Ilinniartitsisut tamassi ilinniartitsisut ulluani pilluaqqungaarpassi. Neriuppunga tamassi ilinniartitsisut ulluat arlaatigut nuannersumik imaqartillugu naleqartillugulu misigiffigiu- maarissi.
IMAK-ip siunertarivaa:
-Ilaasortat aningaasatigut, atorfeqartitaanermi atukkatigut, perorsaanermi kiisalu sullivimmi avatagiisit pillugit atugaasigut soqutigisaannik sullisissallugit.
-Nunatsinni meeqqat atuarfiata, ilinniartitaanikkut aaqqissugaanerata, allatigut atuarfinnik aaqqissuussinerit atuartitseriaatsillu kiisalu kattuffiup ilaasortaasa ilinniaqqinnerisa ilinni- agaqaqqinnerisalu pitsanngorsaavigineqarnissaat sulissutigissallugu.
Ullumikkut uanga ilissinnut uummammiorivara una: Sumi suliffimmi ikkaluartusi nunatsinni meeqqat siunissaat pillugu sullisseqataasusi nersualaarusukkassi qujaffi- gerusullusilu naleqangaarnersilu ersersikkusullugu:
”Suliffik inuiaqatigiinni annertuumik isumalluuteqarfigineqarlusi suliffigissallugu toqqarsi- magassiuk, aammali toqqarsimavarsi nuannaralugu uummateqarfigalugu meeqqat atuartut sullikkusullugit pitsaanerpaamik angusaqarnissaannik aqqutissiuusseqataarusukkassi.”
Ullut tamaasa suliffigisarsi allanngorartuuvoq:
Sullitassi killiffii assigiinngeqisut aallaavigalugit sulisarassi.
Ullut tamaasa suliartortarpusi atuartut sullitassi qanoq inissisimanersut ilikkarsarnikkut mi- sigissutsikkullu paasiniartuassallugit, tunniukkusutasi naleqqunnersut imaluunniit allanngu- isariaqarnerlusi.
Ullut tamaasa sulinissinni immersorneqartuarpusi atuartunit, sulisitsisussinnit, angajoqqaa- nit, inuiaqatigiinnit allanillu.
Ullut tamaasa suliartortarpusi atuartunit, angajoqqaanit, sulisitsisussinnit inuiaqatigiinnillu atuartunut pitsaasumik tunniussaqarnissarsi ilikkartitsinissarsilu naatsorsuutigineqarluni.
Ullut tamaasa suliartortarpusi suliffigisassi avatangiisia qanorluunniit ikkaluarpat apeqqu- taatinnagu.
Ullut tamaasa suliartortarpusi isumalluarlusi naatsorsuuteqarlusi atuartut soqutiginnillutik ilikkagaqarusullutik ineriartorusullutillu atuassasut.
Ullut tamaasa sulisarpusi atuartut ilikkarsarnikkut ilikkagassatullu anguniagaat nalilersor- tartussaallugit.
Allarpassuarnik nuannersunik unamminartunillu sulinissinni nalaataqartarpusi.
Eqqumaffiginiagassat sulissutigiuagassallu:
Eqqaamassavarsi tamaavissi naleqangaarpusi ataqqinartuullusilu: sulisuugussi, aqutsisuu- gussi, pisortaagussi suleqataagussiluunniit.
Eqqaamassavarsi sumiiffissinni sulissutigiuassagassiuk pitsaasumik avatangiiseqarnissarsi.
Eqqaamassavarsi sullitasi atuartut, angajoqqaavilu pitsaasumik suleqatiniartuarnissaat nali- giniartuarnissaat.
Eqqaamassavarsi suleqatisi, aqutsisusi, pisortasi sullitasilu ataqqeqatigiissumik akaareqati- giinnermillu suleqatigisussaagassigit.
Eqqaamassavarsi tamaavissi isumasi isummersornisilu suliffissinni atukkasi pillugit nale- qarmata tusaaneqartussaallutillu naapigiarneqartartussaagassi.
Eqqaamassavarsi suleqatigiinneq, susassareqatigiinneq, siunnerfeqaqatigiinneq ikioqati- giinnerlu nukittuunngortitsisarmata.
Tamaavissi ilinniartitsisut ulluani pilluaqqoqqillusi inuulluaqquassi – sulilluarisilu. Ullumikkut ulloq malunnartinniarlugu IMAK-i sumiiffinni ilinniartitsisunut kaffillerpoq.
