Inatsisartunut partiit qineqqusaartitsisut meeqqat atuarfiat pillugu isummersornerat IMAK-imiit nuannaarutigaarput aammalu partiit tamarmik meeqqat atuarfiannik pitsanngorsaanissamik siu- nertaqarnerat IMAK-imiit aamma isumalluarfigaarput.
Ukiuni kingullerni qulini qinikkanit aningaasaliissutinik annikillisaajuarneq ingerlaannassap- pat kikkut meeqqat atuarfiannik kivitsisuussappat?
Meeqqat atuarfianni ilinniartitsisut ilinniarsimasut ukiuni tulliuttuni tallimani 143-it soraarninngor- sinnaasut kisitsisit takutippaat. Taakkualu ukioqatigiiaat kisitsisit qaavaniipput ilinniartitsisutut ilinniarsimanngitsut atorfeqartinneqartut 39-t.
Ukiuni kingullerni tallimani ukiumut ilinniartitsisutut ilinniakkaminnik naammassinnittartut amerlassusaat agguaqatigiisillugu 30-it missaanniipput.
Ilinniartitsisutut ilinniarlutik naammassisunit arlallit ilinniakkamut qaffasinnerusumut ingerlaqqit- tarput arlalissuillu ilinniartitsisutut sulinatik allami sulilertarlutik. Taamaattumik meeeqqat atuarfi- ata kivinnissaa pimoorukkaanni aningasaliissutinik iliuuseqarnermillu malitseqartariaqarput.
Naalakkersuisut Ilinniartitaanermut Periusissiaanni allaaserineqarpoq Ilinniartitsisnermik Ilisimatu- sarfik (Ilinniarfissuaq) 2016-imiit 2022-mut aningaasanik missingersersuutit 16 mio. kr.-inik ikili- sinneqarsimasut.
Ilinniartitsisut ilinniaqqittarnerannut angingaasaliissutit 2018-imi Aningaasanut inatsimmiittut 11 mio. kr.-iusut 2023-mi 2 mio. kr.-inut apparsimapput.
Ilinniartitsisumut ilinniagaqarniartunut annertunerujussuarmik iliuuseqartoqartariaqarpoq aammalu ilinniartitsisooreersunut ilinniaqqinnerit aallartinneqartariaqarput, taamaaliornikkut aatsaat meeqqat atuarfiata kivitsisussai piginnaanngorsarneqarsinnaammata.
IMAK-ip siulittaasua
Elna Heilmann
