Imaqarniliat aamma nipangiussisussaatitaaneq TR-inut nassiunneqarpoq 6. Maj 2022
TR-inut
7. marts ilisimatitsissutigaara siulersuisut ataatsimeereerneranni imaqarniliap sinniisunut nassiutiaartalernissaa sulissutigineqartoq. Tamanna pereersimalerpoq maannakkumiillu ataatsimiinnerit pereeraangata imaqarniliamik nassiussiaarnerusalernissaq pisinnaanngorpaq. Siulersuisut tulliani ataatsimiissapput 20. aamma 21. maj 2022. Nuummi naapilluni ataatsimiinneq ingerlanneqassaaq. Tassani siulersuisunit aamma naapinneqassapput Inatsisartut Kultureqarnermut, Ilinniartitaanermut Ilisimatusarnermut Ilageeqarnermullu Ataatsimiititaliaanni ilaasortat.
://:
Imaqarniliat aaqqissuullugit naleqqussaqqitat ilanngussamiippoq
Eqqaasitsissut!
Atorfininnermut allagartani nipangiusisussaatitaaneq pillugu imatut allassimasoqakkajuppoq:
”Atorfiit aqqutigalugu paasissutissat, atorfiit aqqutigalugu ilisimalersimasatit pillugit nipangiussisussaatitaavutit, aammalu inatsisit allatullu aalajangersakkat tunngavigalugit isertuussassatut taaneqartut, suna ilisimasaq inatsisitigut imaluunniit aalajangersakkakkut atortuusukkut allakkut tassaaneragaappat allanut oqaatigeqqunngisaq, imaluunniit aamma pisariaqarpat isertuutissallugu pisortat inuinnaalluunniit soqutigisaat pingaaruteqartut pissutigalugit, isertuussassatut pisariaqartinneqartut, Pisortat ingerlatsineranni suliassat suliarineqartarnerat pillugu Inatsisartut inatsisaat nr. 8, 13. juni 1994-imeersumi § 27 naapertorlugu. Imaluunniit suliap pissusissamisoortumik isertuussassaanera piumasarineqarpat imaluunniit illit qullersarisannit taamatut peqquneqaruit. Nipangiussisussaatitaaneq unioqqutinneqarpat atorfeqatitaanikkut kinguneqartinneqarsinnaavoq soraarsitsisoqarluniluunniit kiisalu Pinerluttaalisitsinermi inatsimmi § 50 naapertorlugu unnerluussisoqarsinnaalluni. Nipangiussisussaatitaaneq atorfimmiit soraarnerup kingornagut atorunnaassanngilaq.”
Nipanngiussisussaatitaaneq paasissutissanillu ingerlatitseqqinneq
Taamaallaat inuit imaluunniit pisortat soqutigisaat pingaarutilimmik mianerisassaatillugit nipangiussisussaatitaaneq atuutsinneqarsinnaavoq. Atorfeqartut suliat imminnut tunngasut pillugit oqaaseqarsinnaatitaapput, taamatullu suliat inuiaqatigiinnut pingaarutillit pillugit, tamatumani nipangiussisussaatitaaneq pineqanngippat. Inuit ataasiakkaat allanit sunissaqaratik pissuserisaat,
naggueqatigiinnut sunut ilaanermut, upperisarsiornermut aamma ammip qalipaataanut, naalakkersuinermut, peqatigiiffeqarnermut, kinguaassiuutinik atuinermut, pinerluttarnermut tunngasut pillugit paasissutissat kiisalu peqqissusermut, inooqatigiinnermi ajornartorsiutinut annertuunut aamma inuulluarniutinik assigisaannillu atuinermut tunngasut pillugit paasissutissat ingerlatsinermut oqartussaasunut allanut ingerlateqqinneqartassanngillat.
Inussiarnersumik inuulluaqqusillunga
Simon Lennert
IMAK`imi allaffimmi aqutsisoq
