Uunga:
Pisortani sulisitsisunut
politikkerinullu
Nuuk 4. nov. 2025
Allakkat ammasut
Nunatta siunissai meerartagut, siunissami nunatsinni qanoq naatsorsuuteqarfiniar- pagut? Taamak aperipput Atuarfinni pisortat IMAK-imi ilaasortat.
Atuarfinni aqutsisutut nunatsinni sulineq imaannaanngingaarmat pisortat tullersortillu taar- seraannerat ersarilluarpoq. Tamanna atuarfinni pisortat tullersortillu oktobari naalersoq a- taatsimoortinneqarneranni takuneqarsinnaavoq. Taassuma takutippaa atuarfinni pisortatut tullersortitullu ataavartumik sulinissaq kajungerineqarpallaanngitsoq; qularutissaanngitsu- mik sullivimmi atukkat aallaaviupput aammalu nunatsinni atuarfinni atuartuutigisagut anner- tuumik inuttut atugaat inorsarfiuleqqammata.
Ullumikkut nunatsinni atuarfinni pisortatut sulineq piffinni amerlasuuni sakkortuallaarujus- sualeqqavoq. Pisortat tullersortillu ajuusaarnaraluartumik ulluinnarsiutigileqqavaat: toqun- neqarnissamik unatarneqarnissamik siorasaarneqarneq, nukersorfigitinneq, nikassarneqar- neq, tarnikkullu persarineqarneq. Taakkuupput ullutsinni initunerpaat atuarfinni pisortatut tullersortillunniit sulissagaanni. Ulluinnarni atuarfinni sullitanut tapersersuineq, aqqutissi- uussineq, inerisaaneq suliassallu nalinginnaasut kingullinngortualerput, tassali pinartunik suliaqarneq nalunaarusiortarnerlu initungaarmata.
Pisortat tullersortillu suliffimminni atukkatik pillugit aniatitsiffissaqaratik utsersorput. Pisortat tullersortillu sulinerminni pisussaaffitsit malillugit inatsisit, isumaqatigiissutit, najoqqutas- sallu malinneranni soorlu naammagunnaartutut misigiualeraat, iliuusissaaruttalerneq initu- allaaleqqavoq.
Qulaani saqqummiunneqartut aallaavigalugit IMAK-imit apeqqutigerusupparput: Nunarput qanoq siunissaqartinniarparput? Taamatut aperisariaqarnitsinnut pissutigaarput ullumikkut meerartatta inissisimanerannut ernumassutissaqarluta oqartariaqaratta.
Nunatsinni atuarfinni pisortat misigisimapput politikkerinit sulisitsisuminnillu illersorneqar- nertik tapersersorneqarnertillu annertunerusariaqartoq. Atuarfinni sakkortuunik pisoqartillu- gu pisortat tullersortillu nalaataminnik qaangiiniarnissaannut aqqutissiuunneqartarnerat qaapiaannagaasarpoq. Tamatumalu kingunerisarpaa pisortat, tullersortit ilinniartitsisullu akornanni inuttut sulinermilu annertuumik nukissaalatsisalerneq, uippakajaarneq ersilerner- lu aamma atugaalersarlutik.
Nunatsinni atuarfiit ingerlaasitsinni tunngaviupput initunerpaallutillu. Nunatsinni pisut iliuu- serineqartullu minnerunngitsumik inersimasut pissusilersuutaat tamarmik atuarfinnut sunni-
uteqartarput tuttarlutillu.
Ullumikkut meerartagut atuartuutigisagut, atuartuunerminni pitsaassusilimmik angusaris-
saarlutik ilinniarfeqarfinnut ingerlaqqittartut amerlisassagutsigit, annertuumik inuiaqatigiinni inersimasutut meerartatsinnut isigititsinerput, misigisaqartitsisarnerpullu toqqissisimanartu- mut saatsinniartariaqarparput.
Ullumikkut meeraq inuusuttuararluunniit nalaatani sakkortuut pillugit atuarfimmi atuaqatimi- nut, meeraqatiminut, ilinniartitsisuminut pisortaasunullu tutsitsilluni nukersortuartoq, nak- karsaajuartoq siorasaariuartorlu akuersaaginnarlugu inissaqartittuassavarput? …amma, meeraq mobil Ipadiluunniit atorlugit spillenut inuillu attaveqaqatigiiffiinik taamaallaat sammi- saqarusunnermi kingunerisaanik aporaaffimmik pilersitsiuartoq akuereruusaartuassavarput?
Pissutsinut taamaattunut akuersaartutut innitta kingunerisaanik meeraq pisariaqartitaminik allanngortoqarnissaanillu kissaateqartutut pissusilersuuteqartuartoq sumiginnartuarparput.
Siunissami meerartagut nunatsinni pilersuisunngortissagutsigit, tatitullutik nammineersin- naassuseqarlutik akaarinnittumik ataqqeqatiginnittumillu inooqataasinnaanngortissagutsigit, allannguisariaqarpugut.
Atuarfinni pisortat tullersortillu sivisunerusumik atorfimminiittassappata aqutsisutut sakkus- saannik ineriartortuarnissaannillu aqqutissiuunneqartuarnissaat pingaaruteqarluinnarpoq. A- kissaatitigut maannakkornit pitsaanerulluinnartumik inissisimasariaqarput minnerunngitsu- millu sulisitsisorisaannit pingaartinneqarluinnartariaqarpoq atuarfinni pisortat tullersortillu sakkortuunik nalaataqartillugit pitsaassusilimmik ikiorserneqartarnissaasa periarfissaqartu- arnissaat.
Atuarfinni pisortat tullersortillu IMAK-imi ilaasortaasut nunatsinni meerartagut pillugit pi- ngaartinneqarluinnartariaqarsorisimannik kissaateqarput: Inersimasut siuttoralugit ataqqe- qatigiiffiusumik, ileqqorissaarfiusumik paaseqatigiiffiusumillu pissuseqaqatigiinnissaq aam- malu piumaffigineqarsinnaaneq, killiliisinnaaneq suleqatigiissinnaanerlu pigiliunneqartaria- qartut.
IMAK-imi siulittaasoq
Elna Heilmann
