Tjenestemanditut pensionillit ukiuni amerlasuuni pensionisiaminnik aaqqiivigineqanngillat, IMAK- imit isumaqarluinnarpugut Naalagaaffimmit Nunatsinnilu politikkerinit ataqqineqaratik isiginngit- suusaarneqartut.
IMAK-imi ilaasortagut pensionisiallit ataatsimeeqatigeqqammerpagut, tassanilu eqqartorneqartut ajoraluartumik quarsaarnartorujussuupput, Nunatsinni maannakkut pensionisiaqartunut siunissamilu pensionisiaqalersussanut atugassarititat toqqissisimananngillat. IMAK isumaqarpoq ilaasortagut allallu pensionisiallit annertuumik nersortariaqartut atugaat eqqarsaatigalugit.
Tjenestemandit pensionertussanngortillutik paasitinneqartarput, soraarninngorunik Danmarkimullu nuullutik Nunatsinni pensionistiunermut naleqqiullugu qanoq pitsaanerutigisumik inissisimassal- lutik. Imaappoq naalagaaffik Danmarkimut nooqqusisutut kajumissaarisutullusooq pisarpoq pensi- onisiaqalersussallu ilisimatinneqartarput Nunatsinniiginnarlutik pensionisiaqassagunik akissaatiti- gut atugassarititatigullu appasinnerusumik inissisimassasut.
Paaserusunnarluinnarpoq suna pillugu tjenestemanditut pensionilinnik assigiinngisitsisoqarnersoq?
Ukiorpassuarni qinikkanit isiginngitsuusaarneqarsimasoq, akuttunngitsumillu IMAK-imit uparuar- tarnikuugaluartoq, maanna siulersuisuusunit pimoorullugu suliniuteqarfiginialerpaat.
Allaannginnami tjenestemandit soraarninngortut Nunatsinni asasamik akornanni kinguaaqarfigisa- minnilu angerlarsimaffeqarniarlutik toqqaasut pillarniarneqartut.
Imaappormi Nunatsinni tjenestemanditut pensionillit pensionisiaat ukiorpaalunni qaffanneqarni- kuunngitsut, Nunatsinnilu pensionistitut inuuniarnissamut naleqqutinngilluinnarlutik. Soraarnin- ngortut peqqissumik toqqissisimanartumillu inuuneqarusullutik Danmarkimut nuunnissartik toqqar- tariaqartarpaat, Nunatsinni pensionistitut inuuniarnerup ilungersunartorujussuunera pissutigalugu.
IMAK isumaqarpoq assigiinngisitsinermut qulaani pineqartumut akisussaaffik inissinneqartariaqar- toq aammattaaq piumasarivarput assigiinngisitsineq piaarnerpaamik unitsinneqartariaqartoq kiisalu tjenestemanditut pensionsiat naapertuuttumik aaqqiivigineqartariaqartut.
IMAK-imit ilisimavarput Danmarkimi tjenestemanditut pensionit qaammammut 6-7.000 kr mis- saanni annertunerupput, ukiumut minnerpaamik nikingassut 70-80.000 kr-ulluni, saniatigullu eq- qaasariaqarluni Danmarkimi ulluinnarni inuunermi atugassarititaasut Nunatsinnut naleqqiullugit periarfissarissaarfiunerusarmata, soorlu nakorsaqarneq, inunnik sullissineq, angallannikkullu peri- arfissat akikinnerusut. Taamatut nikingatiginerat isiginngitsuusaarinninnermik taaneqartariaqarpoq.
Taamaattumik tjenestemanditut pensionisialinnut atugassarititaasut sooq taama assigiinngitsiginerat aamma tunaartarisassat suut tunngavigalugit taama assigiinngisitsisoqarnera pillugit Naalakkersui- sut nassuiaateqartariaqarput.
