inoqarfippassuarni atuarfiit arlallit oqunnerat, illutatigullu pitsaannginnerat IMAK-ip siulersuisuisa maanna qanoq iliuuseqarfigisinnaassanerlugu suliarisussanngorpaat.
- Ilinniartitsisut sullivimminni atugaat Ullumikkut atuarfiit ilaat silaannaloqalutik oqummik eqqugaasimapput. Tamanna ilinniartitsisut kisimik ajornartorsiutiginngilaat. Sullitattami pingaarnerpaat, tassa meeqqat, tamanna aamma ulluinnarsiutigilersimavaat. Taamaattumik qinikkat atuarfinni avatangiisit pillugit sulinerat pitsaanerujussuusariaqarpoq, Elna Thomsen Heilmann oqarpoq.
Atuarfimmi sakkortusaarnerpassuit
Meeqqat atuarfianni meeqqat pissusilersuutigisartagaat ukiuni kingullerni sakkortuut amerlapput. Taamaattumik ilinniartitsisut atuarfiillu pisortai, tassa aqutsisui, illersornerujumallugit suliaqarnissaq IMAK-ip maanna siunniuppaa.
Sinniisoqarfiup ataatsimeersuarnerani siulersuisunut ilaasortassanik allanik qinersisoqanngilaq. Siulersuisunut ilaasortassanik sisamanik qinersineq novembari naalerpat naammassissaaq. Taassuma kingorna siulersuisunngorumaartussat inissititerumaarput.
Inussiarnersumik inuulluaqqusilluta
IMAK
